亞萊嘜嘜 (已結業)

用外賣平台外賣自取有6折，四樣嘢夾埋$432折實$259.20招牌咖哩軟殼蟹$238分量有三隻軟殼蟹，隻隻都完整，外賣自取關係，返到屋企又乾又硬又凍，希望堂食會好食啲！好在個咖喱汁都好味道，唔辣，偏甜，好多蛋花，有些少蔬菜。亞萊嘜嘜特色蒜香包$58蒜香包好好味呀又香又軟，上次喺屯門幫襯「X泰」同呢一件相比，真係差天共地，阿來嘜嘜蒜香包好味好多糯米釀雞翼$95雞翼脹卜卜，味道就正正常常啦芒果沙冰$41香甜、好飲、夠凍

和寶黎亞萊嘜嘜相聚💓元朗算係幾方便又唔錯嘅泰國菜。店內舒適，冷氣夠涼。食物方面，最鐘意佢個特色蒜香包，就算未必食得晒d野都會叫嘅，好香蒜蓉牛肉味，而且脆口無比，外脆內軟。串燒拼盤3雞3豬，肉質唔錯有彈性又juicy，香噴噴，好吸引。個沙嗲汁好好味，好香又唔辣，如果齋食肉唔點汁會失色左d，一定要點落去至食，咁就最正。泰式肉碎生菜包生菜幾新鮮，好翠綠，餡料有肥豬肉、洋蔥粒、蔥粒，帶住陣陣香茅味，輕微辣更能刺激味覺。泰式香芒蟹肉炒飯,呢個就麻麻地，蟹肉份量ok的，不過覺得冇乜味道，飯亦欠乾身。不過今次去有d失望，尤其服務質素，個可能係經理嘅服務員，面口黑黑，真心想叫多樣野食都好驚驚呀😑送給自己的汽水

一家人為妹子慶生，壽星女選擇去元朗，大家都鍾意食泰菜，聽聞呢間唔錯就揀佢啦。原本訂位18:30最理想，不過餐廳話只有18:00，早到嘅先叫嘢食都得嘅。原來佢晚市開18:00，走嘅時候，好多人响門口等位，唔怪得之啦，想做多一轉客係人之常情。人多可以叫多啲嘢食，除咗平日嘅必選菜式，叫埋好耐無食過嘅咖哩蟹！蒜蓉包好香兼外脆內軟，好食，咖哩蟹未嚟，已一人一件食光光小食拼盤都唔錯，同家人一起分享特別好味嘅。青木瓜沙律口感爽爽，食落有啲辣串燒拼盤揀3豬3雞，OK好食，沙嗲醬好香。大蝦冬陰公湯好多料，有鮮草菇才是正宗味道湯水酸辣度適中，最正係隻蝦真係好大隻，啖啖肉，爽口鮮味飛天通菜味道唔錯，不過其中有啲老梗。椰青清甜，清熱氣最好，連椰肉都挖出來吃。最期待嘅咖哩蟹嚟喇，叫多個蒜蓉包點汁食。成隻蟹祇係有三件?因為蟹身只分左右兩半，咁大舊點食呀?要問店員攞較剪自己一開三！呢隻應該係水蟹嚟，啲肉又削又腍，睇吓隻蟹鉗得60%左右嘅肉！個汁又比較咸...扣分。甜品拼盤3款都唔錯，特別係千層糕口感軟糯，椰香濃郁香芒黑白糯米飯幾特別，滿足曬選擇困難嘅人芒果好甜。

好耐好耐冇去家姐聚一聚喇!!大家終於有時間約到一齊去食野，去左元朗西鐵站附近既泰式餐廳坐低。因為家姐突然想食泰國野，所以就去最方便既落腳～睇落去幾大間，門面充滿泰國風味。餐廳7點左右已經爆爆地人，入到去有啲酒樓FEEL ，我地最後上左二樓坐低。 泰式肉碎生菜包，生菜份量好多，色澤新鮮翠綠，肉碎配搭左洋蔥、蕃茄同青瓜。肉碎肥瘦適中，味道偏辣，配上爽口生菜，令人食慾大增。炭燒豬頸肉 ，燒至皮肉微脆，中間部份帶少少嫩，肉汁滿溢，火喉岩岩好！點上醬汁令整體錦上添花，我同家姐都好中意～食咁多肉點都要炒碟菜，馬拉盞炒通菜，呢道唔洗講都會自動波出現，炒得頗入味，微微辛辣，整體上油左啲。豆腐湯，因為家姐唔好辣就揀左豆腐湯，飲落出奇地唔錯～湯身清甜，而且豆腐超滑，可以話係健康之選！拍靚咖哩牛肉再配番一客特色蒜香包，蒜香包係長形方塊狀，食落去外脆內軟，口感豐富！蒜香包配搭咖哩，味道更加香口惹味，咖哩汁再多番啲就更好！二人餐以甜品作結，分別係椰汁糕同大菜糕，味道中中挺挺。最後唔少得原隻椰青俸上，口感清涼解渴，味道清新又清澀，食越泰菜必選飲品！

行完南生圍，即慶黎左食泰菜。由於體力勞動一番後連帶腦力也要休息，所以我地揀左二人餐（貪佢可以諗少啲哈哈），份量適中。最驚喜係其上菜速度，雖然晚市開始客人愈黎愈多，但菜式係落單後冇耐已經逐樣陸續送到！我哋冇揀冬陰公，反而揀咗椰香雞湯。店員話只有小小辣，不過飲一啖已經嘗到濃濃嘅椰香味夾雜著辣味，但係可以接受嘅...... 但一啲辣都食唔到嘅朋友建議唔好揀！拍靚牛肉會送埋嘅蒜香包係''一條條''厚切容易咬，而且外脆內軟，口感層次豐富！個人始終覺得蒜香包要搭配黃咖哩才完美！又或者下次會揀蠔仔蛋配蒜香包美中不足嘅係懶人（泰式）鳳爪略嫌醃得唔夠入味。總括黎講亞萊嘜嘜性價比都高嘅

趁地鐵半價車費，來個閒遊新界之旅。行完南生圍，重返吃貨模式，亂入了間泰越菜。不覺已經下午茶，午餐還有供應。不過，永遠重點錯的，看中小食和甜品了啦～厚多士，炸成金黃磚塊，陣陣蒜香撲鼻面來。這個特色蒜香包 ($45)，太誘人了吧？每咬一口都會索索聲，鬆脆度爆燈。略嫌不夠重口味，若面頭再抹堆蒜蓉的話，會更畫龍點晴。辣控面前，泰式冬陰公海鮮炒河 ($58)只能劃成入門級。勝在酸酸的，開胃唔怕滯。蝦仁、青口等海鮮大粒，份量算足。碟底油份不多，炒得不錯。黃白配的香芒黑白糯米飯 ($62)，綴有蝴蝶形蘭花，看得出花過心思。飽肚度十足，拼得過主菜。芒果大概浸過糖水，冬天食也不怕唔酸。黑白糯米煙韌中帶咬口，椰漿夠熱又夠杰身，不枉留肚食。一人一個芭堤雅椰青 ($35)，又大又冰涼，正好解渴。椰青肉偏淡，但質感夠滑，大滿足。上菜快得傻眼，近乎杯麵速度，幾分鐘就有。食物質素合格有餘，中午、下午時段還免加一，是無後悔的一餐。