意粉狂熱 (置富都會)

营业中

休息中

今日兩個人去咗呢間食意粉，雖然我唔係太鍾意食意粉，但係朋友係意粉fans，又話呢度個甜品好特別，所以一於嚟試吓。我哋今日叫咗以下食物：意式薄切三文魚忌廉芝士卷焗珍寶大啡菇釀帶子特濃南瓜粟米忌廉湯牛油果吞拿魚沙律海蝦牛油果羅勒忌廉意粉香烤香草羊架香蕉朱古力Pizza意式薄切三文魚忌廉芝士卷，其實覺得似「日式」多過「意式」，Anyways 味道係唔錯嘅👍🏻 而後面嘅海蝦牛油果羅勒忌廉意粉，味道香濃不過忌廉有啲膩，如果想試多啲其他嘢食嘅話，建議兩個人share食。最欣賞呢個牛油果吞拿魚沙律，味道有層次，沙律creamy 中有醬汁同車厘茄嘅酸甜味中和，作為頭盤唔會太膩👍🏻👍🏻呢個焗珍寶大啡菇味道唔錯，但帶子略嫌過熟，而大啡菇size 亦唔算好大，$38 偏貴。反而$28 特濃南瓜粟米忌廉湯更抵飲。如其名，南瓜味香濃，湯厚實，亦有粟米嘅甜味。我對羊架一向要求高，三分熟肉質先最美味，而呢個香烤香草羊架就太熟啦，令肉質唔夠軟滑。最期待嘅甜品，冇令我失望，自製嘅Pizza皮加埋朱古力雪糕同新鮮香蕉，冷熱口感同時並存，真係超好味😋

今日約了個朋友在紅磡的海逸酒店等，友人住在酒店來到香港5日遊，今次由我做下導遊帶友人四周逛逛，在商場逛了一會，經過了一間"意粉狂熱"，友人又正在剛開始有點肚餓，建議先來在此吃先晚飯，飯後再到外面逛街。"意粉狂熱"的環境裝潢都好有意大利風情，牆上掛上了幾袖圖畫，同時都是以紅、白及綠三隻色的麵粉轆作天花板的裝飾，真是有創新又有意思。此餐廳的食物種類都多，例如有意粉、pizza、小食等.......，而且價錢又晤貴，所以來一試，飯前先來特濃南瓜粟米忌廉湯$28，南瓜茸好足，濃郁甜美，而且都夠熱。蕃茄水牛芝士pizza 點了個細size$58,焗得是好脆，可是蕃茄份量不太足夠，而且主要用車厘茄，所以蕃茄酸香晤夠，味道就一般，意粉方面點了個海蝦牛油果羅勒忌廉意粉$98，嫌個意粉有點太稠，意粉質感都不錯又不會太腍身，而且充滿羅勒及牛油果香，海蝦都大隻彈牙，都還可以。小食點了個豪華5式拼盤$168，當中有海蝦牛油果多士、炸魷魚圈配他他汁、帕馬火腿、香烤雞翼(蜜糖味)及焗珍寶大啡菇釀帶子，先講下海蝦牛油果多士，蝦味濃牛油果都好香滑，水準不錯，炸魷魚圈一共有4件，外脆內爽口，蘸上他他汁吃起來會更香滑，帕

今日放工接左兩個小朋友同媽咪爸爸食飯，同小朋友食嘢其實好多學問，要有足夠空間，要安全，又要啱食😂😂😂於是就嚟試咗呢間新野🤗🤗三大兩小叫野食都係好有學問，叫多又浪費 少又驚餓親佢地🙄🙄最後叫個二人set，望落都幾抵，有湯野飲沙律小食意粉 pizza甜品（跟餐）特濃南瓜粟米忌廉湯：好濃同好滑👍🏻（跟餐）法式芝士洋蔥湯：湯係好飲，面包索哂湯，再加上芝士味，無得頂！如果可以再焗香d就更好！（跟餐）香草雞肉凱薩沙律：（跟餐）芝士煙肉帶子忌廉意粉：芝士味香濃，意粉texture 剛剛好，唔會太淋，我本人好鐘意！😆😆😆（跟餐）照燒雞蛋黃醬pizza：一開始以為會好「流」，點知又好好味！餅底薄得黎好鬆軟，味道平衡得剛好！（跟餐）香烤雞翼配檸檬蜜糖：烤得外面香脆入面juicy （跟餐）水果茶：（後加）黃金四重芝士pizza  (配蜜糖)：原本以為會好奇怪，但係食落又好食，配埋蜜糖就似甜品 crepe咁（因為薄批），小朋友本身話飽，都食完再食😂😂（後加）特製巴馬臣番茄意粉：蕃茄味新鮮濃郁，正跟餐甜品整體來講性價比真係好高！

今日放工一班同事講起想食下好野 就一齊去左意粉狂熱試試佢環境坐得幾舒服 唔會話好濟迫 坐底見到枱面抺得都幾乾淨 知道我地唔夠位仲加多張枱比我地放野食 認真貼心😍特濃南瓜粟米忌廉湯濃濃的南瓜味 口感幾滑 馬上醒胃🎃法式洋蔥湯實而不華 很濃洋蔥味 配合芝士加麵包對味覺有新衝擊🙀 同事飲到停唔到手🤣意式薄切三文魚芝士忌廉卷芝士頗滑 三文魚加芝士這個組合不錯 不會令芝士太膩 一啖食哂 芝味大爆發鮭魚沙律 雞肉沙律份量十足👍🏿👍🏿 生菜質素不差蒜香白酒蜆意粉蒜香十分惹味 不停添食😋 蜆無沙 抵讚！黃金芝士四重pizza十分有驚喜 個蜜糖醬幫呢個pizza昇華至另一個層次🥰 黑松露mac and cheese煙肉超好食 個底汁都整得creamy 唔錯！西冷牛扒重頭戲 叫了medium rare 肉汁澎湃 好嫩 配合醬汁仲將牛味更進一步帶哂出來🤤 仲有薯角食 加埋茄汁又係一絕 份量絕對超級大滿足！甜品朱古力蛋糕蛋糕幾軟熟 配合新鮮士多啤梨感覺 完美配搭 清新可口🥳飲品水果茶水果配搭得幾新穎 唔係太甜 味道啱啱好 消滯解渴做齊哂👍🏿

第二次食意粉狂熱, 但今次係紅磡都會食。環境乾淨舒服, 食材新鮮, 味道好! 先是主廚精選沙律, 有溫泉蛋, 蕃茄仔, 燒雞, 沙律菜, 麵包糠等, 配上酸甜醬汁, 開胃得很! 喜歡它的特濃南瓜粟米忌廉湯, 味甜, 香濃, 又夠滑。焗珍寶大啡菇釀帶子也很抵讚, 全因其juicy 大菇, 超新鮮! 明太子海鮮Pizza 有香濃明太子醬, 蝦肉, 帶子, 最重要是皮薄。除了pizza 作主食, 我們也點了芝士牛肝菌濃汁鮮製意粉, 推介之一! 當中的蒜茸, 芝士粉和辣椒成功地提昇了意粉的味道, 加上新鮮牛肝菌, 正體味道出色! 芝士蕃茄焗原條龍利柳也是推介之選, 濃郁厚厚的芝士鋪在龍利柳上, 已很惹味! 龍利柳質地軟, 配上熱騰騰的蕃茄仔, 雜菌一同吃, 鮮甜可口! 一家人想食cp 值高既餐廳, 又想坐得舒服, 去吧!