大都烤鴨

营业中

休息中

一直都好鐘意食片皮鴨，無論平費的片皮鴨都會去試，但呢間大都烤鴨真係食完會想再返黎食！因為鴨皮真係烤得好靚，好好食，相信你就咁睇相都可以睇得出鴨皮有幾靚。中午時間食價錢仲好抵，有做優惠。當日仲食左小籠包，都好食，但冇片皮鴨咁令人難忘蘿蔔千絲酥甜品就係傳統的北京小食驢打滾是紅豆糯米做成的糕點唔想散叫，都可以揀套餐，但就唔可以再用折扣優惠啦

.用餐日期：2023年11月 晚餐晚市人多，我地一行8位被安排坐房間，當晚房間有三圍，環境相當嘈雜，而且圓枱太大，基本上同枱講野都好難聽到。當晚仲有段小插曲，經理以為我地9位，就自己送左3碟餐前小菜，但最後發現我地得8個人，話唔可以送3碟，最後加左我地一位茶芥當9位。但我地訂枱係訂8位，擺左9個茶位應該係餐廳溝通問題，餐前小食都係經理話送我地先要，冇特別話想食，無啦啦加我地一位茶芥都幾無奈，不過幾十蚊就算😂《茶芥 $19/位》《鎮江肴肉 & 雕皇醉雞》 ⭐️⭐️⭐️呢兩道菜係餐廳送的，鎮江肴肉其實就是將肉汁整成啫喱狀的肉凍，再配上豬肉一齊食，餐廳將肴肉砌成雪花形狀，幾有特色。醉雞雞肉嫩滑，亦都食到濃濃酒香，相當不錯。《$128 黑松露素鵝》 ⭐️⭐️⭐️外皮煎得香脆既素鵝，咬落食到滿滿既內涵，可惜黑松露味道不足，而且定價頗貴。《$108 奶油娃娃菜》 ⭐️⭐️⭐️⭐️聞到好香既奶油味，入口creamy，娃娃菜都好甜，好好食。《$568 烤北京填鴨》 ⭐️⭐️⭐️⭐️來到今日重點，片皮鴨應該係一早切定，皮有點乾，肉質普通，不難食但又未好食到令人留低印象。配料款式頗多，除左慣常既大蔥、青瓜，仲有哈蜜瓜同紫蘿蔔，醬料都

同同事收工之後諗住食晚飯，決定食中菜，大家傾傾吓發現原來都想食片皮鴨，於是上OpenRice搜尋尖沙咀，見到大都燒鴨就直接去咗啦。入到去梗係要點招牌菜片皮鴨啦，其實佢哋有個二人套餐，不過某啲菜式唔啱食，如果唔係個set本身包埋半隻片皮鴨都幾抵食我哋就散嗌咗半隻片皮鴨，同埋幾款小菜同一款湯。先講咗隻主菜先，佢哋嘅片皮鴨係皮同肉分開上，配料嗰度仲有蜜瓜同我估係紅菜頭，係其他片皮鴨店比較少見，配搭起嚟幾清爽再叫咗個開水白菜，上到嚟覺得幾搞笑，個樣幾好睇，但係要$78 ，食起嚟都幾空虛仲有一個萵筍炒臘肉嘅物體，第一啖食以為好淡，食食吓配埋啲黑木耳同肉食，有幾好味喎重點仲有個湯，係真材實料嘅，$118一個，用嚟過吓湯癮就還可以啦

一如既往同我10年前喺呢度食嘅烤鴨同埋甜品一樣都係咁好，今次仲試咗個新嘅梳素材啦都係非常之正㗎，連銀包都唔記得帶去食飯都夠膽去！呢餐包接送兼又食又拎🤪🤪🤪🤪🤪In the mood for dining out with neighbour #大都烤鴨#保持水準#片皮鴨必吃#鮮茄濃湯浸豆苗#每年必來吃幾次#十年如一的好

突然間很想吃中菜，所以就選擇了這間主打吃鴨的餐廳。我們當然點了王牌的片皮鴨。他們的鴨可以有多種食法，但是今次我們只點了片皮鴨。果然沒有令我們失望，鴨皮做得非常薄也非常脆口，麵粉皮也做得又薄又煙韌。整個吃起來非常香和有質感！

好耐冇出去食飯~~所以冇點更新。近排身體狀況好返啲，又突然好想食北京填鴨，所以就決定左去試下呢間位於K11鴻x集團旗下既烤鴨酒家。因為只得兩個人食飯，所以其實都點唔到好多菜，本身係想試水晶鴨肝片皮鴨既~但因為佢最細半份都有八件咁多😂所以見係第一次食，就點反傳統既片皮鴨算~除左片皮鴨，另外都叫左好多點心😝小籠包: 皮薄多汁，做得唔錯。不過味道黎講又食唔出話好有特色，就係普通小籠包既味道🤣但皮既手工真係值得一讚，肉眼可見係幾咁透薄。老乾媽炒茄子牛柳: 其實呢個餸既組合難食極有限😂整體黎講我覺得味道唔錯，茄子夠淋，牛肉正常唔會太難咬，整個餸唔辣。送白飯應該係幾正既。不得不提係佢上菜既時候真係熱到出哂煙，鑊氣十足。而家其實好少餐廳可以出菜出得咁快又夠熱，抵讚！片皮鴨: menu上寫要等20分鐘~結果十分鐘左右就上到菜。兩個人share半隻鴨，份量唔算多(感覺同x中鴨子差不多)，所以都唔會怕太飽。個餅皮雖然好薄同埋係係蒸籠攞出黎，不過真係凍得好快。隻鴨基本上菜既時候都係凍哂的。所以到到真正自己包好哂食既時候，成舊食物都係凍的😟減分。但整道菜比較有特色就係配菜除左青瓜同大蔥，仲有紫薑，呢個又真係第

一行四人去到位於K11既大都烤鴨，適逢做緊優惠，實在太過幸運了。涼菜水晶餚肉 - 入口即溶，配搭埋淅醋 好食👍黑松露素鵝 - 好香既菇味，又唔會太油👍👍小籠包一向都係好考功夫既點心，今次呢個皮薄又唔易穿，一咬落去滿口肉汁爆發出黎，記得一定要襯熱食👍菘子魚 酸酸甜甜既感覺配上炸到恰到好處既魚肉，整條魚都係無骨 👍片皮鴨雖然份量睇落去唔算太多，但都好夠食，唔會太油，肥膏刻意地處理左，令到成件事唔會太油既感覺，配搭上哈密瓜，青瓜，京蔥，紫蘿蔔等 口感豐富 出色一行4人埋單折實$900左右，抵食👍推介

好想食片皮鴨上網睇過幾間 呢間個價錢適中 評價都唔差 一於去試下因為前一日先決定食呢間 系無訂枱情況都系等左10分鐘就可以入座啦(不過應該系我地早攞飛)坐底想叫個2人set (套餐包埋片皮鴨)但有侍應提我地今日單點片皮鴨有半價諗諗下 都系散叫好啲 (多謝佢既提點)******************************員工服務很好 上菜速度都好快仲會幫我地泥左片皮鴨同前菜既食物先其他食物都系等我地食完片皮鴨先到應該因爲星期六 所以用餐有限1小時半個鐘不過我地食左70分鐘 就叫埋單啦時間夠用

家人說星期天要來這裡吃片皮鴨今天不是太多人，不用等很久來之前最好book定位這裏都有Set Dinner不過我哋覺得套餐唔係太啱胃口所以每次來都係散叫呢個片皮鴨係必食嘅首先講下佢個皮先呢間好細心每個被中間會有張紙格住然後包埋一齊嘅配件都好新鮮係包完之後可以一啖食嗰度如果鍾意嘅話可以加砂糖或者甜醬點解返嚟食到咁多次諗大家見到以上呢張圖都知道呢間師傅好犀利可以切到豬肉紙咁薄而且冇花冇假係唔會黐住啲肉兼且呢個片皮鴨係食落去一啲都唔覺得油膩而且個皮係超級跪今次試吓呢個新野叫咗鴨末佢係筆落呢個芝麻包入邊食👍🏻外脆內面嘅鴨蓉好食如果你唔想食芝麻包的話可以揀生菜🥬呢個係屋企人每次都要揀但我個人真係唔係好識得欣賞個人不太喜歡這種麵包而且中間嘅豬肉比較實然後老公堅持揀呢個黃金炒飯，我覺得有啲漏🤢個人比較鍾意金華火腿炒飯這個蝦球不過不失，如果俾我揀嘅話我會揀食小籠包多啲最後埋單啱啱好$1100

上年無意中發現呢到既新年套餐味道唔錯，價錢又合理，推薦左比兩個朋友黎食，佢地都係話正，所以今年帶埋屋企人黎食Book 左weekend 既夜晚8點枱之間嘅距離寬闊 而且大部分係卡位好舒服 叫左個四位套餐首先黎既係前菜三碟上面既係醃蘿蔔左邊係鎮江肴肉右邊係涼拌青瓜海蜇頭 三款味道都唔錯 鹹鹹酸酸 幾開胃片皮鴨 (半隻)皮同肉係分開哂 唔似出面一舊連皮帶肉咁上肉同皮中間既油脂，師傅會片走，冇甘油膩但亦都令鴨肉偏乾 冇乜肉汁皮可以就甘點砂糖食  好脆好香口餅皮用牛油紙一層層隔開，所以唔會痴埋一舊食到尾諗住問經理攞多幾塊餅皮，佢話要$30/一籠，但嗰陣食到得返三四舊鴨肉鴨皮，所以冇加到。其實嗰籠餅皮得八塊左右，一夠肉一塊餅皮真係唔夠包。生煎包 一人一粒 熱辣辣 底煎得夠脆，不過唔算太多肉汁 唔錯花膠響螺燉雞湯 裏面除左有花膠,響螺,仲有冬菇,雞肉,瑤柱一人一盅 好足料 飲落超清潤一d都唔油膩 個人返食好大原因都係因為個湯, 諗起都流口水鮮茄濃湯浸時蔬 冇乜特別味道唔錯唔係好記得叫咩  裏面有蝦，帶子，翠玉瓜，西芹蝦爽口 帶子偏鹹  菜同瓜都爽脆冇渣  蔥燒遼參花菇 海參有四舊，炆得岩岩好 爽口

今晚原本係食日本野, 但人龍真係太長, 於是即是轉陣到呢一間出名片皮鴨既中菜, 其實一直都想試下佢, 不過一路都未有機會, 今晚真係剛剛好; 夜晚八點入到去, 全場約9成滿, 應該剛剛做完第一輪加上平日, 兩個人唔駛等直接有枱; 兩個人4樣野, 其中兩樣片皮鴨有關, 當然係半隻鴨同二度啦, 打開菜牌二度選擇好多, 煎炒煮炸加五味都齊, 多到我改左兩次😅,本來想試酸菜架子湯, 但後來想有米落肚就改左湯飯, 上湯飯時會有個火熱住個窩, 食時熱辣辣, 成個人暖左, 同埋呢個做法好細心, 熱住就唔怕鴨肉凍左有股鴨油酥味留係d湯到👍🏻

這次lunch time沒太多時間 選了近公司的這間但....真的沒有下次片皮鴨還算正常我之前吃過的是肉會用來做其他菜色但它會跟鴨皮一起給我包著吃的黑松露小籠包...湯汁差而所謂的黑松露只是包上那一點並不是拌在小籠包肉裡看來是我想多了花螺有小許辣味.....還算正常鴨湯因為我一向中湯都喜愛"老火湯"而這個..我又想多了它煮得不夠時間湯味淡得只像有味水一樣最後還點了荷葉飯這個亦是差醬是大帶甜的炒飯都炒得不好蛋跟飯的味道是分開再加上甜醬.....真心...我不喜歡

因為買咗鴻星嘅membership,所以成日都幫襯。今次點咗啲之前未食過嘅菜，有驚喜喎！最驚喜係酸菜魚，又酸又麻又辣，個湯底好正，如果配埋米線就一流！有好多酸菜同雜菌，魚片都有啲鮮味喎，唔係雪到無晒味！讚！梁溪小魚都唔錯喎，炸到脆卜卜，好香口。蔥油拌麵，麵條同炒麵嘅麵係一樣嘅，好滑身， 蔥先炸過，好香。片皮鴨同個泡飯依舊好正！

因為人數多，所以提前個多月已訂位。但去到告訴侍應訂了12位，他竟一臉驚訝地回應：「訂咗位呀？」擾讓一輪，侍應告訴我們執緊枱了，其實是他們請其他顧客調枱，即是真的漏了我們的預訂吧！（但我們看到留位簿有我們的reservation）由於是由細枱拼為長枱，所以侍應自動把某些食物分成兩碟上枱，這值得一讚先點了蠔油蘑菇和肴肉，蘑菇刀工出色，麻油味略嫌過重但也頗美味。點了干扁四季豆和牛肉四季豆，兩款都有水準，朋友說估不到這店子煮牛肉也有一手。本身是點了鴛鴦湯飯的，侍應覆單都正確，可是卻來了荷葉飯，不過這飯也很好味，只是不是原個上枱（這道菜沒有分為兩碟的），所以初時都不知是甚麼，賣相較遜。片皮鴨分為兩碟上枱，喜歡它有四種配菜，而且除了海鮮醬還有砂糖，片皮鴨醮上砂糖真是十分相配由於是慶祝朋友生日，所以買了樓下的Luna cheesecake，要解凍所以並沒有叫侍應雪蛋糕。飯後待我們點了甜品，我們把蛋糕拿出來放上枱面，其中一位侍應立刻過來看一眼，並即時走到收銀機前入數，不用數分鐘更print了帳單請我們結帳（我們並未叫埋單）。雖然沒叫他們雪蛋糕而他們亦沒有切餅，但我們都預了會給予切餅費的，但也不用做得如