炑八韓烤 (黃大仙中心南館)

营业中

休息中

放工想食燒肉，記得上次係炑八食過魷魚遊戲套餐，好想再encore, 點知今次去到出左新品，所以決定試下，一坐低就有5個前菜、沙律及生菜盤，前菜仲可以任添韓牛貝身肉就係望到呢個貝身肉，見到都好想試。油花分布細密，見到都肥美，果然不負眾望，滿滿嘅油脂已經令到火爐火花四起。燒幾下就已經食得，筷子一夾，油脂隨即滴下，放入口簡直就好似會融化一樣，內質軟绵，咀嚼時滿口油香衝擊味蕾。一份有六塊，都幾大塊同有少少厚度，店員幫我地燒緊肉嘅時候，我問佢其實係牛肉嘅咩部位，原來喺背脊肉呀，一隻牛只係得好少，所以哩個部位都唔係成日食到。$158我覺得物超所值啊! 特級牛肋骨一大條連骨上，又長又重，好彩有專人幫忙燒肉，輕鬆好多。牛肋骨稍有調味，醬料比較鮮甜，燒完之後更加能夠突出牛肋骨嘅鮮甜味，比起貝身肉不同之處，牛肋骨肉質比較香甜，牛肉味也比較突出，而貝身肉係感受油脂獨特的風味，完全兩種唔同既享受。 炑八厚切五花腩又厚又肥美,五層嘅豬腩層次分明，特別頂層豬皮，充滿膠質又有彈性，燒到焦脆香氣彌漫，食落去口感無得彈，彈牙又脆卜卜，口感超豐富，五花腩肉味香濃，而且好juicy不過燒得好食都好緊要，豬腩肉有厚度需時間燒

每次想食韓燒都會諗起炑八， 今次到黃大仙中心南館的炑八韓烤。 防疫措施做齊的烤肉店， 體溫檢測、搓手液和派發口罩袋， 令大家食得放心。店內環境寬闊， 店員安排我坐到卡位， 挺舒適的。 今次有個套餐很抵吃～深秋燒肉套餐 $488 已包括特級牛肋骨、醬油牛小排、韓風墨魚、韓式秘製醬油豬五花、蔥醬豬背肉、梨汁雞翼、秘製豬皮、大紅蝦和梳打飲品兩杯。醬油牛小排～醬油能完美帶出牛肉與油脂的甜美， 提升整塊牛小排的味道。韓風墨魚～ 微辣惹味，煙韌有咬口。韓式秘製醬油豬五花～ 燒起肉香味濃，甜中帶鹹， 用生菜、韓式醬料和泡菜包起，味道更加出色。蔥醬豬背肉～豬背肉加韓國特色蔥醬和梨汁辣醬，口感香烤焦脆加上醬汁令燒肉味道層次更豐富。梨汁雞翼～ 燒得外皮香脆， 雞肉嫩口。秘製豬皮～ 豬皮烤燒後更滋味， 仲有大量膠原蛋白質， 啱曬女士們。大紅蝦～ 大隻新鮮又爽口， 可惜得一隻，真係想食多一隻啊！特級牛肋骨～牛肋骨超巨型，有整塊鐵板的直徑長，有韌性，吃起來的口感比較多汁不乾澀， 牛肉味香濃。柚子檸檬梳打～ 香甜的柚子味， 加上檸檬有去膩感， 好飲。夏恩菠蘿梳打～ 菠蘿梳打都好飲， 甜甜的又清新。已經光顧了炑八韓