炉端燒

营业中

休息中

今年周年紀念選擇左呢間餐廳，因為以前都有嚟過，由服務至食物質素都有酒店嘅保證。今次的確係有啲失望，第一個原因係有位80年代歌星與朋友在場，當我舉起手機幫食物影相時，侍應居然走過來對我們說對面的明星客人唔希望你影到佢，那一刻我已覺得非常委屈，如果餐廳覺得客人需要有私隱絕對應該安排包房安排，而同一位侍應由我們入座開始態度亦不是十分友善。其次食物方面，一般日本爐端燒都好注重上碟嘅鋪排，但今次無論過程及上碟也比不上以前有心思，烤粟米不是明火烤製，而是用錫紙包着。牛扒燒完切好居然是看着師傅飛上碟上，完全沒有鋪排可言。總結而言食物質素係OK，但製作過程和餐廳務質素絕下降，比不上以前。

屋企有五分之二人今天生日，決定來一頓豐富的午餐慶祝一下。老公話呢間日本餐廳嘅食物好新鮮，一於訂位試吓相撲放題，對於四百幾蚊一位嘅放題當然有所期待……店內都是爐端燒的典型佈局，十幾人圍住個鐵板，有個師傅即場大顯身手(做鐵板燒)。除了每人一份的銀鳕魚和4式刺身，其他都可填紙任order。銀鱈魚好肥美，燒得好滑，刺身也是最上等嘅帶子(大大粒)、吞拿、鯛魚和三文魚，完全無渣無根，滑滑我們order了燒大蝦、燒和牛、燒羊架、露荀聲稱美國貨，粗身大大條)、雜菇、炸蠔、天婦羅、燒多春魚、燒雞翼、串燒雞軟骨、加州卷……此店嘅招牌燒物係正嘅，其他就一般……如果要鎖定利潤，有策略咁吃，就適宜多點燒物: 和牛、大蝦、露筍、多春魚、雞翼。甜品有三款:芒果大福、牛奶布甸、鮮果拼盤，雖然任叫，但大福個皮略厚，鮮果又不夠甜整體而言，如果吃得有策略應該可以「食回票價」，否則就…………好在HSBC 信用咭8折(但不可儲Asia Miles) 其實大廳嘅座位要同其他人share 一個鐵板都唔太理想，人多就比較嘈吵，要privacy 就欠奉了。

我們的住宿計劃，會包假日早午自助餐 或 $1,000 酒店美食現金折扣，前者 The Promenade 悠長Holiday Brunch 年頭才到訪吃過，這次決定選現金折扣，試試 Robatayaki 炉端燒日本餐廳。 酒店多間餐廳中，Waterfront 也算「蜢車邊」在裡面吃過雪糕，唯獨這間從來未進過或吃過。最近新出了相撲手任食午餐，成人$468/位，小童$358/位，就是我們的目標。 來到才知，這間餐廳已經開張廿年了！傳統日式裝潢的 炉端燒日本餐廳，由主廚即席為客人提供炉端燒烤美食，同時亦備有各式新鮮壽司、刺身及清酒。 爐端燒是超高昂消費，但這週末任食午餐，讓食客一次過品嚐多款新鮮烹調的美食，包括銀鱈魚、大蝦、天婦羅、精選刺身、壽司及多款新鮮時蔬等，挑戰相撲手的胃口，又幾抵食。 首先是位上的一次性刺身，內容包括三文魚、吞拿魚、池魚及帆立貝，其中最美妙絕對是鮮甜軟糯的帆立貝，好好好吃啊！我與老公每人兩件太滿足，然後也要開始其他食物。 先給小兄妹點了蟹柳牛酒果加洲卷、三文魚小卷、吞拿魚小卷、湯烏冬、炒牛肉等食物，全部可以 encore，小兄妹前後吃了2-3碟壽司！烏冬也吃個清光！