L.D.K. by Ufufu Café (德福廣場) (已結業)

今日係2019年最後一日啦點知係公司太忙太多做最後都冇得早收工 好慘六點幾先收工走人之後就去搵女朋友啦黎到九龍灣德福廣場咁其實我都已經有心水食咩架喇上次係葵芳冇食到 所以今日就係九龍灣食呢間啦L.D.K我地三人行嘅 等咗大約十分鐘汁燒牛肉丼 $88女朋友叫咗個汁燒牛肉丼個牛肉整得幾好味肉質嫩口 燒汁甜甜地 幾好味牛肉壽喜燒烏冬 $98個烏冬熱辣辣上枱個湯幾好飲烏冬煙韌好味啲牛肉都好食嘅鰻魚撈烏冬溫泉蛋 $128呢個撈烏冬 我係冇食嘅最後總結 係唔錯幾好味 值得一試

呢一日嘅午飯又黎咗呢間，因上次係葵芳分店食完個美味咖哩和牛蛋包飯後，都可以再來呢間食店😋😋今次再睇餐牌⋯⋯噫⋯⋯有牛肉壽喜燒烏冬，再睇⋯⋯又有汁燒牛肉飯，嘩！居然之前無發現！當然叫呢兩個試下😁😁真唔好彩，叫咗個所謂店員嘅人(高高瘦瘦嘅男子，唔算後生)，我哋一路落單，佢就目無表情，都算，又唔寫又唔應，又無覆單，不知所謂到頂點🙄🙄 仲以為佢啞添，但一返到水吧，同啲同事傾得鬼咁開心，仲講埋粗口⋯⋯你想扮好記性唔寫，無問題！客人講完，都應一句或覆一覆客人叫咗咩⋯⋯做得服務性行業，小小客戶服務都要有卦🙄🙄 不知所謂嘅不知所謂🙄🙄 影衰哂一間日式餐廳！希望經營者，可巡下店，留意下呢一類員工，加以倍訓一下🙄🙄其實其他店員ok㗎，但俾我哋乙遇著一個咁嘅店員，所以服務我只能俾一粒星😒😒湯同沙律到，正常啦，加$20就有，仲有杯飲品，算係咁喇牛肉壽喜燒烏冬先生到先，嘩！靚樣喎，店員一放下就說，食得㗎喇😄😄⋯⋯好！即食，美道幾好吖，我倆都好滿意😋👍🏼汁燒牛肉飯先生到埋！賣相都靚，俾咗點意外驚喜我們，因為我哋好怕肥牛，點知一上枱，正呀！瘦瘦😁😁  不過，味道就一般，唔夠野味，牛亦有少少韌，但接受😅😅p.s.

依間係一間會令我無限loop嘅餐廳，實在太好味啦！叫咗個煙三文魚蕃茄意粉，係厚切三文魚嚟㗎！一個番茄汁好特別，有好清新嘅香草味。另外叫咗個牛肉壽喜燒烏冬，得3大塊牛肉，仲有一束甘菇，幾條大䓤，一隻蛋。係幾好味嘅，但要$98，我覺得有啲唔抵食囉！加$28晚餐升級，多咗個餐湯粟米湯，同埋一杯迷你香蕉朱古力芭菲。粟米湯好滑，個甜品都一流。下次再食晚餐嘅話，我都會加錢升級。另一個餐，我加咗$48升級。多咗個飯、沙律同埋一個酥皮粟米湯。個沙律就一般，但個酥皮粟米湯就好有驚喜啦！我推介你哋要試。總括來講，呢度嘅甜品真係冇得輸，個酥皮粟米湯堅正添！

Long Weekend的最後一天聽日又要返工，對呢日到底有多多的不捨簡直想將佢無限延長！既然係咁，一定要食飯個good dinner想食日本菜，搵左一陣就搵到呢間，標榜日本米使用，個人對日本米其實無太大認識，只係知比較圓潤同埋營養豐富d!門口有餐牌擺左係度，食物都幾吸引，諗都無諗就入去主菜加唔同價錢就會做到唔同set，最豐富的set會有湯、飯同埋沙律，湯寫係粟米湯，但其實係酥皮粟米湯，好有誠意仲好飲跟餐沙律的蔬菜好新鮮，有甜味！靜岡八女抹茶紅豆拿鐵，唔係太甜，加上紅豆就剛剛好，紅豆蓉好正，大大舊，岩曬我呢個紅豆控牛肉壽喜燒烏冬的牛肉好新鮮，牛肉味好濃，仲好多塊面且大蔥、洋蔥呢d都係我至愛！小煲仔滾滾下！由於呢度用日本米，專登叫多個白飯試下！又真係幾得

平時食日本菜，我地多數都會係晚餐先食！今次約咗芊嶠同學仔去玩，同學仔媽咪介紹，話好多人食，食過好味！咁好啦！就一於試下新嘢啦！【白咖喱芝士烏冬】平時好鐘意食飯嘅我，今次一打開餐牌，就睇中咗呢個白咖喱芝士烏冬，我就好鐘意啲好香濃嘅汁，配埋烏冬一齊食！我覺得真係好夾㗎！【牛肉壽喜燒烏冬】但老公就唔認同，佢都係鐘情於壽喜燒，所以佢揀咗壽喜燒烏冬，配埋肥牛，佢話要再 encore！【兒童餐 (女)】，吓？兒童餐都有分男女？其實係㗎車唔同顏色姐，入面嘅食物都係一模一樣㗎！有八爪魚造型腸仔，吉列炸蝦，燒雞翼，熊仔 & 鴨鴨造型魚蛋，蔬菜，炸薯角，粟米，仲有肉醬意粉。【兒童餐 (男)】係咪呀？㗎車唔同色㗎咋！不過兒童餐份量都好多，我地叫咗兩個，3個小朋友 share 食，都食唔哂！【脆炸烏賊】即類似炸魷魚圈，不過我個人唔鐘意佢跟嗰款醬汁，有少少 wasabi 味！總結：食得好飽嘅午餐，白芝士咖喱烏冬食到尾我都有啲頂唔順，哈哈！老公就好快 K.O. 咗個壽喜燒烏冬，我有偷食一塊肥牛，好好味！炸魷魚圈都好味，夠熱，即炸即上菜！有兒童餐食，又會好貼心咁分咗男、女，令小朋友開心。另外，餐廳有bb凳，同埋膠餐

做冬呢日帶肥髀去德福廣場睇戲，之後食佢最喜歡嘅日本菜，事先打電話去問咗不設訂位，去到又唔使等位，和式淺木柵，間隔開好多卡位，裝修裝修企理，枱面已放好兩本餐牌（一本正餐，一本甜品）落單好快到，餐具都放晒在枱面小籃！牛肉壽喜燒烏冬（$98）會用火鍋爐加熱，自己決定幾成熟，枱面小籃已比埋湯殻（細心）烏冬煙韌彈牙，牛肉肥美唔韌，剛剛熟，金菇好新鮮白雪雪，食菇嫩滑，大蔥清新唔辣，湯底日底甜湯，加了蛋口感更豐富碎吞拿魚腩海膽丼（$148）肥髀食，賣相ok，但海膽同餐牌圖片份量差太遠，分咗肥髀嘅海膽，太少無乜味，吞拿魚蓉粉紅色鮮嫩，幾肥美，撈埋珍珠米好味！抹茶蕨餅（$48）後加嘅，小竹籃內放上抺茶蕨餅，蕨餅煙韌彈牙，抹茶粉微甘，加少許黑糖漿已足夠！好味！店員有禮斯文，收碟前都會問一句，確定我已完成先收走！正餐價錢略貴，甜品款式又多又靚，想食甜品呃like嘅一定啱！