鳥炎屋

营业中

休息中

今晚約左朋友去尖沙咀呢間居酒屋食飯。夜晚呢度唔太繁忙，可以好好傾計。鱈魚乾，超脆好似薯片，點啲沙律醬夠曬開胃。黎居酒屋又點可以唔食串燒。點左蒜頭、黑豚肉、翠玉瓜、雞肉、牛舌串燒。蒜頭係宜家抗炎良物，一定要食多啲。黑豚肉好高質，燒完後油脂出曬黎，肉質結實，係脂肪中間，啖啖肉！雞肉落左照燒汁，甜甜地夠惹味。牛舌爽口，調味鹹鹹地，正！黑松露牛油焗菌，黑松露配牛油味真係超香！雜菌份量都唔少啊。三文魚、章紅魚刺身，每塊都係厚切，用冰裝著，夠曬新鮮，味道鮮甜！三文魚炒飯，三文魚粒炒雞蛋，炒得比較濕身，不過味道依然唔錯的。呢度侍應好有禮貌好nice，環境都幾舒服。

因為有半價優惠去試下。推薦之選：牛舌、芝士大啡菇唔抵之選：粟米（得四分一條但收$48），燒鱈魚乾（可以話係用片零食烘一烘俾你）不過大家留意，係唔抵，唔係唔好味。今次只係試左串燒，埋單半價左二個人$250，下午茶。