沙田18

营业中

休息中

聽講沙田18口碑唔錯，片皮鴨尤其出色。我同媽咪都好鍾意食片皮鴨，所以預早喺openrice 訂定枱媽咪生日嚟食。片皮鴨需要預訂，訂枱時喺remarks度寫明就可以。餐廳地方唔算大，但枱與枱之間距離唔會太近，唔會太嘈坐得舒服。松露菌生啫龍躉斑球一上枱就好香，龍躉斑球件件都大件又厚肉，表面滿佈松露醬。龍躉魚肉結實得嚟又滑，魚皮充滿骨膠原松露味好香但唔會搶龍躉嘅鮮味，係個好好嘅配搭龍躉底下鋪滿咗大蔥，煮熟咗嘅大蔥食落好甜，表面微燶好香口。主角片皮鴨終於上枱，一碟係鴨胸皮，一碟係一半淨鴨肉一半鴨肉連皮。配料有最基本嘅青瓜同白蔥絲，調味醬料就有甜麵醬同生蒜泥。鴨胸皮非常酥脆，油脂豐富，鬆化到近乎入口即溶。蘸白砂糖食令成件事更加邪惡🙈鴨皮烤色均勻，賣相一流有油脂得嚟皮下脂肪唔會過多。而且火喉剛剛好，鴨肉唔會烤得過乾，但未至於嫩滑。一件連皮鴨肉加一件淨鴨肉，包喺厚薄適中嘅麵皮入面，個人認為係最佳比例。加啲生蒜泥就更加惹味特色東莞炒米粉炒得夠乾色，有鑊氣得嚟唔會過份油膩除咗主食質素高，餐廳仲有多款甜品選擇，其中好多都係一般中菜餐廳唔常見嘅創意甜品，好吸引！腐乳芝士蛋糕聽落好新奇有趣，當然要試下！其實腐

趁住假期嚟沙田海悅酒店住一晚， 夜晚去咗酒店嘅中菜廳「沙田18」晚餐。 呢間中餐廳之前都去過，印像都唔錯。 今次叫咗椒鹽鮮魷、 東莞炒米粉、沙田炸乳鴿、三鮮煎鍋貼； 甜品就叫咗焗蓮蓉西米布甸 和焗黑芝麻湯圓酥皮批。 椒鹽鮮魷和東莞炒米粉水準出色， 椒鹽鮮魷炸到外脆內軟， 鮮魷鮮嫩無比； 東莞炒米粉， 炒得香口； 三鮮煎鍋貼， 皮薄餡靚， 十分Juicy; 燒乳鴿正常； 甜品佢哋真係有用心做， 蓮蓉布甸絕不欺場， 蓮蓉餡料份量夠； 焗黑芝麻湯圓酥皮批嘅多重層次感， 外面係酥皮加埋上層嘅菠蘿包皮， 食落鬆脆， 裏面包住一粒黑芝麻湯圓， 外面脆卜卜，裏面軟淋淋嘅感覺十分特別， 食落去都好好味，讚！ 我感覺到廚師係用心做嘅！ 至於佢哋嘅員工服務態度， 個個都好有禮貌， 而且有效率。 俾依個價錢係值嘅。

暑假去到尾聲。想帶小朋友去一個安靜嘅地方飲茶。所以決定去五星級酒店的中菜廳試一試。😎香茅鮮蝦炸春卷- 香茅味啱啱好，份量好多。蟹子香西龍躉班肉餃- 個餡好豐富，粒粒餃都大大粒。蠔皇蜜汁叉燒包- 叉燒不油膩。陳皮蒸牛肉球- 陳皮味正合桃燒雞酥- 好特別。酥皮鬆化👍🏻紫薯百合菱角餃- 又靚又健康黑糖桂圓馬拉糕- 鬆軟又唔會太甜牛肝菌粟米腸粉- 即叫即正好新鮮禮雲籽鮑魚粒老蛋炒飯- 粒粒飯炒得好香口特色東莞炒米粉- 有煎香的鯪魚肉。好特別👍🏻最後係我哋最欣賞嘅甜品：必食： 五糧液朱古力雪糕 + 自製花雕話梅說吧 +紫米咋喳燉蛋白。全部都好特別，好味道。喺其他地方搵唔到下次一定要試紅棗軟蛋糕。即叫即整40分鐘😋

好少喺酒店飲茶，價錢預左貴，但最緊要食物有質素，沙田18冇令我哋失望。一早book左位，所以唔使等，我哋係坐bar果邊，環境比較寬敞，個view都好d。有d座位係圓形梳化位，果d位置比較暗﹝唔知點解唔開呢d枱嘅燈﹞。各服務人員都好有禮，仲有笑容，非常好！食物方面也很好，尤其是燒腩仔同埋叉燒腸粉。燒腩仔件件size都一樣，唔似係酒樓果d，仲有係皮脆肉嫩，肥膏唔多﹝見個碟剩返咁小先記得影相就知﹞。而叉燒腸粉，係我暫時見過最多叉燒的，快要多到漏出來，腸粉皮也滑。其他點心也很有水準，而且好夠熱。我哋問服務員要辣醬，竟然有3款俾客人任用，加分位!

不止一次聽過朋友盛讚沙田18的片皮鴨和甜點, 今日恰恰有機會, 就和朋友來到這裡一試晚餐, 圓心願也。即日打電話過來訂位也沒有問題, 但只能吃到五點半至七點半的首輪, 晚餐時間稍稍嫌早。只好安慰自己, 片皮鴨這種肥滋滋的美食, 還是這種時間吃, 感覺上比較健康吧?雖然餐廳的名字叫「沙田18」, 但其所在的酒店沙田凱悅酒店其實位處在東鐵大學站旁邊。有意到訪的人士就不要似筆者一般大頭蝦地搞錯了啦。來到餐廳的時候時間尚早, 雖然天氣不佳天色暗沉, 但一列的落地大玻璃還是把大量的天然光引入了餐廳之內, 感覺很是舒服。窗外就是中文大學的建築群散落在山上的景致, 高高低低的特別又漂亮。若是中大舊生, 更可能別有一番感觸呢。醃蘿蔔片與花生朋友未到, 先沏了壺普洱茶, 吃著小菜研究手上的菜單。洋洋灑灑的十數頁, 花樣之多實在叫我眼花繚亂難以取捨。慢慢一頁頁看下去, 不經不覺那碟醃蘿蔔片已經給我吃了大半。個人來說會喜歡更酸鮮開胃的蘿蔔片, 不過此間的出品無渣而清甜, 也是可口。切成長片狀貌甚似荀片, 真是有趣的樣子。麻醬拌新鮮菠菜主食點了不少的肉, 總要叫碟菜平衡一下。只是淥菜嫌悶, 炒菜又不見有新意,