裕鵝莊 (已結業)

今天是姐姐的生日，姐姐最喜愛吃燒鵝，受疫情影響，想外出用膳也不太方便，聽同事說附近有一家深井裕記燒鵝的分店，於是下班時便前來打了外賣取回家與家人共聚一餐; 店裏的裝修是一家高級的茶餐廳，碗碟及餐巾都精緻，進店的燒鵝香味已撲鼻而來; 點了一客燒鵝下庄，叉燒及脆皮燒腩雙拼，蝦多士及豉油鵝腸; 燒鵝的味道十分香甜, 鮮紅色的燒鵝外皮，皮光肉滑，入口肥而不膩，香脆甜美，配以秘制的燒鵝汁，鵝肉更為幼嫩，更能突出肉的味道，可惜份量有點少, 吃極也不夠。想比之下，叉燒及燒腩是另類的味道口感;叉燒雖然較瘦，但肉不會粗糙；但我比較喜歡吃半肥瘦的口感; 叉燒有蜜味較甜;而燒腩仔金黃色的脆皮, 香脆可口，咸香的肉質,肥瘦適中, 入口即化;而豉油皇鵝腸於豉油的浸泡下，每一條腸均吸收了豉油的精華, 十分入味; 而且每一條爽口無比, 腸味濃郁。蝦多士用蝦肉伴以面粉炸至金黃色，蝦夠鮮味; 伴以薑的醬汁, 香甜無比。吃完這餐，我姐都十分滿意這店的燒鵝，這餐生日飯總算滿意。

裕鵝莊雖然開左都有一段日子，但因為佢係深井裕記嘅姊妹店，之前每次經過亞士尼道門外例必有長長嘅人龍，係而家市道淡靜左先唔洗排隊，見佢最近仲做緊外賣自取八折，周末突然有親戚黎屋企食飯，就試下黎外賣加餸。除左外賣八折，如果係醫護仲有免費甜品送。除左燒鵝，其他燒味都好靚咁。裕鵝莊除左最出名嘅燒鵝同燒味之外，都有小食、小菜、海鮮同飯麵等，全部外賣用透明膠盒裝住，盒蓋有打窿，返到屋企啲野食都冇變腍同走樣。燒鵝下庄($190) - 下庄係限量，想食一定要趁早，燒鵝油光閃令令，睇倒都口水流。鵝皮下面仲連住少少肥膏，鵝肉食落唔會太鞋，下庄份量都唔少，價錢同一般燒味店差唔多，又冇特別貴。叉燒燒腩雙拼($138) - 燒肉有兩行份量比想像中多，叉燒燒肉肥瘦適中，燒肉皮仲脆脆地，肉質唔會太鞋。爽滑海蜇($68) - 海蜇份量幾多，好爽口。懷舊炸鮮奶($88) - 炸鮮奶好鬆脆，炸漿唔會過硬過厚，鮮奶甜甜地幾好食。總結，除左招牌燒鵝之外，其他餸菜都唔錯，外賣八折堅抵食。