616牛肉火鍋專門店 (皇后大道西)

营业中

休息中

身為西環人同時又係牛控一名 竟然依家先知道原來西環有間616!! 既然係咁就梗係第一時間要沖個試吓佢哋啲牛啦～～～ 之前好多報道都講呢間既牛真係不得了 依家就要會一會佢啦 佢就係喺知名潮州鋪再前啲 一開門入去就覺得間鋪玩味十足 有好多懷舊擺設 打卡玩ig 一流 ( 但我之後睇番 尖咀嗰間型好多呀!!! 下次要試埋先得!!!) 好得意 係以前雜貨店既setting : 好多以前細個食既糖同懷舊小食店員好快就帶我地坐低 嘩原來係用ipad order 但係就頭大喇 咁多牛嘅部位 都唔知嗌邊個好..好彩原來佢地係有解說 同朋友認真做咗一陣功課睇晒所有描述之後我哋就得出呢個結論 湯底要叫番牛骨清湯 原汁原味啲至於牛食就要嗌呢四款牛: 牛朴肉 比較有咬勁 牛駝峰 肉質最軟稔 油香牛味佔半真係有入口即溶感覺 最鐘意呢款匙柄  肉質滑吊龍伴 牛味濃 脂肪比例少啲咁叫完樓之後亦都要叫返其他小食，其他食物包括唐生菜，響鈴，金菇，烏冬 雀巢檸檬茶x2 最後仲會有碟西瓜畀大家下下火～～值得一提個烏冬好彈牙好正拌牛骨湯進食一流 同埋有得飲檸檬茶我都覺得抵讚 因為邊爐鋪成日都淨係得汽水!!!有無諗過有人係唔鐘意

冬天真係要瘋狂打邊爐，牛肉係我最愛既其中一樣。人人都食和牛，唔通人人都淨係食和牛咩？！中式邊爐既牛肉從來唔分和唔和，只有新鮮、刁鑽位置都食到先係永恆既真理。616就〈庖丁解牛〉，將牛既各個部位都拎晒出黎俾客人揀！聽返店員講，原來師傅每日去拎剛屠好的牛，牛肉全部都係下午十二點一點先返到，非常新鮮。順帶一提，中式火鍋都係有西式節日氣氛架！先叫個牛骨清湯清湯底感覺健康，湯料除左大大舊牛骨，更不乏粟米同白蘿蔔，清香潤燥熟板筋真係要中國人先會食。份量非常多，今次既筋由頭滾到尾都仲好有咬口，要點勁先食到。女仔想要既骨膠原係晒度，但如果想要溶溶地，膠住個口個種就唔係呢款喇。封門柳店主特别推介。由於一頭牛只有兩條封門柳，所以相當矜貴。呢一盤只係$68，重覆，係$68！好抵食！牛肉柔軟之餘有香濃肉味，啖啖都係享受！果然好推介！脖仁就係牛頸肉，係肩胛肉最近牛頭，因為成日活動，雖然脂肪含量在牛的前身肉中較高，但肥瘦相間，油花佈遍肉片，滾8秒左右就食到鮮、甜、爽、嫩。匙皮緊接脖仁下的肉，屬於肩胛里脊肉外層，日式烤肉中為上佳的肩肉。看上去更似匙柄，因只有中間有一大筋而瘦肉較多，口感結實。牛腩心腩頭既位置，可以見

上次同M佬喺元朗食完616牛肉火鍋專門店，驚喜滿分。今日，我A姐做乖乖女，接有牛魔王之稱嘅A爸去新開張嘅西環分店，帶佢試吓唔同部位嘅牛肉風味！餐廳設計以懷舊為題，A爸話啱晒佢嘅feel，而門口仲有大大張嘅牛不同部位分佈表，食之前記住要睇清楚呀。餐廳入面仲有呢個牌陣，話晒你知今日有咩新鮮供應！吊龍伴係牛嘅腰腰脊肉，少少肥，但肥而不膩，香滑可口，食落又無渣。金花趾呢個係牛後腿嘅部位，筋同紋路明顯較多，所以好彈牙有咬口。匙柄係牛嘅下肩胛肉，入口柔軟，牛味香濃。滑尾龍上面打左隻生雞蛋，要撈勻先再碌，牛味重又唔韌，好滑架！牛朴肉係牛嘅頸嘅部位，最大賣點係肥嫩有嚼口，脂肪雪花均勻，味道甘香。呢間店鋪最大賣點係不設加一，但有每位$20嘅醬料費。整體嘅質素相當唔錯，唯一嘅問題係牛骨清湯相對淡口，香口味嘅人仕，包括A爸就略嫌唔夠味喇。