十八座狗仔粉

营业中

休息中

出開深水埗買printer, 趕時間，是但食啲嘢。呢間狗仔粉，由佐敦開到而架有9間分店，可想而知有佢哋地位啦！用電子掃code 下單，方便唔會錯。科技真係日新月異。有新野梗係試啦，對芫荽控一定要試啦！加左芫荽會再fresh d! 生菜🥬新鮮甜。魚肉實淨。但無咩魚味，係會加左粉架啦。㩒曬啲芫荽落去先食到啲魚肉同素翅。狗仔粉一貫味道，甘多年都無變。加埋豬油渣，正到一個點😆仲有啲菜甫都係一定要加。食完會有少省頸渴😅

劲多明星打卡葛网红店一定要试下j嘠啦。要左狗仔粉，香辣鱼蛋同翅，招牌狗仔粉真系好食。但系香辣鱼蛋真系就系得个辣，没有鱼蛋味，对我哩讲系超辣个只，下次要试下j鱼蓉烧卖。好想偶遇pakho chou啊。

到深水埗逛完黃金商場後，感到有點肚餓，不想只吃燒賣魚蛋。走著走著看到十八座狗仔粉的招牌，想念這個傳統街頭小吃的味道，便進了去！我叫了一碗狗仔粉（$30)。店家在每桌桌面上放置了兩樽菜甫，分別是辣菜甫和不辣的菜甫。我最喜歡的不是這裡的狗仔粉，而是菜甫，特別是辣菜甫！辣菜甫相等於譚仔米線的中辣程度，怕辣的話，不要加太多便可以。狗仔粉反而不是太特別，粉多，其他材料則比較少，不過以$30來説，還是可以的！

今日放工同同事途經十八座狗仔粉，就被吸引左入去食😋😋😋首先一定要叫碗招牌菜-狗仔粉佢有兩個size，小$22，大$29狗仔粉的麵條大約有半隻手指粗。其實狗仔粉就係熱水混合粘米粉搓成條狀，由於粉條尖頭尖尾，像狗的尾巴，故稱為「狗仔粉」，又簡稱「粉仔」。個湯底食得出有洋蔥、蝦皮、冬菇來同狗仔粉煮成，之後加上蔥花、菜脯及豬油渣等配菜真係好香，加$3有豬油渣，係必加！重點係！佢有自家製嘅菜脯，如果食得辣，可以挑戰佢嘅自家製勁辣菜譜，食完真係會噴火！金絲火鴨魚肉湯$29比普通生菜魚肉更香更好味！有幾條金絲，其實係粉絲，火鴨絲加入左魚肉👍🏻一碗有勁多條魚肉，所以好抵食！

本來去深水埗諗住食文記車仔麵，點知見到勁多人排隊，於是就去咗十八座狗仔粉。一路都見過呢間野嘅分店，但就每次都係經過冇入去。見到佢鋪入面貼左好多同明星嘅合照，睇嚟都係出名嘅食店，就同朋友入去試吓啦上網睇話狗仔粉呢個名嘅來源，原來係因為佢搓出嚟之後個形狀似狗嘅尾巴我哋一人嗌咗一碗狗仔粉，另外嗌咗啲蘿蔔、豬腸、豬皮大家都落咗啲辣菜脯落狗仔粉，佢啲辣菜脯超辣，就算我咁食得辣都係落咗兩三匙就唔敢再落！啲豬油渣超好食，佢係啲湯度浸腍晒，但依然好香口，同埋食落好有口感，陣油香同脂肪融化晒係個口度🤤 狗仔粉嘅質感好特別，好有咬口得來又唔會話係煙韌，又唔會比啲湯浸淋晒，好正👍🏿蘿蔔豬皮正正常常，豬腸幾好食，有肥膏係入面，又唔會咬唔爛，純粹係覺得個醬唔係自己鍾意嘅，但係都成碟清哂，食食吓就覺得好好食！覺得個狗仔粉嘅好味程度係要自己都去食😋 要推薦比多啲朋友嚟試吓！

因為就黎去旅行 去深水埗買電話卡周圍行 諗住搵朋友推薦間餐廳食嘢點知我見到依度有十八座狗仔粉 好多年無食啦！好懷念之前同某人食😎狗仔粉 味道同之前一樣！不過可以熱啲就會更好！暖暖哋食落無咁好食火鴨下脾 我諗諗下 鴨脾唔係得下 有上架咩？

雖然而家街邊小食花神愈來愈多但係小妹點都係中意食懷舊小食多啲或者回憶既味道總是美好的行完高登見有啲肚餓但又未到晚飯時間所以諗住係附近醫下肚因為親戚住係屯門既關係所以細個耐唔耐都會係置樂果度食粉仔雖然只不過係麵粉加普通食材煮成既小食但卻無比美味重點仲要係落極多菜脯係高登出面見到有間十八座狗仔粉所以決定入去懷念一番除左狗仔粉，火鴨翅雞髀，碗仔翅亦是其招牌除此之外，店內仲有賣燒賣，魚旦，豬腸，黑白炸丸（炸四式丸）可惜仲要食晚飯既關係所以只係決定點一碗細既狗仔粉唔洗好耐熱辣辣既狗仔粉便上黎啦枱頭有兩款菜脯任添淺色的不辣帶甜味，紅色則是帶蒜同辣味小妹唔小心重手左辣到飛起不過很惹味粉仔看起來滑嘟嘟很腍身索左湯好入味而湯底頗濃但不會過咸而帶有淡淡冬菇同蝦米味回憶當頭上黎雖然狗仔粉只係好普通既小食但好多時都不是念佢其味道而係其背後既回憶總括而言，味道不錯當內有不少人叫炸丸下次也要試一下

想食平野深水埗都有唔少選擇，十八座狗仔粉係我比較常黎既~!見到牆身都有幾多明星幫襯過黎到呢到，狗仔粉係必食，其他魚皮餃果D我就覺得可以唔洗試，因為無咩特別。狗仔粉要左大碗，上面鋪滿左好多蔥花&菜脯，呢到既菜脯好爽口嫁! 狗仔粉就比較淋身，個湯底杰撻撻咁，同我細個o係屋企食既好似。加上冬菇既香味，雖然食材簡單，但我地細個既時候食既野都係咁簡單，而家反而覺得好懷念。翅滾火鴨髀如果有貨的話就記得要嗌下髀，成隻髀同火鴨翅一齊煲，所以D肉都入晒味。面頭果層皮脆脆地，$30一隻可以兩個人share黎食，都唔錯~

等太太收工都已經10pm，知佢係深手埗番工，當然收工之後試下十八座狗仔粉，個個朋友話好好食，聞名不如見面，其實都唔係傳說中咁好食。過左10點出面都唔少人，不過只係等左唔多過5分鐘。坐底叫左3樣野﹕ 狗仔粉、黑白炸丸同魚肉湯。可能期望太大，其實都係一般貨色。平時食下無壞。

食過佐敦、旺角，試埋深水埗18座狗仔粉，估唔到深水埗分店水準同佐敦有得揮！唔洗坐後巷，感覺舒服好多，落雨都可以幫襯！狗仔粉配上蔥花、冬菇片和自家製菜甫。菜甫實在畫龍點睛。狗仔粉真係好好味！一些店的碗仔翅為慳成本，茨汁太多，每啖只覺把嘴漿住，像喝粟粉水。但十八座的火鴨翅每啖都滲出火鴨獨有的香味，真材實料。食過佢既火鴨翅，已經再唔想食一般碗仔翅了。至晚上十時，火鴨脾只剩上脾。河馬太不覺特別。記得佐敦店貼著嚴拿偷取菜甫的吿示，當時河馬太心想，菜甫都偷？事實上辣菜甫真的惹味，越辣越想吃。不過對我而言，太辣我受不了。

剛好在深水埗蹓躂，又有點肚餓，在眾多的小食店中，見到這家名店有位，就試一試。//當然點了佢招牌狗仔粉，回想起我讀書時幸好經歷過食粉仔的時期，所以可以懷緬吓，但這家煮得太久，太軟身，不太好食，雖然配料不錯，冬菇都幾新鮮，蔥花都算新鮮加上佢的辣菜圃真的夠哂味，但整體如看回主角，而要廿幾蚊的價錢，不算太值，只能說土地問題，我覺得還是食在新界區的粉仔更好。//

剛食完維記咖啡粉麵 (當時已經有6成飽) 路過見到咁多花牌放係路邊 原來係十八座狗仔粉開張我企左係門口 望到鋪頭D餐牌彩色繽紛 諗左一陣就決定入去食我主要係想食狗仔粉 細碗$20 大豌$27 外賣$28因為我得一個人 而且又食左野 所以只叫左一豌細既狗仔粉未食之前 我會覺得D粉係軟淋淋 個湯好淡 或者 好重味精雖然D粉唔係爽口 彈口 煙UM 佢係可以俾你咬3-4啖就可以吞落肚 未去到淋到溶既狀態而且個湯底唔係似豌仔翅咁杰身 但又唔係湯水咁稀 但當你食粉既時候佢係好似會勾住D粉一齊送入你口 我覺得做得幾好另外見到佢有蔥 有冬菇片 蝦米 蘿卜粒 令到成個湯底更加香我額外加左一小匙辣既蘿卜粒(免費的) 變左更加野味 多左一份香辣感。我格離個食客話 想要多D蔥, 個老板即刻笑住拎左一兜蔥出黎加俾佢(我覺得佢好有心 而且尊重食客)$20 細豌感覺上有D貴  但只要食得開心 就會值得。 佢其他小食都幾吸引 但由於我太飽 所以下次待續...