樓下冰室

营业中

休息中

蕃茄湯餐肉通粉，瑞士汁雞翼等等都係茶餐廳常餐會有得食物，每間茶餐廳都有自己獨特的味道，今日我搵岩屬於自己的口味。樓下冰室有三間店，荃灣區就有兩間，今日我黎既分店係位於鰂魚涌英皇道967號，由我公司行過去大約10至15分鐘路程。餐廳係鰂魚涌A出口對面，位置相當顯眼。餐廳的裝修係80年代風格，有豉油西餐，歌舞廳等等的牌子，幾有氣氛。落單方式與時代前行，用QR code落單，有些食客手機接收信號唔太好，職員都好樂意幫忙落單，非常加分👍呢間餐廳主打蕃茄湯，瑞士汁雞翼同雞脾。這兩種食物都係我的至愛，所以今日叫晒黎食，非常大滿足😋蕃茄湯通粉，跟炒蛋同雞脾$59雞脾單點一隻要$32呢個餐可以食到兩個招牌菜，非常化算瑞士汁雞脾一上檯我已經流晒口水，因為瑞士汁加左桂皮同八角，散發出既香味，真係好吸引雞脾好大隻，非常完整肉質鮮嫰唔乾，點埋瑞士汁係非常美味😋蕃茄湯通粉顏色係淺紅色滿舖蕃茄肉由於湯底用豬骨，雞骨同蕃茄煲所以非常濃通粉一粒粒，煮得非常完整通粉同蕃茄湯係絕配索晒湯汁一啖粉一啖湯下午茶時間到6點半我叫左瑞士汁雞翼跟沙律飲凍奶茶$42沙律用杯裝，非常乾淨衛生有粟米，雜果，茶餐廳沙律瑞士汁雞翼肉質好嫰用

呢排比較喜歡去冰室食飯，一來冰室價錢比較大眾化，二來香港嘅冰室質素越嚟越高，中復嘅機會較低， 而且各有各特色。今日就係鰂魚涌食咗一間叫““樓下冰室““食午飯，冰室主打食蕃茄湯通粉 。我就叫咗一個炒滑蛋蕃茄通配瑞士汁雞脾餐 $55。先講個蕃茄湯， 有滿滿嘅蕃茄味 ，酸度啱啱好，同螺絲粉十分配合 。蕃茄湯令十分開胃，就算食曬成碗都唔會覺得好滯好頂肚。 如果覺得太酸嘅話，曬少少鹽就可以中和返。炒滑蛋都做得好出色，仍然有蛋汁又熱辣辣 。之後到隻瑞士雞髀。 雞髀洪厚多肉，用足火候去煮 ，用叉一吉，已經感受到雞脾嘅鬆軟嫩滑 。個瑞士汁亦整得非常突出， 好多時瑞士汁好容易整到好甜，呢一個汁就啱啱好 。我仲特登將雞髀切到一少份一少分，咁樣就可以沾滿多啲汁。除咗蕃茄通之外，冰室亦有六大特別推介，例如煎雙蛋豬扒飯等等。希望下次試埋其他，再同大家報告。