穴 (新城市廣場一期)

营业中

休息中

同老公踩完單車2:15pm去搵地方食晏，點知商場人頭湧湧，好多餐廳外都大排長龍，發生咩事？定係我哋太耐無出城⋯最後千揀萬揀，揀咗哩間日本餐廳，全因為佢嘅set menu好似好吸引。等咗大概20分鐘，終於有位。我個人比較貪心，揀咗特上刺身御膳，裡面有9款刺身、沙律、前菜、海鮮蒸蛋、白飯、漬物、麵豉湯和甜品。淨係配菜已經好豐富，唔好講笑，食完已經有少少飽。特別欣賞海鮮蒸蛋，好香嘅蛋同海鮮味，口感亦好Q彈好厚實，質感好似布甸。主菜到了！擺盤好靚好用心。每款刺身都好新鮮、清甜同厚身，肉質仲富有彈性。最令人難忘嘅竟然係三文魚，入口即溶，仲有好香嘅魚油味。本身對吞拿魚無乜興趣，但哩度嘅吞拿魚腩好新鮮，好肥美，令我對吞拿魚有改觀。海膽都好香好清甜，餸飯一流整體來說性價比高，$228食到咁多嘢，抵啦！（唔寫食評都唔發現自己無食甜品就埋單離座了）

香港日本料理雖很多，但我平日吃的機會不多，能令我留下深刻印象的亦不多，而穴居酒屋有帶來驚喜。我曾多次路過穴居酒屋，但一直未有機會試，今日剛巧朋友提議，就來這裡嚐一下午市套餐。食物：4.5/5非常滿意、值得再回頭的一餐。我們點的兩個午市套餐都包括了麵豉湯、海草沙律、海鮮蒸蛋、白飯及甜品，不過還是主菜最為岀色。「特上刺身御膳」非常推薦！共有九款刺身，全部都新鮮鮮甜，其中有三款最有驚喜：海膽（非常鮮甜、沒有異味只有甜味）、大蝦（肉質彈牙、鮮甜、沒腥味雪味)及拖羅(肉質肥美，半肉半油)。「商務精選串燒御膳」雖然上桌略嫌有點不夠熱，但食材質素非常滿意。共八款串燒:牛舌、白鱔、黑豚肉露荀卷、五花腩、秋葵、翠玉瓜、雞翼及牛柳。全部味道都不錯，當中白鱔最香口美味。串燒配了三款鹽，包括普通、芥末？（吃下去只是一股咸味）及咖哩（最推薦的一款、充滿香料香味），頗有心思。「青檸紅茶」我叫了少甜少冰，甜度剛好。「和菓子」跟餐甜品，透明菓子包著紅豆，正常普通。服務：3/5全部態度友善，但有一位侍應可能較新，手上的托盤從後撞到我朋友的頭，過一會兒又把醬油盤掉到地下，所以有扣分。性價比：4/5高質素值得這價錢，午市套

每次經過日本餐廳，見到餐牌上嘅刺身拼盤，都會好想入去食返餐勁，但又要顧住銀包啲錢。今次終於忍唔住，叫咗一碟刺身嚟頂下癮，重點係有我最愛嘅吞拿魚同帆立貝，雖然帆立貝刺身細細隻，但係好鮮甜，而拖羅就入口即溶，油香味仲好濃郁，正呀！五花腩肉出奇地香，而且質感仲好嫩滑多汁，完全唔會韌口，加埋醬汁點綴，絕對唔會比隔離嘅牛肋骨肉遜色。呢碗迷你丼物嘅火炙三文魚好重油香味，但入口又唔會覺得好油膩，配埋醋味恰到好處嘅白飯一齊食，特別開胃。