岩鹽日本料理 (利舞臺廣場) (已結業)

利舞臺去得多， 但咁多年真係第一次來覓食， 今次就嚟到岩鹽日本料理， 只看門面已能感受到其霸氣， 一於入去試試其手勢。這間日本料理主打日式釜飯， 刺身壽司拉麵食得多， 啲款日本傳統料理都係第一次聽， 上網查一查原來日式釜飯是指生米加上高湯，再加入肉類、蔬菜等季節食材，以一人份大小的飯鍋煮成的飯， 小編喺度諗:即係日式煲仔飯？滿心期待終於等到釜飯上枱喇， 成個set陣容強盛， 除咗一碗釜飯之外又有紫菜,醬油同一壺上湯， 一打開木製飯煲蓋就已經聞到陣陣胡椒香，店員親切的介紹上湯係食到最後混進飯焦食的。加上醬油後食材色澤更潤澤， 味道更香濃。鵝肝烹調時間拿捏得十分準確， 外面煎至金黃色之時， 內裏保持濕潤幼滑的口感， 啖啖甘香。牛肉肥瘦相間， 令牛肉片咬落爽口彈牙， 又不失牛油獨特的油香。牛小排和我剛下的白飯亦夾雜不少配菜， 很多意想不到的材料， 香上湯煮過的日本買景加入了栗子粒,白飯魚,超幼蛋絲等等， 別有一番風味。這壺不是一般的上湯， 竟加入了茶葉， 沒想味噌湯竟和茶葉如此配搭， 清新茶葉香 帶來唔少新鮮感， 混進米飯後，清曬成煲釜飯冇難度。大力推薦刺身拼盤！如果你而家用電腦睇嘅話可能

認住呢樽櫻花色嘅岩鹽!原來係放喺枱上任我哋用架!釜飯一飯二食。先澆通燒汁，拌勻食；茶壺盛載嘅湯倒入飯焦，食茶漬飯。一陣煲仔香~倒燒汁前可先試試鵝肝同牛小排嘅原味。鵝肝灑上岩鹽磯燒，內芯粉紅色嘅鵝肝散發油脂香，調味簡單但味道層次豐富。牛小排油脂均勻分佈，牛味濃陏。想食飯焦拌飯時就輕手啲喇。可能我太早拌飯，飯焦量不多。比較喜歡第一食。配料唔馬虎，蛋絲細如線，栗子帶來秋意~刺身油脂紋理均勻，厚切，鮮味出眾。值錢位喺特濃豆腐。可以考慮其他豆製小食。

朋友中意周圍走試新菜，而我亦係一位吃得之人，有日就同左佢黎呢間岩鹽日本料理食飯，佢話想試下磯燒，而我亦係第一次食日式磯燒～最近新開既一間日式餐廳，一入黎已經見到生猛又大隻既海鮮，同朋友達成一致共識，今晚一於食佢！餐牌有圖有真相，大部份日式料理都有，特別在於有磯燒同釜飯，釜飯唔係到到都食到，而今次我亦都嗌左一試。比起刺身我更中意食壽司，嗌左深海魚、比目魚、油甘魚等壽司，食落去意外地驚喜，魚既口感有韌又軟，而驚喜既係大部份都冇乜腥味，容易入口，又會溶化係口中，鮮香不錯～之後，就到我地既戲肉海鮮磯燒，今次磯燒會有專人幫手燒，可以坐埋一邊享受被服務既感覺，同某類韓國燒肉店有異曲同工之妙。磯燒會先從貝類燒起，味道由淡至濃，又海鮮亦會配搭調製醬汁作調味，另外餐廳仲提供左海鮮醬、柚子醬同味噌醬，任自己喜好選擇。紐西蘭活蟶子皇，肉質肥美爽口，唔配任何醬汁依然食得出鮮甜味。桂花蚌，大隻又煙韌，而且食落去好有嚼勁，鮮味不俗。帆立貝，員會分開一小塊黎燒，燒既時間比較長，而味道相當鮮甜，加上貝殼上既海鮮湯汁，鮮口好食！磯燒過一番後就到釜飯上菜，嗌左個燒鵝肝牛小排釜飯，鵝肝外層有輕微炸過，食落去有少少肉汁及鹹香