豆花妹撈米線 (已結業)

差不多每個星期日都睡至中午，起床後，便要落街搵食醫肚，知道豆花妹都是大約在這時候開鋪，近近地行去買兩碗米線仔來吃，份量就足夠當食一個 brunch !牛尾米線主角是牛尾，有三小塊，是有點肥膩，但都幾好味；配有兩大件紅蘿蔔及西芹，腍身得來又甜甜地，顯然入晒味；撈勻米線一併來吃，熱辣辣的，美味香口！冰鎮荔枝米線近期新出的口味，一看賣相，已有一種很fresh的感覺，配有火腿，青瓜絲，蟹柳，椰果及荔枝，連同甘筍沙律醬汁撈起來，整碗米線都十分爽口清甜，配料很對味，效果佳；荔枝肉只有一顆，勝在大粒，多汁鮮甜，第一次吃又甜又凍又有水果的米線，好味！有創意！讚！

就喺一個電視節目「我要做老闆」，令我認識咗「豆花妹」，就喺一句「平價的野心」，令我不得不佩服兩個年輕嘅老闆。打正旗號，以薄利多銷策略，主打雲南地方小食「豆花撈米線」，可唔可以成功演繹出佢哋嘅野心呢？有幸過到嚟還未開張嘅新鋪，一嚐兩位師傅嘅手藝。由於小店定位清晰，開晌平民眾多嘅深水埗區，絕對合適，因為依區人口多，而鋪租又未至幾個旺區咁「乸脷」。再者，小店位處欽州街及福榮街交界，食正角落位，對面有高登同黃金電腦中心，行落少少又有長沙灣政府合署及西九龍中心，附近更有多所學校添，人流絕無問題。鋪面側邊，印有一個有關「豆花妹」同「泡菜仔」開店的故事，雖然無考究其真偽，不過，隱若都道出老闆之一阿超嘅開鋪始末，但最後一句「故事待續……」，唔知會唁會就喺講到兩位年輕老闆參加電視節目呢？現時店鋪主要以3款米線應戰：豆花米線（$15）、喜樂牛肉米線（$17）、牛尾米線（$20），再輔以小食（猶如車仔餸形式）作配搭（每款$5）。鋪仔細細，都喺以外賣同立食為主。小食方面不得不讚一讚兩位老闆有賣點、有頭腦，除了已計劃好創作出108款小食（暫時只會詳列其中54款）之外，小食都唔喺咩豬皮魚蛋、雞尖蘿蔔咁一般大路。雖

唔知大家有沒有收看森美《我要做老闆》的節目? 下定決心做一個老闆, 建立自己的事業, 是需要有勇氣、有理想、有創意、有熱誠, 還不少得要有本錢。這兩位滿有抱負, 為自己前途打拼, 參加了《我要做老闆》節目, 受賞識而成功得到創業的資金, 年紀輕輕就能實現做老闆的夢想, 開了一間屬於他們的食店- 「豆花妹撈米線」, 真的很欣賞他們。環境店子位於深水埗, 平民化的旺區, 它正正在轉角位, 一邊對着黃金廣場, 另一邊是對着長沙灣政府合署, 這一帶人流相當多, 根本不用擔心無人發現。店子小小, 只供外賣或可站在街邊進食, 別有一番風味。門面以淺藍色為主, 配上白色的文字和可愛的豆花妹公仔, 非常搶眼和很淘氣呀! 廚房是開放式, 客人可一邊等候食物時, 一邊看著員工製作。我們還有幸參觀他們的製作基地, 雖然內裏的的骰骰, 但設備齊全。店子的高處貼了數款米線的相片, 清晰而吸引。門外還放了一大張介紹本店食物的易拉架, 亦放有宣傳單張, 讓客人可清楚知道店子所提供的食品。最有創意的是 "小食龍虎榜", 是乜東東? 原來是讓客人投票最美味的小食, 很親民的玩意啊!店子牆面上印了一個關於「豆花妹」和「泡