影片
更多
2015-07-01
2433 浏览
晌「開飯喇」查一查，韓式餐廳接近400間，當中主打做韓燒有近1/3，無正式統計過，只喺從朋友、雜誌所聽聞，粗略估計，每個月大概有2-3間韓式餐廳新開業。近日，就同朋友嚟到九龍城嘅「炑八」嘆韓烤，喺近排擴展得幾快嘅韓烤餐廳。雖然小弟有睇吓韓劇，但對韓文一竅不通。餐牌內頁有一段文字介紹「炑八」，頗引起小弟傻笑，「炑八」（먹방）嘅韓文發音為「meokbang」，意思睇番張餐牌內頁就知，識小弟嘅朋友都知我一向撐廣東話（寫文更盡量唔會又中又英），如果以廣東話讀番嗰兩個韓文字，同「茂炳」個音幾相近，所以，今晚難得兩位朋友陪小弟依個「茂炳」嚟食韓燒，真喺賞心悅「炑」。餐廳地方頗大，枱與枱之間都幾有距離感，感覺闊落，有4人圓枱，有4人卡位，亦有可組合成嘅大長枱，人多人少嚟都可以坐埋一齊。而抽油煙喺採用上抽式，效果還算不俗，至少食完都唔會覺得一頭「煙」。因為是晚閒日，客人唔多，所以，揀坐卡位，有得挨，自在好多。蘿蔔、泡菜、大豆芽、木耳（免費）食韓國嘢，其一大特色就喺前菜，就算未點餐都一定會送上多款前菜，「炑八」都唔例外，先上嘅4款前菜，包括：大豆芽、木耳、蘿蔔片及韓式泡菜，幾款前菜都各有個性，做得唔錯，
雖然小弟有睇吓韓劇，但對韓文一竅不通。餐牌內頁有一段文字介紹「炑八」，頗引起小弟傻笑，「炑八」（먹방）嘅韓文發音為「meokbang」，意思睇番張餐牌內頁就知，識小弟嘅朋友都知我一向撐廣東話（寫文更盡量唔會又中又英），如果以廣東話讀番嗰兩個韓文字，同「茂炳」個音幾相近，所以，今晚難得兩位朋友陪小弟依個「茂炳」嚟食韓燒，真喺賞心悅「炑」。
餐廳地方頗大，枱與枱之間都幾有距離感，感覺闊落，有4人圓枱，有4人卡位，亦有可組合成嘅大長枱，人多人少嚟都可以坐埋一齊。而抽油煙喺採用上抽式，效果還算不俗，至少食完都唔會覺得一頭「煙」。因為是晚閒日，客人唔多，所以，揀坐卡位，有得挨，自在好多。
蘿蔔、泡菜、大豆芽、木耳（免費）食韓國嘢，其一大特色就喺前菜，就算未點餐都一定會送上多款前菜，「炑八」都唔例外，先上嘅4款前菜，包括：大豆芽、木耳、蘿蔔片及韓式泡菜，幾款前菜都各有個性，做得唔錯，而蘿蔔片最得小弟歡心，因為以酸醋醃漬，清爽酸香，除淨食，更用嚟夾烤肉，平衡一下油膩最好不過。更開心嘅喺，所有前菜都歡迎無限添加，實在大方。
免費前菜：蘿蔔、泡菜、大豆芽、木耳
54 浏览
0 赞好
0 留言
除有免費前菜，仲有一大碗胡麻醬沙律，確實慷慨。以清新翠綠嘅沙律菜配車厘茄，淋上胡麻醬，將胡麻醬跟沙律菜撈勻，啖啖沙律菜都有芝麻香味，簡單味美嘅餐前開胃菜。
胡麻醬沙律
84 浏览
0 赞好
0 留言
此外，其他如鍋類、煎餅、湯類、飯類、麵類、甜品、飲品及酒水類，亦一應俱全，羅列晒出嚟，其中印有「黃色廚房帽」喺店方推介，不妨多加考慮。
為顧及有啲客人唔想傷腦筋，又想一次過試多啲嘢，幾款套餐就喺懶人嘅上算提案，套餐亦好有彈性，分為2人（$468）、2-3人（$688）、4人（$868）及8人（$1680）。此外，見佢仲新推出咗兩款2人份嘅頂級套餐（$520 / $590）。
邊爐蛋 / 粟米芝士晌食前菜、沙律期間，店員已為我哋預備好邊爐烤泡菜蛋及粟米芝士，睇見都好吸引，邊爐蛋以前都食過，但粟米芝士就第一次，雖然粟米搭芝士唔喺咩新奇事，但邊爐烤，都有種耳目一新嘅感覺。前者，烤蛋啱啱好，蛋身軟綿綿，底部有微微焦脆，蛋香中有啲泡菜辛辣，過癮過癮；後者，待芝士溶得七七八八就可以食，莫沙里拉芝士拉出一絲絲「芝」味誘惑，好玩好食。
邊爐蛋 / 粟米芝士
120 浏览
1 赞好
0 留言
特製護心豬肉 $128 / 200g之前都食過護心肉，不過就喺牛肉嚟，所以，見有護心豬肉，亳無疑問要試吓，基本上有原味、蒜味、辣味，我哋揀辣味貪其更惹味。咪以為200g好少，其實一碟份量都幾夠，足夠3-4人食。
特製護心豬肉
$128
46 浏览
0 赞好
0 留言
牛肉雜錦拼盤 $458雜錦拼盤實在讓人心動，一大份包括牛肋骨、牛肉眼、上肩胛肉、牛舌及牛胸肉，排列井然，最緊要喺睇落去新鮮紅潤有光澤，唔會喺瘀黑黑嘅劣貨。全部都以原味狀態示人，食嘅就喺基本肉味同質感。
牛肉雜錦拼盤
$458
48 浏览
0 赞好
0 留言
將一整條牛肋骨拉開，真喺超過成呎長，我哋都剪開3截嚟燒。牛肋骨油花唔會好多，但肉香絕對一流，而且，切得較厚身，極有咬口，小弟就較為喜歡淨食，集中品嚐佢嘅肉味。
牛肉眼一致認為喺成碟牛肉雜錦拼盤最搶鏡嘅肉，因為，厚厚一大塊牛肉眼，估計都有成16安士重，放晌烤爐上，都被佢佔晒成塊鐵板。烤熟後為咗方便食，剪成一條條，入口啖啖肉，同樣頗有肉味，又黐住啲肥膏，入口甘香。
上肩胛肉上肩押肉本身已經喺一條條，油花多而平均分佈，燒好後原來入口都唔喺好油膩，口感鬆軟，小弟就鍾意配酸蘿蔔片食，感覺更能故出油香。
牛舌牛舌我就喜歡食厚切，因為夠有咬口，薄切就變得另一番風味。由於牛舌真喺切得好薄，所以唔使燒太耐，轉深色就已經可以。牛舌配酸蘿蔔片或包生菜食都無問題，食落仍帶有牛舌獨有嘅「羶味」，口感又帶少許韌勁，唔客氣都食多幾片。
牛胸肉有啲似煙肉嘅樣，脂肪亦比較多，一路燒就一路逼出唔少油份，所以，不得不夾住生菜食。因為薄身緣故，肉味唔會話好強，油脂又比較多，但肉質軟腍。
生蠔 $88 / 6隻唔知喺餐牌幅圖搞錯，定喺啲字打錯，總之，送到上枱嘅生蠔就喺跟幅圖一樣有8隻。燒生蠔都喺第一次，之前燒過嘅喺連殼，較易處理，今次則有啲難，因為易黐底，最好留番少少牛肉眼啲肥膏當「起鑊」用，烤蠔就無咁易黐。蠔味算喺不俗，亦挺鮮甜，算抵食。
生蠔
$88
44 浏览
0 赞好
0 留言
鮮帶子 $168 / 8隻另一款海鮮就揀咗鮮帶子，又喺唔連殼，烤帶子記緊留番少少肉眼或牛胸肉啲肥膏，咁煎出嚟嘅帶子就更金黃香口，而帶子嘅質感十分爽口，滋味滿足。
鮮帶子
$168
44 浏览
0 赞好
0 留言
泡菜牛肉熔岩炒飯 $128雖然唔喺店家嘅廚師推介，但睇唔少人嘅食評都推介食道菜，單喺個即場製作過程已非常吸引。橙紅色嘅泡菜牛肉炒飯放晌鐵板上，熱辣辣嘅鐵板，放入大量莫沙里拉芝士碎，再倒蛋漿，快手快腳拌勻即成，嘩！每口飯既有點點泡菜辛辣，又有芝士嘅濃香，飯粒圓潤煙糯，的確值得一試，不過，牛肉粒得好少，少到都唔覺有食到。
菠蘿梳打 $32飲韓烤點可以唔飲住啲冰凍嘢飲點得，除餐廳提供嘅冰水，梳打好啱小弟，梳打有3款口味：菠蘿、士多啤梨、柚子檸檬，哈哈，小弟較鍾情菠蘿多啲啫。其實喺梳打水加入菠蘿糖漿同罐頭菠蘿粒嘅成品，唔會抱有期望，只求一刻涼快就已足夠。
菠蘿梳打
$32
44 浏览
0 赞好
0 留言
食咗咁多烤肉，除飲住凍飲，最直接又即時嘅降溫大法當然來一害韓冰啦，店家有提供多款韓式冰沫：豆粉紅豆、Oreo朱古力、士多啤梨、宇治金時、純．Oreo共5款。我哋簡簡單單揀咗最基本嘅豆粉紅豆冰沫，堆到成座山一大碗嘅冰沫灑滿黃豆粉，又加入大量紅豆蓉、杏仁片及麻糬，冰沫刨得非常幼細，紅豆又清甜，麻糬煙韌有嚼勁，配合埋脆脆嘅杏仁片，為今餐劃上滿足又稱心嘅句號。
炑八豆粉紅豆冰沫
$48
60 浏览
0 赞好
0 留言
綜觀今晚所試嘅食物，對其質素不容置疑，不過，唔知喺咪新店，加上好多店員都好後生，服務比較生手，有時仲有啲手足無措，希望啲後生仔努力啲，可以盡快上手，他日變得刮「炑」相看。张贴
