BASAO tea (白沙道) (已結業)

假日下午，走到銅鑼灣鬧市想搵一間cafe遠離煩囂，剛好見到不少網友都介紹嘅BASAO，即刻入去試下。店面白色簡約設計，入到去帶點東南亞加日系風格，令人覺得置身於海外。以茶為主嘅cafe，當然唔少得試下佢地推薦嘅搖擺烏龍($65)，淡淡嘅烏龍茶味好清新！而且唔同一般市面烏龍茶咁澀，飲落好舒服，炎炎夏日下飲就啱曬。主食同樣簡左menu推薦嘅蜜糖烤雞卷餅（$78），同埋甜點特濃抹茶慕絲蛋糕（$58）。🌯蜜糖烤雞卷餅（$78）雞肉出乎意料之外地嫩滑！加上帶點微酸嘅醬汁，雖然份量算多但食落去好light，唔會十分濟，仲可以有空間食埋甜點✌🏻🍵🍰特濃抹茶慕絲蛋糕（$58）幸運地買到最後一件，雖然依間cafe有多款出名蛋糕，但身為抹茶控點都要先試下抹茶蛋糕🙌🏻上層慕絲茶味濃郁，唔係輕身嘅慕絲所以食落好滿足。下層係抹茶海綿蛋糕，雖然帶點乾但茶味好足帶甘，夾埋上層一齊食可以中和濕潤度，整體嚟講可以encore！（但作為點綴嘅藍莓有啲微妙😂）毫無計劃下走入一間令人放鬆又好食嘅cafe，都算係繁忙生活中嘅小確幸。店內座位都多，但假日可能要排一陣隊，想同朋友傾下計、食下蛋糕、打下卡，BASAO會係唔錯嘅選擇☺️

蛋糕外觀好靚、擺盤亦好精美，可惜價錢偏貴。辣醬雞肉多士：辣味適中、菜與肉及酸種包配搭得宜，但雞肉煮得較老較鞋口，酸種包脆身得來有點太硬，幸好配辣醬及菜一起吃不會過份乾身。手撕豬肉Burger：炭燒煙薰味重、Juicy可口，肉絲幼細，漢堡脆口，但整體味偏甜；拌碟沙律清新、青蘋果片新鮮爽甜。大紅袍黑糖麻糬蛋卷：以大紅袍命名但被黑糖味搶Fo、茶味卻非常淡口（近乎沒有茶味），麻糬軟林不煙韌，蛋捲少許乾身。特濃抹茶慕絲蛋糕：蛋糕上層抹茶慕絲濃、不會太甜也不苦澀，但下層抹茶戚風卻只有香精的假抹茶味。岩茶牛奶：岩茶原來是烏龍茶，飲品茶味及奶味平衡、甜度適中，如茶味更濃會更好飲。整體性價比低，但甜品令人失望。店內人流不多也是個chill下的選擇，但一個lunch 兩份咸食+ 小蛋糕及1杯飲品索價接近$400，間中1-2次可接受，但可以有更多其他cafe選擇。另外，有些店員一邊在水吧食野一邊與整食物/飲品的同事聊天，令人擔心疫情下衛生問題，希望餐廳可加強員工衛生意識。