一樂燒鵝

营业中

休息中

中環食lunch係貴，連食燒味飯都貴過人不過好食，貴DD其實都係值得嘅鍾意食燒鵝嘅，一定要黎食一樂呢個米芝蓮的性價比好高雖然環境又逼又窄，冷氣又唔夠涼，地下油淋淋，又要排隊（不建議多過兩個人去食）但鵝皮係脆、D肉超嫩又多汁、咬落去仲有陣陣油香，但你係唔會見到，唔會食到D肥膏！真係好好味！包補一試難忘！佢D鵝肉仲好香五香粉味，連d骨都好好味，要算埋記得叫伙計比酸梅醬！以咁嘅價錢食到咁高水準的燒鵝，真係好正！每次都保持水準！

睇食評好多都係寫老板娘發皮四多過寫食物，但凡事都要親身體驗吓方為真。lunch尾聲兩點嚟到，喺門口等咗一兩分鐘就有位。椅同椅之間距離淺窄，如果坐最入個客要走坐路口嗰個要起身讓路先夠行。姐姐好有禮貌，笑容滿面，百忙之中也能和熟客談笑風生。紋身哥哥英文「luck luck」聲，同樣有禮。店員間氣氛歡愉，老闆娘也正正常常，沒有傳說中的經常爆seed。燒鵝飯，$50，分量都幾足，兩份鵝，但如果可以配條菜賣相應該可以更吸引。酸梅鵝醬要同伙記要求先會俾。因為一般鵝飯同鵝脾飯價錢都差幾遠($88)，所以都擔心會俾啲好差嘅部位，但最終都唔差，我呢碟肉都算厚。朋友叫燒鵝瀨就皮多過肉。我第一口食咗一片連肥膏嘅淨皮，脆皮，肥，有啲騷，但我鐘意。鵝醃料入味到入哂骨，但又唔會死咸，食完唔會口渴。自己建議配飯好過配瀨，因為瀨個湯令鵝皮冧咗，享受唔到個脆皮。

要數香港地道美食，一定少不了燒鵝！這日就與外地朋友趁去開中環順道到一樂食餐燒鵝。  我們都愛吃啖啖肉的鵝胸肉，於是點了燒鵝胸肉飯，配杯凍檸茶，再share碟腐乳通菜，全部共只約＄100。以中環來說，消費算平民得很。 一樂店內座位其實算安排得幾密，好在我們是的時候做下午茶又太遲、做晚餐又太早的尷尬時候，所以我們2人亦可獨佔一張4人枱，加上隔離和前後都無其他客，我們可以坐得頗舒適。凍檸茶先到。不過味道只是一般，因為這日的茶香及檸檬香都不夠濃。燒鵝和菜一起到，一下子枱面都放滿了食物和飲品，真係看到以開心。大家一輪拍照後，就開飯了！每碟鵝肉的份量都好足。肉質鮮甜又多肉汁，啖啖肉，伴著熱辣辣的白飯，食得好滿足呢！腐乳通菜的菜都很綠嫩，不過我就覺得腐乳稍鹹，不撈腐乳蛋食通菜更好食。