炑八韓烤 (已結業)

真露原味，順喉不辣，醇香灌入，索一索透心涼，咬啖烤肉飲啖酒一樂也！蜜桃雜菜沙律，幫襯多次從未遇上，師傅突發奇想加蜜桃？鮮嫩沙律菜捲起蜜桃享用，甜甜酸酸更可口。魔芋，有趣的質感，膠膠彈彈加淡淡味道，不是我的。大豆芽，爽脆清甜多汁。泡菜，甜酸辛辣卜卜脆。兩者搭烤肉齊食，同樣一流。豆腐泡菜湯，厚厚甜辣味湯汁，豆香廷身硬豆腐，簡單的烹調顯得不平凡。爐邊蛋撈飯，最愛食蛋的我，蛋一定好味！刮起大量嫩嫩烤蛋配少少飯釀入嘴仔，蛋嫩蛋香泡菜甜酸，無敵的配合。雜菜盤，娃娃菜可以生食的嗎？未試過喎。意大利生菜、唐生菜，鮮嫩捲烤肉搭埋大豆芽及泡菜無得頂！韓式 LA 骨牛扒，顏色已變深不是嫩紅色，已放雪櫃多時？熟成過？肉味突濃，鬆軟的肉質，爽脆的筋膜，回味無窮。三味牛五花，根本沒大對比，味道差不多，只係醬油味帶甜。結實嚼勁，每啖均彈，牛味重但乳香稍遜。如果再肥一點，油脂再多一點會更錦上添花。三味牛五花生菜包，搭泡菜作生菜包更有風味！甕醃韓牛五花肉，複雜的醃料，不單是甜辣醬。濃濃醬汁醒腦醒胃，滑滑肉質要食多幾舊。甕醃韓牛五花肉生菜包，正宗韓燒梗係要配生菜啦！添點清爽感覺更美妙。牛舌，厚薄適中，但我更愛厚切。爽爽的

今晚同老婆阿仔搵地方食飯，老婆話想食烤肉或韓燒(唔係放題)，最後決定韓燒，我從未食炑八，一上到餐廳好似韓國哈哈開嗰間咁，我哋叫左韓牛前胸肉(全)，霜降牛小排(全／原味)，角切上等鹽烤牛舌，炑八厚切五花腩，炑八紫菜包飯，菠蘿梳打。所有配菜任食，沙律除外。

今晚想食韓國燒烤呀😋 係尖沙咀行緊..... 就搵下附近有邊間好可以試下啦。俾我哋搵搵下就搵到呢間，上到去第一眼，望到個環境唔係太想食，因為我覺得好暗之餘，地下又濕又滑，人亦唔多， 只得三、四個左右。本來都想轉第二間。不過...... 最後都係照食，唔想再行（好累）。 點咗： 牛肋骨、牛舌、牛小排、同海鮮煎蔥餅再加埋前菜小食，兩個人份量啱啱好。推介👍🏻 海鮮煎蔥餅新鮮熱辣辣炸上嚟，好香脆可口。魷魚亦令到煎餅好有口感。

突然韓燒㽼發作，即日call去訂位，可能星期一晚，又book到喎⋯⋯去到先被通知有兩小時時限，ok la, 最緊要有得食😋最鍾意呢度有無限refill 泡菜蛋邊 同 芝士粟米邊，食咗三回夠數再食唔落。 仲有幾款伴菜都係無限refill, 芽菜 洋蔥 泡菜 青陽辣椒 👍🏻我地得兩個女仔 唯有叫咗厚切五花腩 同 厚切牛舌五花腩比以前細條咗 味道好似有以前咁香 但都好 好味牛舌真係好厚，燒起一開四，夾埋生菜青陽辣椒，好好味呀⋯⋯🤔我講咗好多次好好味😂好肉一定要有好酒，我係和歌子酒！今晚先由原味真露開始，再來百歲酒。真露不用多說，而百歲酒則用16種藥材釀出來，酒味帶少少回甘，一試無妨。最後要講講服務，可能是星期一關係，不過是假期前夕，應該係因為餐廳唔full, 最後我地由1830食傾飲坐到2230先走，冇趕催，真係好，最憎食野趕頭趕命，服務員全體都好nice, 仲幫埋我地燒，要俾十個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻上次去銅鑼灣分店，服務態度差到不得了，點都會來尖沙咀啦。

以前我都唔係幾食牛舌，覺得好恐怖咁，不過朋友帶過我黎呢度食牛舌之後就開始飯上左喇，之後次次黎都一定要叫，無既，一黎貪佢薄切好靚，好似一片片辣肉腸咁，快燒快食唔洗點等。燒脆之後加D青蔥，黎個蔥燒牛舌，或者灑D海鹽，就令牛舌既香濃肉味更突出，爽口彈牙，隨口就食左幾片落肚，我夠膽話：自己食一碟都無難度！

終於去左一試口碑唔錯既炑八韓烤，9:30後入座有75折，飲品除外，10:00去到無需等位。9:30後的爐邊蛋同芝士仍然係可以無限添加，加蛋之前會加泡菜粒，配蛋唔錯。先要提提就係份量原來都幾大碟，兩個人去真係食唔晒...同埋D肉都出得幾多油，好滯，呢度介紹既食物加番多個飯都夠4個人食飽飽~首先，菠蘿梳打同士多啤梨梳打，比想像中大杯，兩杯都好飲，入面仲有士多啤梨同大大舊既菠蘿~芝士溶岩飯可以話係好多人推介必食既之一，比想像中冇咁芝士，唔算好大芝士味，所以都唔係好"漏"，入面有泡菜粒同蔥粒，都幾香~我諗加埋爐邊蛋同爐邊芝士落D飯度就最好食喇~~燒肉方面，真係叫得太多，份份都好大碟，waiter有時會主動過尼話幫我地燒，至於牛肋骨咁大舊佢就會幫我地剪埋再幫我地燒~牛肋骨同牛頸肉味道相差不大，兩樣都比較油，但肉汁好味，D肉都好嫩口。豬頸肉冇想像中咁彈牙，而厚切五花腩雖然亦係必食推介之一，但都唔係話好特別，冇想像中咁好食，冇乜油香味，肥膏亦未係入口即溶既程度，不過尚可接受~個人認為牛舌同牛頸最好食，牛舌非常有口感，唔算好肥，一碟有9-10塊，都幾抵食，而且味道唔錯。順帶一提，佢旁邊有mustard