Kozy Okonomi-yaki Teppan-yaki

营业中

休息中

餐廳只有大概5張四人枱再加上Bar枱，所以建議大定提早訂枱(特別是Bar枱)。不過怕煙既人要注意，我坐咗15分鐘開始就feel到個人吸曬啲油煙味🤣嗰度既廚師係日本人，態度好而且識廣東話。店舖以日本風裝修，再加上隔離枱仲有講日文嘅食客，成個感覺好似去左日本咁！

約左朋友嚟Kozy食鐵板燒，依度嘅廚師係日本人，食物夠晒正宗日本風味，即刻叫番杯日本生啤邊飲邊食～豚肉大阪燒可以話係招牌菜，十分足料，醬汁調味都啱啱好，另外有紫菜粉可以自己加。大阪燒仲可以加配料，例如芝士、年糕、蝦等等，我地就加咗魷魚，食落口感更豐富。A4和牛絕對高質，牛柳粒好重牛味，唔會太過肥，配埋蒜片食又係另一種味道。正當我同朋友食完諗緊點分塊麵包嘅時候，店員就話我地聽會拎俾師傅加芝士再燒過，估唔到嗌一份和牛會有兩食呢！芝士蛋奄列亦都係好多人會叫嘅，一定要趁熱食有拉絲效果好吸引～最後嘅燒蠔都好滿意，燒得剛好唔會實晒，非常有鮮味，完全唔需要任何醬汁（如果大隻啲嘅話當然會更開心！）。溫馨提示有興趣嘅朋友記得book位啊，特別係想坐bar枱睇住大廚表演嘅，訂枱時講定就包冇失望！另外因為所有食物都係即叫即整，主要由兩位師傅喺鐵板前煮食照顧晒全場客人，所以要俾啲耐性喔～

呢間位於Circle Plaza(銅鑼灣MTR B出口直達)的Kozy算係相當有人氣的日式餐廳, 店舖面積不大, 但環境及氣氛卻令我有身處日本的居酒屋的感覺~今次係第二次來, 訂了9:30兩位, 比預約時間稍早到達, 由侍應帶我和朋友去bar檯。其實如果係兩三位去呢度, 一定係坐bar檯較好, 因為可以睇住廚師即席炮製美食嘛!食物選擇唔多, 店名有的「大阪燒」只有三款, 而炒飯, 麵, 串燒, 前菜等菜式亦唔多選擇, 但咁其實同日本一啲比較小型的居酒屋相似, 都係menu選擇有限但味道搭夠~店舖由兩位日本廚師主理, 平時客人入座同離開時, 佢地都會用日文大叫 (因為真係日本人, 所以唔係一般日本料理的「234~」亂叫一通ww)芥辣八爪魚, 作為前菜份量剛好, 辣辣地醒胃枝豆已經係日本料理必有的食物, 尤其來到呢啲鐵板燒小店, 一邊食枝豆一邊飲啤酒簡直正呀~~(自從有次去食日式放題食到好難食的枝豆後, 而家食到好食嘅枝豆我都會好開心)記得第一次來時, 見到menu有燒蠔, 但張相只影住2隻, 覺得有點貴但都照叫, 然後上菜時發現原來有4隻時, 真係開心到...XD 燒蠔燒完個size都唔