鮨鶴日本料理 (已結業)

下個星期又到香港每年一度舉行o既阿根廷探戈馬拉松啦！好多舞者都會由外國飛黎參與，並襯機提前或留後喺香港玩樂一番。為一盡地主之誼，小肥早已編排好時間表，馬拉松未開始就續一陪伴相識o既舞友用餐及參加各大小型舞會，活動就由週四晚與美籍靚女於「鮨鶴日本料理」食壽司正式剪綵。選取「鮨鶴」純粹基於想食日本菜o既舞伴就入住隔離間六國酒店，早啲食完可讓佢有充裕o既時間為晚會裝身打扮。兩口子準六時到步，隨即被安排入座壽司吧中央o既位置，剛巧面對著單腳擺起舞姿o既靚鶴進食，意境真好。女伴有時差，XO仔又揸咗車，所以當晚就棄點酒品，不過姐姐仔仍友善地跟二人大談酒經，氣氛極為輕鬆。我地每人都點咗客包有十五款魚生o既「丹楓」廚師發辦套餐（$1,200/位）。料理長踏入壽司舞台一刻，迅即幽默地道出認得細佬及準確地形容家父o既外型，幸好印象全屬正面，講多兩講終於喚醒XO仔斷咗片o既記憶：「哦，Ken師傅我認得你。。。」睇黎係時候要戒酒啦！閒談間得知小弟將攜同美女跳舞舞，師傅仲話等佢儘量安排啲食物快少少上，認真客氣。先付：晚餐先由三味前菜拼盤作序。妹妹仔為菜式略作簡介後，亦不忘建議由左食起，逆順時鐘方向即北海道白粟米

的確很喜歡Omakasen, 但只可間中食下, 因為收費都……,點可以時時都咁豪呢? 但俗語都有話 “辛苦搵來自在食”, 有時都要好好獎勵自己, 咁先有力量再拼搏。臨近年尾, 又是交報告日子, 日日做到無停手, 為自己加力就是吃餐好, 今晚就Omakasen啦!來到一間樓上的日式小店, 設計簡約平實, 以淡灰色為主調, 牆上掛了幾幅日式的水墨畫, 優雅脫俗, 還配上和風布簾的木框架, 裝潢帶有和風色彩。店子地方不大, 一張 “L” 形的長壽司吧枱和三張四人枱, 雖然地方小小, 但很舒適。既然是吃Omakasen, 當然要選坐壽司吧枱, 既可欣賞師傅們的製作, 亦可與他們交流, 這就我喜歡Omakasen其中一個原因。餐牌簡單清晰, 只有四款Omakasen, 價錢由$600-1200, 而今晚就揀了正葵 ($800), 十二種加卷物, 有先付、刺身、合肴、壽司、卷物、玉子燒、吸物、甘味或菓物。****************************** 先來一碟五款漬物，有牛蒡、日本蘿蔔漬、紫蕎頭漬 和 麵豉蒜頭漬，擺設優雅。當中最喜歡是幼嫩無渣的牛蒡，而麵豉蒜頭 口感和味道也很特別。