千両 (國際金融中心商場)

营业中

休息中

一排冇黎千両食，見到有新嘅千両限定餐目又黎試吓先。時令活蠔風雅 $58 另加一時令活蠔一客一大隻，每隻蠔殼都釘住張紙仔寫明岩手縣，好震撼。隻蠔肉質非常實在，食落啖啖肉，非常新鮮。不過蠔味略為唔夠重，都冇乜海水味，我就鍾意佢唔會太鹹。配有蘿蔔蓉蔥花柚子醋調味。不過第二轉再叫有隻蠔就細隻左好多。活象拔蚌刺身 一份 $118 另加一活象拔蚌刺身寫明係愛知縣，係期間限定。呢碟已經係兩份，份量超少，一共有3條，每條切開2份。不過質素緊正，又爽脆又鮮甜又實在，好似食緊新鮮蟶子，不過當然好貴。炙燒皮剝配鮟鱇魚肝 $32 另加一炙燒皮剝配鮟鱇魚肝一客一件，餐牌寫明係岩手縣皮剝，質素正常，不過完全冇炙燒味。片魚上面有一小塊鮟鱇魚肝，味道唔太突出，上面再加左少少蔥花。螢光魷魚軍艦 $28 另加一螢光魷魚軍艦一客兩件，魷魚上面加左少少滑溜芥末醬，所以味道帶少少酸，不過完全蓋過魷魚嘅味道。雖然話係兵庫縣魷魚，都係普通料啫。士多啤梨焦糖奶凍 $48 另加一北海道士多啤梨焦糖奶凍一客兩件，明顯未融哂雪就俾客，唔多掂。味道方面，奶凍好滑溜，似雪糕，唔太甜，冇乜焦糖味，上面一層薄薄士多啤梨果醬，主要食到冰，冇乜味，仲

每一次嚟，都會有唔同嘅新食材，感覺新鮮同驚喜👍。今日嚟到，又坐卡座😏，女人最開心啦😀。迴轉寿司🍣，唔係坐迴轉枱會開心啲🤔，佢話迴轉啲嘢，都唔知轉咗幾耐😓，所以都係 order 好啲😀。海膽好鮮甜，未見出水，但係塊紫菜都係腍嘅😓。麵豉湯我都只係想飲湯😁。個煮蠔好好味，湯汁同蠔好夾，隻蠔細細隻，但係好鮮甜😋😋😋。牛油果🥑軟殼蟹🦀卷，食完唔會太油👍。三文魚籽都新鮮，好味道😋。其他都係不過不失啦😁。