榆越 (已結業)

而家唔使飛都可以食到越南嘢，仲係免加一好抵食添😆係CP值高高嘅餐廳，雖然餐廳位置較入有啲啲難搵，但正宗、好味又大份，轉窿捐罅過嚟食都值得啦🥰1️⃣ 牛魔王湯粉🐮用高溫烘烤牛骨同牛尾粒，再用慢火熬12個鐘以上🔥 湯底好香牛味但一啲都唔膩，飲落一啲都唔鹹🙈入面有生牛肉、熟牛肉、金錢肚、牛筋、牛丸同多款配菜… 而牛肉有CAB認證，品質嚴格，食落安心又放心🌈 加埋一齊根本係最完美嘅組合，缺一不可🤤2️⃣ 咖喱牛腩飯🐂呢度用咗自製嘅咖喱香料秘方，椰香味好濃，一份有好多汁完全唔孤寒😆牛腩熬到好淋好入味，份量一啲都唔少✨ 加埋有入口甜甜綿綿嘅紅蘿蔔做配菜，好健康🥕3️⃣ 招牌燒牛肉越式法包🍞呢個越式法包好脆好多料，入面除咗有燒牛肉外，仲配有芫荽、青瓜、番茄🍅… 啲餡多到就嚟漏出嚟咁款🤭 當中加入九層塔好香，仲加咗越式辣醬，食落有少少辣好滋味🥳 4️⃣ 蒜蓉牛油雞翼🐥一上枱望到個下完全係流晒口水🙊 烤漿薄薄一啲都唔厚，皮脆肉嫩好Juicy，超香蒜蓉味🧄5️⃣ 芒果沙冰🥭相信好多人都鍾意芒果，我嗌呢杯有滿滿嘅一大杯，好有芒果味，係好清新嘅味道😚

喺天水圍食晚餐，來到天一商場最角落頭處，見到間叫榆越嘅越南餐廳，咁就入去食過越南餐喇，坐落環境都唔錯，都好闊落，啲位都幾舒服，咁就點咗牛魔王湯河，燒豬頸肉越式法包，大蝦腩肉紙米卷和椰子沙冰咖啡，話咁快啲嘢就嚟曬，牛魔王湯河，啲牛肉真係好淋，好爽滑，啲湯亦都真係唔錯，最後差唔多畀我飲曬，燒豬頸肉越式法包就真係幾好食，個法包仲係卜卜脆，啲豬頸肉又爽滑，而個大蝦腩肉紙米卷，雖然份量細細，但係啲蝦都比較新鮮，紙米皮亦都好軟熟，食落亦都有口感，最後棷子沙冰咖啡，都好香椰子味，咖啡亦都好有越南特色比較甜，總括嚟講呢間都係一間唔錯嘅越南餐廳。

大胃嘅版圖終於擴展到天水圍，多得胃弟帶路，探索未知嘅國度原來呢度多商場又多食肆，其中呢間越南餐廳真係好有驚喜通常越式法包都係外購，冇諗過呢間有誠意到會自己搓麵包，所以先可以控制到脆感。夾住嘅燒牛肉十分美妙，同醬汁蔬菜完美組合，極之香口連河粉嘅湯底，都係餐廳自己熬，落咗牛骨同牛尾肉慢火煮咗12個鐘飲落唔涸喉唔會口渴，可以飲得晒牛魔王有生牛肉、熟牛肉、金錢肚、牛根同牛丸全部都好有牛香，呢度簡直係越牛料理專門店一諗到嗌小食，大胃通常全部都要，所以就嚟個拼盤，包括有蒜蓉牛油雞翼、金絲網春卷、豬頸肉串同炸蝦餅其中蒜蓉雞翼味道mix得好好，每啖肉都食到牛油同蒜味越南嘅椰香咖啡比較少飲，一飲椰奶味比例較多，啱落奶派嘅咖啡控椰汁紅豆冰一樣椰味飄飄，紅豆都夠腍