黑龍

营业中

休息中

男朋友都算半個拉麵控，灣仔黑龍呢排都有唔少人介紹，見佢講咗成兩個星期，話想食，所以襯週六放假過去。地點正正喺修頓球場對面，門面都幾顯眼，有個日式燈籠。店內面積不大，吧頭位都有六七個，二人枱幾張。一點鐘左右到，客人頗多，而且川流不息。黑龍係沖繩過江龍，主打沾麵、拉面，款式唔多，沾麵兩款，拉麵三款。小食有餃子，另外仲有飯，價位中挺。鐘意食沾麵可能要早啲到，可能因為週末，我地食食下已經聽到店員話沾麵已經售罄（開鋪唔夠兩個鐘） 黑龍豚骨拉麵 $88+$12玉子 (2倍辣醬)可自選辣度，分無、基本、二倍、激辛。麵質、蔥、洋蔥亦可按個人喜好自選。我點左2倍辣，麵質係我較喜歡嘅幼麵，選基本，軟硬適中，爽口。湯頭夠熱，而且係超濃稠，係我食過最濃湯嘅拉麵，近乎沾麵水平。另設熱湯，客人可以自行調淡湯嘅濃度。油脂唔多，飲落豬骨味唔係十分之突出，唔會太鹹，冇味精感。唯一係唔夠辣，雖然點左2倍，如果知道係咁弱，我會點激辛。叉燒只有兩片，食落未至於柴，稱唔上好食，味道溫和。玉子係另加，原隻上，呈半生熟狀，流心度出色，唔錯牛筋Black拉麵 $98 (不設辣醬；已附玉子）基本上同豚骨拉麵嘅分別在於呢碗湯底加入黑蒜蓉

聽聞這間來自沖繩的拉麵店也小有名氣，今日經過灣仔；當然要試一試啦。未入去己見人頭湧湧，以為要等位；還好剛剛有人離座，免卻了輪候之苦。白雞塩味拉麵 ∼ 麵身比較卷曲及顏色偏黃，麵的軟硬度適中，湯底味道稍鹹，個人而言尚可接受，如吃得比較清淡的朋友，可加入少量熱湯以調較適合自己的濃度。雞肉質地看似粗嚡，入口卻是鬆軟，玉子呈溏心狀態、黃澄澄亮晶晶的非常吸引，蛋香味濃。黑龍豚骨拉麵 ∼ 這款拉麵比較直身，顏色偏淡，爽彈而不淋，豚骨味湯底香濃而不會過鹹，太太說那辣醬香而不會過辣；聽她這樣說我也試了一點，又確是如此呢。餃子 ∼ 出奇地好味，皮薄餡靚，香煎過後底部微微帶脆，質素勝過很多店舖。生啤 ∼ 食完一碗熱騰騰的拉麵，再飲一杯冰凍清爽的啤酒，實在是至好不過。最近太多人的食評出現問題，以表示支持及配合（不想誤殺良民，又白費自己一番心血），特上載收條，以示清白。

放假同肥髀四圍逛，中午時分去到灣仔， 今日唔係假期，好多辦公室人員放飯，預咗要等，我同肥髀去到門口，見前面有5個人排緊隊，排15分鐘到我們入座！ 店內好黑，比較窄，我們被安排坐吧枱位（英文店員問咗我們唔介意嘅）吧枱有日式檔布，日式拉麵格局， 餐牌極簡單，剔好比店員落單！食物好快到！ 黑龍豚骨拉麵（$88）賣相正常，啲湯味濃但太杰，好似膠水，而且湯唔夠多，加埋追加嘅麵之後，完全撈唔勻，所以好淡，唔夠味，幼麵彈牙，叉燒肉粉紅色，僅僅熟，所以好嫩，竹筍爽口微辣，好味青蔥爽嫩，味道好但都係比啲湯太膠水破壞整體感覺！ 玉子（$12）蛋白好軟滑，蛋黃半生熟，好正！蛋味濃 紫菜（$12）好像潮州炸嘅紫菜，浸湯之後好香（但就令啲湯更少） 追加麵底（$12）致命係湯唔夠，一加麵就太淡！最後食唔晒，浪費咗啲彈牙嘅麵！ 餃子（$38）5隻餃子，煎得金黃色，皮煙韌，肉餡唔多，味道好但太多油，碟底全部都係油，點埋淡醬油加辣油好味！食物有啲失望，店員勤快，上菜有禮，不過唔夠細心，好像我點咗加麵，要我問先知道要通知店員先會上（我同肥髀分享，所以要即刻上加麵）不過店員又有問我餃子要唔要辣油，我要求另上（因