牛県

营业中

休息中

服務員先奉上口罩袋，圍裙等，再耐心介紹各種牛扒嘅特色，讚啦！點了牛側腹扒，套餐5選3，點了沙津，薯條加可樂...最先嚟可樂，扣分，估唔到可樂都要扣分，個罐出面沾滿肥油，喺咁講求衞生嘅今時今日，真係要檢討吓...再嚟沙律，菜都係一般材料，唔會話特別好食，又唔係太差咁啦...跟住主角石燒牛扒出場，牛嘅質素係好嘅，味道同紅酒針都好味嘅，上時店員提醒大慨只一成熟，但問題係熱石會不斷繼續煮，想冇咁熟就要鬥快食！最後忍唔住問咗店員係咪要鬥快㗎？店員説可以攞多隻碟嘅！咁點解唔一早畀定我呢？薯條夠熱夠脆也不錯！總括都係好評嘅，不過下次老虎都攞定隻碟先😂😂😂

今天到荃灣搵食，男朋友想食牛，所以上網搵一搵就找到這間，看見好評都幾多😌所以就試一試順便一提，這間店的門口有很多咪錶位，方便泊車。總共有六款牛可以選擇，有平民式的西冷，也有尊貴的A5和牛🤩除此之外，這裏有一個很特別的地方。。。就是你可以選擇牛扒的大細！！因應自己的食量選擇，這樣也不錯不會浪費👍店員很貼心送上了圍裙。下單是劃在紙上的，醬汁有兩款可以選擇，我們每樣叫了一款。除此之外，加$30便可以轉為套餐，仲可以五選三，有薯條，飯，飲品，沙律首先來的是牛側腹扒！上菜時非常香😍，店員提醒可以自行切開，燒到自己想要的程度！肉汁多，配飯一流！另一個是上腰西冷🤩個人非常推薦！除了超級厚身之外，上面也有一層皮，下去很香口。和平時吃的西冷扒完全不一樣。大家黎到一定要試！兩個醬汁中，個人比較喜歡紅酒牛肉汁。店舖非常細心，走時提供了酒精搓手液，也有小熊噴噴，可以清洗衣物上的氣味😚