老厝邊

营业中

休息中

今日嚟到大角咀搵食，原來大角咀呢頭都勁多嘢食。我有啲想念台灣🇹🇼，所以就揀咗間台式風味餐廳食飯🍴一入到餐廳，啲裝修好有台灣懷舊嘅味道，好有特色👍🏻💕經典滷味大拼盤🥘🧡🥢呢一個滷味拼盤包括有😍豬耳、豬大腸、豆乾、海帶同滷水蛋🥚呢個拼盤組合勁豐富✨每款都滷得入味，而唔會過分鹹，帶有滷水香，份量充足，大大份，正👍🏻起司肉鬆蛋餅🧀🫔呢一個蛋餅🧀芝士拉絲煙靭好食🤩餡料、肉鬆份量充足，點埋嗰醬食🍯甜甜地都唔錯✌🏻🍬台式炸醬麵🍜🥒呢一個台式炸醬麵炸醬香濃🥢份量都好夠，加埋青瓜絲撈埋一齊食🍲有炸醬味道之餘，仲有青瓜嘅爽脆😚經典珍珠奶茶🧋✨🍡去到台灣必須飲珍珠奶茶😍呢間茶味香濃，珍珠煙韌，甜味適中😊而且包裝都十分有台灣懷舊嘅味道🧋滋補藥燉排骨湯🥣☺️呢一個排骨湯，我覺得好啱秋冬時候飲🍂鍾意藥膳味道嘅朋友，千祈唔好錯過💁🏻‍♀️呢一個湯藥膳味香濃，排骨亦都熬得入味，肉質都腍👍🏻一咬開就甩骨，飲完啖湯，都覺得好滋潤🍲

今日去咗奧運，唔想又幫襯大商場的連鎖店，唯有行多幾步去大角咀，揾小店支持下，而家餐廳無得做晚市，希望d本地小店頂得住💪💪由奧運站行過嚟大角咀都唔係好遠，行差不多10分鐘到，途中見到有幾間食店有條長龍，睇嚟要下次再嚟試。今次㨂咗係openrice 都有幾多like 的台灣餐廳試下。由於唔係太肚餓，就叫咗個肉鬆芝士蛋餅同珍珠奶茶。同之前d review 一樣，蛋餅必食😋 而個珍珠奶茶同出面專門店一樣，無伏。兩樣野加埋60蚊🤩

太耐沒有去旅行，想在香港找台灣的味道。於是在大角咀找到這間賣台灣美食的老厝邊。下午茶時間人流不算多，簡簡單單就搵到位。小店落單是以填紙仔形式，跟台灣早餐店的模式差不多。小店人氣之選:滷肉飯（小）滷肉飯食落沒有油膩感，肉噪的肉與脂肪比例適中，不會食一口就一口油。女生也不會太有罪惡感。整體的味道偏淡，而醬汁略嫌偏少，食到後面已沒有汁。起士肉鬆蛋餅蛋餅的份量偏少只有6件，但內層芝士夠熱可以拉絲，肉鬆也放了不少。其中醬油膏的味道加分，有台灣早餐店的味道。塔香鹽酥雞鹽酥雞的雞件塊塊都挺大件，而且外層炸得香脆內層肉嫩，雞肉食落不會覺得“柴”及油膩。但調味粉落太多偏咸。珍珠奶茶這杯珍奶沒有調整甜味及冰量的，但珍珠偏硬（喜歡偏軟身的珍珠），黑糖的甜味沒有，茶味太濃所以奶味被遮蓋飲落不明顯。感覺比起台式珍奶更像港式奶茶加珍珠。椰果蜂蜜檸檬味道普普通通很正常。整體：食物水平中等，環境舒服及地點就腳。雖然價錢不算最抵食，而且有部分菜式調整到香港人喜歡的口味，但間中去一去可以暫時一解無法去旅行的“鄉愁”。

又係一間長期排隊嘅舖頭，今日特登嚟大角嘴試下，等得唔算耐，因為餐廳都幾多位，大約10分鐘就可以入座。餐廳充滿台灣嘅味道，裝修令你好似置身台灣一樣。第一次你點都試吓佢嘅推介菜式，本來想試紅燒牛三寶麵，但係店員話牛筋賣晒，所以我哋叫咗眷村紅燒牛肉麵。牛肉只有三塊，湯底比較油，但係蘿蔔好入味，本來見到面條比較幼身，以為會好軟，點知都幾有咬口，唔錯。雖然我知道清湯牛肉麵係冇牛肉嘅，但係我估唔到同紅燒牛肉麵嘅湯底一樣，仲係一樣咁多油，所以有啲失望。另外一樣失望嘅菜式就係呢一個芋泥蛋餅，因為餐牌上面寫住超濃，所以我以為會好香芋頭味，但竟然係冇味嘅，就連芝士都冇乜味， 成個蛋餅嘅味道全靠醬汁。珍珠奶茶正常，茶味幾濃。

眷村紅燒三寶牛肉麵（牛筋，牛肚，牛肉）牛筋簡直係成碗面最強嘅精髓，賣點。佢嘅軟硬度比起啫喱仲要「林」，完全做到入口即溶嘅口感！牛肉（似乎係牛𦟌）：厚切本身已經令你覺得大件夾抵食，重點在於厚而不韌。 食落去咬唔到有痴牙難咬嘅地方，完全將湯汁汲汭，係可以大啖大啖開心食嘅牛肉麵😝牛肚我自己本人就唔鍾意食，但係朋友就好鍾意，所以評唔到太多。肉鬆起司蛋餅肉鬆再加芝士，其實呢兩個組合加埋基本上係唔會有任何難食嘅機會，再加上佢蛋餅嘅皮先得到 薄同埋香脆嘅程度，基本上冇得唔讚😂 廚師醒目在於有同事比多一個醬汁可以點嚟食，咁樣就冇咁dry。裏面嘅芝士都可以做到有少少拉絲嘅效果、算係小surprise 😂珍珠奶茶🥤少糖少冰應該對我哋就差唔多足夠。佢嘅珍珠值得一讚，煙韌有咬口之餘又唔會太膠。平視我唔多人到都飲得晒成杯👍🏻