蒸廬 (已結業)

平時食點心起碼一枱人先可以叫多幾款，依家一個人都唔洗怕😎仲要$60就食到8款唔同點心，本身諗住咁平肯定好細份，我仲單叫多碟點心，點知最後飽到個肚突哂出黎😂1.蒸廬拼美點 $608款點心包括：蟹籽燒賣、蝦餃、抹茶叉燒包、菜苗餃、粉果、馬拉糕、馬蹄糕同薑汁糕。特別推介抹茶叉燒包，抹茶味夠濃又同叉燒餡冇違和感，馬拉糕空氣感滿滿超鬆軟。每件點心都係標準size食完真係超級飽😂2.蒜香鮮蝦春卷 $27必食😍😍😍就算我食完個拼盤咁飽既情況下，都係忍唔住要食哂啲春卷，即炸就唔洗講，春卷皮薄脆，重點入面嘅蒜蝦超彈牙好好食😍3.瑤柱蝦米煎腸粉 $30腸粉外層煎得夠乾身，內層又keep到夠滑，鍾意葱嘅朋友就啱晒，但蝦米就唔係好夠喇🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍蒸廬 (紅磡)紅磡船澳街99F號黃埔新邨佳富樓地舖

黃埔分店比石門本店大一倍有多，座位闊啲，坐都舒服啲。落單用QR code非常方便，點心係現場點心師傅製作，所以落單之後要等一陣，食落好似真係同石門店有分別。最重要係！如果想食黑金流沙包，就要星期五六日先有啦。*酥脆炸鮮奶 $32新鮮炸出嚟，炸鮮奶外面有層白麵包包住，炸到非常酥脆，同時都非常吸油。入面嘅鮮奶軟滑，但係好重假奶嘅奶粉味。瑤柱蝦米煎腸粉 (特) $30腸粉煎到金黃脆脆地，入面又唔會太乾，可惜瑤柱蝦米量少，腸粉米香亦好淡。雲石芝麻包 (大) $26雲石包唔算大個，雲石紋非常淡，甚至唔似雲石紋。雲石包本身鬆軟，可惜入面嘅芝麻餡似花生餡，芝麻味非常薄弱，味道好奇怪，有啲張口。晶瑩蝦餃皇 (頂) $34每粒蝦餃都好飽滿，摺紋平均又整齊，可惜蝦餃黐住咗，扯開啲蝦餃嘅皮會爛。蝦餃皮煙韌唔黐口，餡料有一隻多啲嘅蝦，仲有少少豬肉，鮮味十足。養生薑汁糕 (中) $22紅棗薑汁一層層交疊，煙違軟糯，用筷子絕對夾唔開。薑汁唔會太過辛辣，而且唔會過甜。蟹籽燒賣皇 (特) $30燒賣同樣大粒飽滿，燒賣皮薄，餡料有少少蝦粒，豬肉為主，帶少少瘦豬肉嘅咬口，食落唔會覺得肥膩，合適我口味。蒜香菜心牛仔骨蒸飯

『蒸廬』食點心要好食已經可貴，要好食又要有良心就更難能可貴。紅磡 蒸廬 係佢哋第一間分店，今日星期日中午1點去到，門口都唔少人第緊外賣。門口有自動取票機，等咗5分鐘就入得喇。坐位唔算好多，舖位係L字形，望入廚房見到都幾多後生仔👍🏻👍🏻加油年青人！呢度主打手工即製點心、原盅燉湯同埋荷葉蒸飯。一輪狂點猛剔，2個人叫咗10樣嘢，眼闊肚窄，食到最後真係好辛苦😂見到台台都有嗌燉湯，就嗌咗呢一款花膠蟲草花栗子燉土雞湯試吓。湯料幾多，飲落幾清應該冇加味精，而且少油，抵讚。不過我搵嚟搵去都唔見有花膠，但有些少螺片。春卷入口好香蒜味，個皮夠薄同脆。蝦餃大大粒，熱辣辣。皮薄，蝦肉爽口新鮮又大隻，抵食啊。燒賣上枱時我同男朋友都嘩左聲，真係粒粒都好肥仔飽滿，蝦肉豬肉比例都唔錯，又係抵食必嗌！煎蝦米腸食落香口，附上麻醬甜醬同自家調製嘅豉油，邪惡之選！菜苗餃亦係我飲茶必嗌嘅點心。翠綠嘅菜苗帶自然甜味，配埋爽口蝦仁，煙韌嘅餃皮，值得試下啊。鳳爪已經係一咬就脫骨，醬汁入味，都唔錯。牛柏葉唔醒，底下墊左豆卜，清清地都幾好食，不過我覺得牛柏葉都係配蠔油或者沙爹汁好食啲🥴其實仲嗌左上湯娃娃菜同埋鮮竹卷，但係實在太飽喇，最後