曼谷車站

营业中

休息中

今日咁岩係九龍灣行街，但又唔熟路，就係open rice搵到呢間位於得寶商場既“曼谷車站”。餐廳外觀設計就真係一架火車咁，幾得意。叫左個飛天炒通菜，夠鑊氣，味道亦夠咸，睇到有唔少豆豉同辣椒碎，但食得辣既我就覺得可以再辣多少少，再惹味d啦～泰式炒金邊粉都好吸引，炒得岩岩好，唔會太乾，中意佢有d濕濕地咁。仲好足料，有唔少蝦、豆干、芽菜同蛋等等既材料。隔離有個青檸可以等大家因應自己喜好而“支”d檸檬汁調教酸度。炸蝦餅同樣出色，外脆內彈牙，蝦肉唔會冇味，配搭埋我最中意既泰式辣醬真係一流！青咖哩牛腩係今晚最驚喜既菜色，除左份量足，仲食到濃濃既椰汁混合青咖哩既味道，令入面既牛腩同泰國茄子好入味，而d牛腩都好鬆化，唔會好老。食到口渴就叫左杯珍多冰，本身以為平平無奇，點知飲到停唔到口椰汁味好濃郁，d粉唔會冇味，甜度剛剛好，唔會太淡。今日撞正有優惠，免加一，真係夠曬抵難得係九龍區搵到間性價比高又比較正宗既泰式餐廳，下次可以再黎試下其他菜色

呢排冇得去旅行，唯有食泰國菜就當去左泰國呢間泰國野都幾出名，不過位置比較隱蔽，入到商場要兜一陣先揾到，好彩沿路有水牌提示，都幾貼心沿路有水牌提示入餐廳前店員會幫手量體溫，確保食客冇發燒先比入～入餐廳前要店員量體溫餐廳裝修係好似一個車站咁，幾有趣全部枱都幾大張，而且枱同枱之間有足夠空間餐廳環境良好叫左半打串燒，入而牛、雞、豬各有兩串雞同豬都好多汁同埋燒得岩岩好，牛就有少少韌個沙嗲醬好好味，兩分鐘已經清左盤串燒（牛、雞、豬）呢個真係好好味！坐係餐廳都已經聽到廚房d炒野聲，呢碟上到黎勁有鑊氣佢係比出面嘅肉碎飯辣嘅，不過真係好惹味香葉肉碎煎蛋飯食泰菜一定要食烏頭～呢個烏頭肉質好肥美而且個冬蔭公湯底酸味適中，可以中和返個肉碎炒飯嘅辣我最中意係d菇，吸晒d湯汁，超正不過條烏頭打鱗唔夠乾淨，所以近魚腩會有d魚鱗，改善埋就完美～明爐烏頭魚（冬蔭功湯）飲品方面，真心推薦珍多冰，好濃椰奶味而且佢入面仲有好多芒果絲，真心驚喜！強烈推薦珍多冰呢間真心唔錯，就算一大班人去食都抵食！

因為之前自己電腦的問題要麻煩舊同事，所以約了他出來午餐，就選了在他公司附近但又保持一定距離的地方，以免遇上其他同事。去到九龍灣那商場，竟然會由地下至到一樓，沿途都有指示牌帶領到這間食店，絕對不會找不到，但其他店舖就沒有這樣的安排。餐廳面積算大，外圍裝飾成車站及列車的形式，午市時間人流頗多。待舊同事來到，我們就點了珍多冰($25)、芒果沙冰($28)、泰式青木瓜沙律($48)、炸蝦餅($58)、主食就有正宗泰式無骨海南雞飯($68)及濕炒海鮮河($65)。先來飲品，我要的珍多冰是較傳統的泰式飲品，椰奶味很香，味道不錯，而且對於不嗜辣的我可有解辣的作用。朋友的芒果沙冰據說味道都可以。泰式青木瓜沙律的青木瓜切成白色幼絲，配甘筍絲、青豆角、洋蔥及小蕃茄等，以生菜做底，加了辣椒絲及醋，那酸辣味道都幾開胃。炸蝦餅上圓下平，蝦膠尚算爽口，外面炸得香脆，配酸甜醬來吃也很合配。然後是主食，濕炒海鮮河有青口、蝦球及魷魚，配雜菌、珍珠筍、甘筍、西蘭花及芥蘭等來炒河粉，用了頗足，賣相不俗，不過略嫌獻汁多了些。正宗泰式無骨海南雞飯的雞件肉厚而嫩滑，有雞味，配齊黑醬油、辣醬及薑蓉，味道不錯，另跟油飯及清湯，都很對

約左老朋友見面緊係要食好野啦！得知九龍灣有間正宗泰國菜餐廳，就專程收工黎到試下啦！門面以泰國車站為主題，真係好泰國風；而家優惠期間仲免收加一服務費啊！餐廳內更以火車車卡既環境為主落單係自己手寫，每樣食物都有自己既No.跟返號碼寫返就得啦⋯⋯方便快捷我地一行二人，叫左五款野食，因為樣樣都好想食已經忍忍手無叫咁多啦先黎個「泰式馬拉盞炒椰菜苗」$59兩人食份量岩岩好，炒得有鍋氣，小小辣，椰菜苗爽口清甜串燒（豬牛雞）$68/半打串燒既靈魂就在於個醬好唔好食，好在都無令我失望，係泰國既味道呀！非常有泰國風味！串燒肉質燒得岩岩好，唔會燒得好乾柴，熱騰騰上台架係香港食泰國野點少得「炸蝦餅」$58係我既至愛，蝦餅炸得金金黃黃有蝦味，點埋甜醬不得了！「冬蔭功炒飯」$68微辣冬蔭功如果再放多d就好啦！我個人比較重口味飯質應該再硬多點爽身d會更佳！「乾咖哩炒豬頸肉」$78超級足料，一碟有好多豬頸肉，我同朋友一邊食一邊講：點解食極都仲有微辣-豬頸肉入哂味好香口，豬頸肉爽口唔痴牙！「珍多冰」$25對我黎講太甜了，但佢入面綠色一條條個d好好食呀！椰汁無飲哂都要食哂入面d綠色條條！兩個人食5款菜，都係三百幾蚊，真係