樓下冰室

营业中

休息中

呢排比较喜欢去冰室食饭，一来冰室价钱比较大众化，二来香港嘅冰室质素越嚟越高，中复嘅机会较低， 而且各有各特色。今日就系鲗鱼涌食咗一间叫““楼下冰室““食午饭，冰室主打食蕃茄汤通粉 。我就叫咗一个炒滑蛋蕃茄通配瑞士汁鸡脾餐 $55。先讲个蕃茄汤， 有满满嘅蕃茄味 ，酸度啱啱好，同螺丝粉十分配合 。蕃茄汤令十分开胃，就算食晒成碗都唔会觉得好滞好顶肚。 如果觉得太酸嘅话，晒少少盐就可以中和返。炒滑蛋都做得好出色，仍然有蛋汁又热辣辣 。之后到只瑞士鸡髀。 鸡髀洪厚多肉，用足火候去煮 ，用叉一吉，已经感受到鸡脾嘅松软嫩滑 。个瑞士汁亦整得非常突出， 好多时瑞士汁好容易整到好甜，呢一个汁就啱啱好 。我仲特登将鸡髀切到一少份一少分，咁样就可以沾满多啲汁。除咗蕃茄通之外，冰室亦有六大特别推介，例如煎双蛋猪扒饭等等。希望下次试埋其他，再同大家报告。