Burgeroom (Fashion Walk)

营业中

休息中

位於銅鑼灣的「Burgeroom」裝潢以工業風為主調，店內有霓虹燈裝飾。餐廳主打美式漢堡、小食、啤酒等，漢堡款式超過40款選擇，除了肉類和海鮮之外，更有素食系列，照顧不同客人需要👍🏻漢堡上桌時，餐廳已貼心地將漢堡一分為二，方便客人進食❤️ 特量芝士牛肉漢堡 $115芝麻麵包稍為烘過，表面微脆內裡鬆軟，漢堡用料豐富，牛肉漢堡入口爆汁🐮，非常juicy，肉質軟嫰，肉味濃郁帶油脂香😍加埋特量半溶芝士，非常正👍🏻👍🏻另中間夾有新鮮生菜🥬和蕃茄🍅中和油膩。香脆鱈魚柳蛋漢堡 $100鱈魚柳有2塊，魚柳夠厚肉🐟，仲啖啖嫩滑，外脆內嫩，鮮味十足，口感豐富‼️ 黑松露醬直薯條 $70薯條炸到金黃色🍟，又香脆可口，配上黑松露沙律醬，黑松露味道突出，好惹味！荔枝冰茶 $38荔枝冰茶帶淡淡荔枝香氣，味道清甜，夏天必喝的水果茶！ 蘋果汁 $38味道清爽，飲啖冰凍既蘋果汁🍎可以解解膩呢～

今日經過銅鑼灣準備聖誕，行過faction walk。見到附近有條街有好多餐廳，就入左去搵下野食。見到依一間餐廳主打漢堡包，身為漢堡包迷既我深深比間餐廳吸引。餐廳有得選擇室內或者室外環境食。如果平時係室外食好有外國風味。但今日特別凍所以選擇左室內用膳。入到去見到飲品櫃有得簡多種飲品，諗等陣食漢堡包配飲咩飲料都要花光眼亂。餐牌有多種漢堡包同小食配搭，對於我黎講簡直係福音，每種包都好吸引。今日就食左佢地既特量芝士牛肉漢堡，一黎到餐枱，見芝士好似熔岩咁流出黎食欲大增，牛肉非常多汁juicy。每咬一啖牛肉肉汁都滴落，麵包亦十分香，加埋配料配搭十分完美。而今日既小食就簡左直薯條同旋風薯條，炸得非常香脆，又唔會太乾太膩。整體餐廳乾淨企理，食物高質素，十分推薦。

第x次食，每次都食唔同嘅burger ⬇️黑松露芝士大烤菇煙肉牛肉漢堡 $130黑松露大烤菇好香好正，牛肉好juice… 配上煙肉，成個漢堡有幾層口感😋⬇️特量芝士牛肉漢堡 $110加$30轉左做set 多左啲薯條🍟，但份量有啲少，再加多$20 加左杯Asahi…🍺總括來講都唔錯如果你鐘意食芝士就一定要試下ps.溫馨提示 如果同未一齊嘅心上人 /有好⋯感嘅人出去食飯，就一定唔好食🍔🤣因為吃相有啲不美觀😂食得有啲論論盡盡…

今日同朋友嚟到銅鑼灣呢間Burgerroom 食午餐！講到明係Burgerroom，當然主打係Burger！餐廳提供嘅漢堡款式好多，有牛肉類、素類、素肉類、魚、海鮮類、雞、鴨類，有40多種選擇，一定有一款啱你心水！仲有多款小食同埋飲品可以選擇。今次用朋友叫左特量芝士牛肉漢堡（$110）同軟殼蟹漢堡（$108），午市仲可以加$30配薯條同無酒精飲品！此外仲叫咗個鱈魚手指配他他醬（$55）。特量芝士牛肉漢堡，牛肉漢堡扒相當Juicy，每一啖都爆曬肉汁，簡單落少少鹽調味，就可以襯托出牛肉香味，微微嘅鹹香配上邪惡嘅芝士，整體配搭相當好食！而且飽足感十足，唔使怕一個漢堡食唔飽！軟殼蟹漢堡亦相當令人驚艷，一拎上枱已經被大大隻軟殼蟹吸引住，原本以為炸軟殼蟹會好乾身，一食落去爆曬汁，濃濃嘅蟹味喺你口腔裏面爆炸嗰一下好正😋😋！而且軟殼蟹都相當厚身，性價比十足！我同朋友一致比滿分！鱈魚手指配他他醬，他他醬中的酸瓜可以中和炸鱈魚手指的油膩感覺，用嚟配薯條都相當唔錯！

一到步餐廳，好快就有待應招待入座，入座後，待應就隨即比左餐牌我地。餐廳提供唔同類型既漢堡包，有牛、魚、海鮮、雞、鴨，連素類都有，適合素食者來試。今次我和朋友試了一個特量芝士牛肉漢堡和香脆鱈魚柳漢堡。貪吃的我們，還叫了一個牛油果醬芝士薯條和凍榛子朱古力。 首先，榛子朱古力味道濃郁，難得榛子味重又唔甜，喝了有解喝既感覺。如唔想飲汽水，用佢黎配漢堡包和薯條都係一個不錯的選擇。 之後就好快黎埋牛油果醬芝士薯條，一黎見到好多牛油果醬芝士係鋪滿薯條上面，身為牛油果控的我，十分興奮。一食落口，脆脆既薯條再加上牛油果醬芝士食，簡直一流。估唔到唔點其他醬汁，都有意想不到的驚喜。可能芝士配左牛油果醬，所以食得多都無太漏既感覺。 兩個漢堡既份量都好勁，好厚身! 餐廳已經好貼心咁切開左一半先上，方便客人進食。有時食其他漢堡包，太厚又唔切開一半，真係有點難進食。 我就試左特量芝士牛肉漢堡先，一咬下去，就食到熱溶溶既芝士溶左係塊牛肉度，牛肉熟度剛剛好，好好味。再有埋番茄同生菜夾住，好juicy！整體黎講都好滿意！而個包皮都是軟軟的！ 至於香脆鱈魚柳漢堡，塊魚柳外脆內軟，熱熱的與沙律醬汁溶埋一齊，再加埋番

想食呢間burgeroom 好耐,今日終於有機會嚟啦。位於食街內，餐廳有室內及室外兩邊，屬於自助式設計，坐低揀好嘢食就自己去counter叫，有自助斟水及拎醬料的地方。餐牌上基本上九成食物都係burger,分牛肉、雞、海鮮、素食等類別，仲可以另外加配料，另外有少量小食和沙律可選，我同姊妹share左兩個burger，一個係是廚師精選嘅特量芝士牛肉漢堡（$105），一個係香脆鱈魚柳蛋漢堡（$95），其中一個加$30變套餐可以有飲品同一客粗薯條。飲品係自己去雪櫃揀，都有唔少選擇，我哋揀咗snapple raspberry tea,大大支share飲！我們仲加咗個蜜味辣雞翼（五隻） （ $50 ），蜜糖味唔算好濃，又唔算好辣，但係都幾惹味。第一個包過左一陣就黎，好多嘅芝士，有生菜蕃茄夾住，舊蛋都好厚，鱈魚柳外脆內嫩，好味！薯條份量唔算好多，但係夠脆同熱，相信係即炸。第二個包就等得比較耐，標準配菜都係嗰啲，特量芝士多到流哂出黎，當然牛肉先係重點，好厚身又juicy！好回味呀！

放完大假慘慘又抽到返夜地獄更😵適逢日頭要幫朋友去銅鑼灣拎啲野🙉還掂拎完撞正Lunch Hour🍴🤤又有朋友介紹呢間隱世漢堡店🍴🍔趁未落地獄前同隻豬去吃個最後的漢堡午餐先🙈🍔呢位銅鑼灣百德新街既Burgeroom🍔😏雖然距離地鐵站較遠🙇🏻‍♂️但作為漢堡愛好者既你散下步過黎🍔🤪品嚐一下特色漢堡亦係賞胃悅目既事😋但位置比較難搵連小肥都盪失左路🙇🏻‍♂️🙉😂所以記得預返少少時間搵路黎啦🤪🙉一間隱世漢堡小店帶出濃郁美式風情😋🇺🇸亦煮出高質素漢堡小食🍔😋👨🏻‍🍳🔥Mega Cheese Burger以大大個漢堡一流賣相上枱🍔🤩肉扒肉質滑嫩肉味濃郁之餘😋脂肪比例均勻食落唔會太油膩☺️啖啖肉汁流出更顯Juicy🤤🐮另外有濃郁芝香芝士及新鮮生菜番茄片😆配合焗到香脆既高顏值芝麻包包亦口感十足☺️🍔而薯條炸得夠透啖啖薯肉亦係小肥至愛☺🥔Guacamole Chicken Burger同樣地大大個漢堡一流賣相上枱🍔🤪以原塊滑嫩Juicy烤雞扒既絕佳配合🤤🐔伴以牛油果醬及芝士更具芝香風味🧀🤤🥑Melted Cheese Wedges 粗薯角炸得夠透啖啖薯肉亦係小肥至愛之餘🥔🤤配合濃郁芝香既芝士一齊焗香更為滋味🤤🧀

今晚去銅鑼灣搵食，百德新街實在太多選擇，行過Burgeroom就被佢既香味吸引住，店舖唔算太大，有室內和室外座位，店員會先安排座位，而點餐就是自助的，選好後到櫃檯點餐付款，然後侍應會將食物送上。特量芝士牛肉漢堡芝士處於半溶狀態，食既時候芝士汁會流出來，牛肉亦非常juicy，漢堡包鬆軟。由於漢堡實在太大太厚，店員會貼心地將漢堡包切開一半先上檯，而且每邊都有竹籤固定，方便進食。黑松露芝士薯條 薯條炸得非常乾身唔油，黑松露加芝士醬簡直係絕配，非常香脆。

今日放左工喺銅鑼灣行完陣街，就等埋個frd 一齊去burgeroom 食burger~~~ burger都食過好幾次 啲burger質素唔錯 同埋最正個位係佢地種類好多 牛 雞魚海鮮都有！因為超級肚餓既關係 我地叫左一人一個burger打底 之後再叫多兩樣小食～ 芝士旋風薯條：薯條即叫即整熱辣辣，再淋上特濃熱溶芝士，超邪惡！蜜味辣雞翼：雞翼係烤焗，無咁油膩，雞肉外脆內嫩，正ko 左小食 我地個burger都黎到喇！之前食黎食去都係牛肉 今次一於試埋呢個龍蝦burger! 麵底有烘烤過，成隻龍蝦夾喺入面，而且已經拆左肉 嗰兩隻蟹鉗好cue haha!! 啖啖肉再加埋芝士生菜蕃茄等材料，大滿足！到朋友個嗰特量芝士牛肉漢堡包底一樣烤過，手打牛肉塊超厚身，咬落去肉身超juicy , 啲肉汁必晒出黎 最後再埋好似瀑布咁既特濃芝士，不得了 吖 仲要最尾蜜桃冰茶 菠蘿冰茶 呢兩杯冰茶，都唔錯 有啲粒粒果粒 唔會好甜 幾好飲！

「Burgeroom 」聽就聽得多，終於都黎了，一黎到門口已經有一條小人龍在排隊落單中😱呢度係要自己去cashier order 既，然後侍應每枱送上食物的🤩返左一日工，同朋友有大量苦水要吐既關係，決定要叫杯生啤，啤一啤佢先🤤我們分別點了Asahi & 1664🍻Asahi就比較苦澀，麥味比較重🍻1664就偏向重果味，果味會多一點🍑 🌟黑松露芝士薯條 $62🌟芝士味好重，可能因為咁相比松露味少左啲 薯條我自己幾鍾意食脆既，fd 就相反，所以我覺得幾好😋🌟特量芝士牛肉漢堡 $118 🌟我們既重頭戲來了，名符其實的「特量漢堡」，好巨型的漢堡😵食半個已經好飽了我們還額外加了最愛的酸瓜😋🌟蜜糖芥末大烤菇煙肉牛肉漢堡 $115🌟這個牛肉比上面的特量芝士牛肉漢堡更彈牙juicy👍🏻個口冇咁大呢 成口都菇😂要分開一層層咁食，先食得曬🙈🌟香辣單骨雞翼配蜜糖芥末醬 $60🌟最愛的炸雞翼，食極都唔會厭😍配埋個蜜糖芥末醬更正👍🏻🌟蜜糖辣雞翼 $50🌟帶點好輕微既辣味蜜糖雞翼，烤得又剛剛好，好味道🤤

呢間漢堡店我已經食過幾次啦，佢出名份量大又好吃，次次都食到好滿足！今次我就帶兩個朋友未食過一齊黎試下！店係百德新街果邊，裝修分為室內同室外區域，好有外國風味漢堡選擇很多，牛肉，雞肉，海鮮類甚至素類都有，除左漢堡，仲有其他小食同沙律選擇，就算唔中意漢堡既人黎到都一定有啱佢食既野。另外我最開心係佢飲品選擇多，真係好開心吖等左一陣，漢堡包就黎啦！佢仲係同以前一樣巨大,見到都會哇一聲！🍔大烤菇芝士牛肉漢堡$108麵包是烘過的，挺身而鬆軟。中間夾著一塊好厚身既手打漢堡扒，肉扒很厚身鬆化，而且肉味香濃，每咬一啖都feel到肉汁滿瀉！配菜仲有大啡菇、紅洋蔥、番茄片、生菜同半溶芝士，每樣食材都新鮮多汁，好好食！🍔特量芝士牛肉漢堡$108同前一個漢堡一樣，都係麵包鬆軟漢堡扒超厚身。不過最特別係滿瀉既芝士，充滿鹹香味，超級邪惡！我地怕膩所以特登加左10蚊既酸瓜，果然可以中和肥膩，大家不妨試下。🐔辣單骨雞翼配蜜糖芥末醬 $60熱辣辣炸起既雞翼非常脆，肉質都幾嫩，配埋蜜糖芥末醬食好惹味🐔蜜味辣雞翼$50烤到好香，先甜後辛辣，口感層次豐富，推薦生啤75蚊杯，非常巨大，食漢堡飲啤酒真係人生一大樂事！呢間漢堡包店分

銅鑼灣見完客，老公同囝囝特登過來接我晚歺😝有小朋友係度就咁係食小明友野，老公就提意去food street度食burgeroom,囝囝當然舉手贊成👍係TST都食過一次，而呢度格局是完全吾同嘅style ，由於地鋪關係，門口有很多戶外座位，感覺好relax,亦方便🚬朋友！店內格局都好一致，好西方的風格，是自行到收銀點歺的，免加一老公最愛鵝肝牛肉漢堡，事關真係好抵食，兩塊又大又厚，煎到金黃色，擺系熱辣辣色面上面，外脆內軟，好香好creamy囝囝就揀左特量芝士漢堡，塊手打牛肉漢堡好juicy 一D都吾乾，好厚好大塊，我食左半塊已經飽左大半小食方面就少不了炸薯條，食得出是用美國薯仔即炸，好脆，內面又好綿！囝囝就request 左蜜味辣雞亦，甜甜地微辣，好啱小朋友口味。我就揀左帶子沙律，好大一盤，仲有4大粒不過source 略咸左D 好飽好滿足的一歺，下次等秋涼再來坐戶外另一番風味，btw 附近好多shopping 店舖，食買玩一條龍

一直都想黎食Burgeroom，直至早前同朋友仔行完街後，就過左黎食。未睇Menu以為餐廳的漢堡係走貴價路線，不過到order個刻先知價格都幾親民，平均漢堡都只係100蚊到。我們三個女仔叫左兩個包、兩份小食share。小食方面，我們叫左一份布里芝士餅及一份芝士旋風薯條。唔好以為布里芝士餅係cheesecake，其實佢係炸芝士。外面炸得金黃鬆脆的外皮，加埋熱辣辣的Cream Cheese，真係幾好食。另外，呢份芝士旋風薯條唔會炸得太乾，加埋香濃的芝士汁，係熱氣人的最愛！另外，我們決定要了一個特量芝士牛肉漢堡(無錯又係芝士)。漢堡的Size絶對唔細，而且牛肉都好厚身Juicy。熱辣辣的溶芝士，除左懂得拉絲外，更溶化我們三個芝士粉絲的心。由於已經有一款牛肉漢堡，我們決定試埋其他配料的漢堡包。呢款香脆銀雪魚柳漢堡雖然無牛肉漢堡咁大份，不過都唔算細哦。炸魚的粉漿唔算厚，而且魚肉都keep到嫩滑，推介唔想食得咁heavy的女士們。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

Burgeroom 對小編而言絶不陌生，前前後後也到訪過數次。Burgeroom 與同街其他餐廳一樣，設有室外用餐區，在秋意漸濃的天氣下，輕曬太陽用餐其實頗為寫意。 特量芝士牛肉漢堡是廚師推介，脹卜卜的漢堡中間夾上厚厚的漢堡扒，輕壓下有微量肉汁溢出，肉味濃香。芝士是漢堡的另一亮點，份量特多，將漢堡一分為二時，芝士拉絲清晰可見。 菠蘿鱈魚柳漢堡是坊間比較少見的作品，鱈魚柳炸得香脆，魚肉結實，味道比預期佳。至於菠蘿，一向是小編至愛，與炸物相伴有助緩解滯膩感。 午市時段，選擇漢堡後可加 $30 升級至 combo，多享用薯條及指定飲品。粗身薯條評分只屬中規中矩，出品微脆。雖然凍朱古力咖啡口味合心，但對於鍾愛咖啡的朋友，可能會覺得過甜不欣賞。

男友應該是每天吃burger都不會生厭的類型，所以今晚下班後帶了他到銅鑼灣burgeroom吃他的最愛。它位於Fashion Walk內，在室外和內選擇，當然舒舒服服坐室內啦~餐廳內頗輕工業風。飲用水和醬汁、調味料都是自助的，不要錯過了。相對其他在Fashion Walk餐廳，它算是正常價的了，平均一百元左右一個漢堡，肉、海鮮和素菜漢堡一應俱全。小食和沙律都有，種類好多。這裡是到櫃枱點餐付款，然後就回座位等店員送上食物。我們就點了牛、雞肉漢堡，薯條和一杯生啤。我發覺不同地方的朝日生啤的味道都會有點分別，不過最重要是都清新微甜，入口舒暢，順氣又解渴。沒有甚麼飲品比啤酒更配漢堡的了我絕對是為了牛油果醬這少有組合而點這個薯條的，原來還有半溶芝士和Salsa醬，醬量好多，又滑又creamy，原來是這樣夾呢薯條頗大條，薯肉十足。嗜辣的千萬不要忘了在自助區取一小碟這個辣Salsa汁這個汁又酸又辣，比普通Tabasco辣一點點，既爽又醒胃，點薯條一流這裡的漢堡都好大份啊！看這特量芝士牛肉漢堡的芝士多到這樣滿溢出來，熱的時候還能看到它流下去，超級邪惡佈滿芝麻的包烘得好香呢~切開時芝士是拉絲的，咬下香滑