島中坊研

营业中

休息中

喺大街見到呢張相嘅大banner好吸引！下午茶就入咗餐廳叫呢個拼盤分別揀咗tiramisu、布丁燒、曲奇雪糕、new york cheese cake首先當然食雪糕，唔知點解佢係少少紫色但味道都係一樣，好有心思加咗少少朱古力醬同脆片tiramisu大大杯好正，酒味重，手指餅浸得夠淋布丁燒就遜色啲，比較淡味唔夠香最後cheese cake 質感好實淨，芝士味濃，餅底夠厚夠脆

對上一次去長洲已經係3年前啦，估唔到今次去到多咗咁多cafe🤩今次介紹日系小清新風嘅島中坊研，下午茶時間去到店內都已經爆滿，夏日炎炎嘅天氣好適合同朋友chill吓🌴 店舖食物主要以輕食為主，選擇都好多，例如有沙律、奄列、牛角包同飛碟套餐。佢哋都好貼心為大食嘅朋友提供出前一丁/通心粉/白飯(另外+$12)，完全唔洗擔心唔夠飽😆😆 甜品方面有個勁抵食嘅甜品拼盤，一set有4款甜品仲可以自己揀😍Tiramisu好creamy，咖啡酒味好濃郁；焦糖吉士布丁口感滑溜蛋味濃，加上唔會死甜嘅焦糖十分之match；雪糕啖啖清新玄米茶味；蛋糕卷嘅焙茶味唔算出色，但係加埋中間舊豆腐就令到件roll cake好有層次😋整體個甜品拼盤cp值都算高，非常值得一試！🤤 飲品方面就揀咗佢哋嘅自家製糖漬梳打，比起一般嘅糖漿健康，唔會太甜又夠哂fresh，味道啱啱好，用嚟消暑一流~😎

難得黎到長洲, 梗係要去長期都有人排隊既人氣餐廳, 啦不過早到既我 (約1點前到達), 好彩只係要等2張檯姐拎左飛再等叫號都係10分鐘度, 今次我地被安排坐係室外, 位置寛敞. 不過近門口既櫈就真係要小心地下既木板層.餐廳主要賣窩夫, 牛角包, 沙律, All day breakfast, 日式便當, 甜品同飲品. 見咁多人讚佢地既甜品, 就點左個"甜品拼盤" share 黎食, 主餐反而就冇叫啦.一上檯就即刻打卡先我地揀左 1/ 提拉米蘇 Tiramisu:面頭滿滿既朱古力粉, 再加上甜酒同芝士, 口感幼滑.2/ 焦糖吉士布丁:個人覺得布丁中規中矩, 質感唔夠日本既布丁咁滑.有蛋味, 但驚喜不大.3/ 玄米茶雪糕:真係幾好食, 夾埋杏仁片, 茶味+果仁, 好正4/ 是日蛋糕 - 焙茶豆腐蛋糕卷:焙茶味重, 令到整體食落去唔會過甜, 恰到好處總結: 有時間真係要黎餐廳Chill 下, 甜品好食, 坐位又唔壓迫, 簡直幫成個人叉充電呀!

長洲島上一角嘅小店，有室內外位置，室內係柔和嘅木系佈置🍁幾乎每枱都會出現一個好豐富嘅甜品拼盤，單睇4款糕點係同一個木盤入面，已經幸福感滿滿😍靚到都唔捨得食。黎長洲嘅話，一定唔可以錯過依一站‼️—— 甜品拼盤 $128你冇睇錯！真係$128就可以食到4款甜品，仲要每款都好好食👍🏻今次揀左：Tiramisu、焦糖布丁、豆腐雪糕同焙茶芝士蛋糕。最鐘意tiramisu，內層滲滿甜酒柔香味；焙茶芝士蛋糕茶味好出，食第一啖就好有驚喜! 焦糖布丁唔只滑，焦糖入面嘅甜味同苦澀好balance!—— 奄列+奶油多士 $48諗住奄列都係會正常發揮啦，點知都整到好好食!!奄列皮煎到超薄，有八款配料，揀咗粟米同鹹牛肉實冇輸嘅配搭，入面啲蛋漿仲有啲流心真係好正🤩—— 糖漬草莓牛奶連雪糕 $54—— 糖漬草莓朱古力 $48—— 抹茶鮮奶 $44千祈唔好放過佢啲飲品‼️‼️好飲到就算唔食甜品都可以嚟飲番杯，特別鍾意草莓牛奶，奶味超超超濃厚，撈埋士多啤梨味(唔係人工糖漿味!!) 真係好清甜😍🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍島中坊研 (長洲)長洲中學路16號地下

長洲開了很多間Cafe，說真的其實很多間的裝修不外乎日系或充滿植物，假日長洲的人流，其實比市區更可怕，山長水遠來到長洲，當然想吃點好吃的。我們點了：超吸引的甜品拼盤$128：𝗧𝗶𝗿𝗮𝗺𝗶𝘀𝘂做了幾層，中間浸了香濃咖啡的𝗹𝗮𝗱𝘆 𝗳𝗶𝗻𝗴𝗲𝗿𝘀中和了creamy的味道豆腐芝士蛋糕卷是我的best pick！ 豆腐味很香濃幼滑，味道淡淡的，中間的cream好多好好味，還有一層似豆腐口感的奶凍。豆腐雪糕，加了杏仁之類的配料很好吃又清新焦糖吉士布甸，動L的樣子超可愛，因為我們選了兩款淡味兩款濃味，所以食起來個甜度剛剛好！all day Breakfast $95炒蛋、粟米、煙三文魚、煙肉、牛角包、香草腸和沙律菜，沙律菜配黑醋，我最欣賞的是牛角包配煉奶士多啤梨果醬吃。飲品點了兩款超清新的：糖漬草莓梳打$40柚子檸檬梳打$36這間餐廳一樣有假日人潮，大熱天時等位等了20至25分鐘，餐廳坐滿了人，完全沒有休閒的感覺。雖然也是吃all day Breakfast之類的西餐，幸好餐牌上的價錢合理，而且有牛角包、窩夫之類的選擇，飲品Menu都很吸引。

路過見到好吸引眼球，少女心爆發決定排隊一試🙈甜品拼盤有好多唔同選擇，十分豐富😍 tiramisu好幼滑，酒味好濃👍焦糖布甸唔會太甜，玄米茶雪糕一定要試！淡淡嘅茶香好好食😋窩夫就一般了，好薄身好似食餅咁🫢咖啡同梳打唔錯！會再黎試埋其他甜品🤭

寫意Cafe~必食芝士蛋糕～每次嚟都頗多人(´▽｀)🔸甜品拼盤 $128拼盤一共有三款甜品+雪糕( ̀⌄ ́)仲可以自選款式~(Tiramisu or 咖啡凍)二選一(焦糖吉士布丁 or 布丁燒 or 伯爵茶焦糖燉蛋)三選一+是日蛋糕(焙茶蛋糕卷)+一球雪糕我揀了Tiramisu+ 焦糖吉士布丁+ 焙茶蛋糕卷+綠茶雪糕Tiamisu好濕潤香滑 有咖啡酒香 焦糖吉士布甸好滑 重奶香( ̀⌄ ́)焙茶蛋糕卷 茶味濃郁 卷蛋鬆軟三款甜品都好好味(˶‾᷄ ⁻̫ ‾᷅˵)🔸焙茶芝士蛋糕 $45焙茶味濃郁 唔會過甜芝士味亦好重 超足料( ̀⌄ ́)口感外面較實 內裏偏軟心有點像巴斯克蛋糕的感覺♪(´ε｀ )必食(⁎⁍̴̛ᴗ⁍̴̛⁎)🔸自家製比利時列日窩夫 $48有原味同朱古力味選擇我揀了原味( ̀⌄ ́)配朱古力醬配上香蕉+忌廉+雲呢拿雪糕窩夫缺蛋香 比較失望(｡ ́︿ ̀｡)食咗一件已經冇食了🔸All Day Breakfast $95(牛角包,香草豬肉腸,煙三文魚,滑蛋,牛油粟米,煙肉同沙律)配煉奶+士多啤梨醬+沙律醋(分開上好貼心( ̀⌄ ́))份量十足 大大份( ̀⌄ ́)牛角包好香脆 香草豬肉腸比想像中好食因為我平時不太喜歡食白

🍽 甜品拼盤💰$118🌟8.5/10➰入面有 提拉米蘇🍰焦糖吉士布丁🍮玄米茶雪糕🍨焙茶芝士蛋糕🧁🍰提拉米蘇好普通🍮焦糖吉士布丁幾滑有微微蛋香🍨玄米茶雪糕好出色 有驚喜！第一次食呢隻味嘅雪糕好特別好香玄米茶味🤤鍾意！🧁焙茶芝士蛋糕個人覺得唔錯 但食多兩啖有少少膩🍽 自製比利時列日窩夫(配一球自選口味雪糕)💰$42🌟7.5/10➰窩夫🧇有兩隻味原味同朱古力味🍫原味好普通比較之下朱古力出色好多層次豐富啲同埋口感脆啲...呢間小店有分室內室外座位 冬天坐出面應該好chill 不過夏天就點都要等室內嘅位😂————————————————🏋🏻‍♀️🗣戒咗一排糖 食返啲甜嘢都食唔到好多 不過都係好事嚟😚-抵食指數：🌕🌕🌕🌑🌑食物：🌕🌕🌕🌗🌑環境：🌕🌕🌕🌑🌑邪惡指數：🌕🌕🌕🌕🌕-📍長洲中學路16號地下-💰人均消費：$50-$100

首先介紹既係✨島中坊研✨長洲熱門打卡餐廳 平日三點幾去食都要等大約一個鐘🕞建議一去到長洲拎完飛 去附近行下影下相先📷✨野食方面叫左甜品拼盤、奄列套餐同埋自家製比利時列日窩夫😋😋✨甜品拼盤 Dessert Platter ($118)❕Tiramisu: 比較重酒味 質地滑 ❕焦糖吉士布甸: 布丁吾會好甜 香口又滑🍮❕玄米茶雪糕: 茶味不太突出 淡淡的❕焙茶芝士蛋糕: 本身好期待呢個蛋糕 食落冇咩茶味 太重芝士味 有少少失望🥲✨奄列套餐 Omelet set ($46)❕多士整得好脆 好香口 奄列就簡左火腿同蘑菇餡 味道就一般般 平時茶餐廳可以食到既味✨自家製比利時列日窩夫 Homemade Liege Waffle ($45)❕Mix左原味同朱古力味 原味比較香口 朱古力有少少燒燶咗嘅味道 而且Waffle有少少淋🙁整體嚟講餐廳環境乾淨舒服 野食方面我最鍾意吉士布甸同埋tiramisu💛下次會再去多一次 希望會有不一樣的體驗～

 　　已經數年沒有踏足長洲🏝，難得有空平日和兩位舊同學ℎ𝑒𝑎遊長洲，當然要到近年網上話題度很高的𝑐𝑎𝑓𝑒☕️𝑐ℎ𝑖𝑙𝑙 一𝑐ℎ𝑖𝑙𝑙☺️　　它位置不大，室內及室外均有座位🪑，唯室內只有三、四檯（室外有六檯），若然要繁忙時間想等室內的座位，就有機會要等到地老天荒🤣🤣（例如運氣不佳的我🙈　　但小店氣氛不錯，店員皆年輕有活力，食物也有水準，有等待的價值😌大家到長洲郊遊時不妨到訪這家𝑐𝑎𝑓𝑒吃個午餐🥗再繼續行程。.◇甜品拼盤◇$118𝑇𝑖𝑟𝑎𝑚𝑖𝑠𝑢+焦糖吉士布丁+草莓雪糕🍧+ 焙茶豆腐蛋卷。覺得🍵焙茶豆腐芝士蛋卷最好吃😋它厚切而且超大一卷😶😶口感和味道都無可挑剔✅裏面的焙茶味𝑚𝑜𝑢𝑠𝑠𝑒和豆腐芝士凍是完美的配搭💯🍮布丁香濃細滑，蛋香突出，味道偏甜。𝑇𝑖𝑟𝑎𝑚𝑖𝑠𝑢就比較普通，質感乾了些🧐咖啡味和酒味也不太明顯，希望可以改良一下🙈但份量就真的很慷慨😌超大杯～✨.◇𝐴𝑙𝑙 𝐷𝑎𝑦 𝐵𝑟𝑒𝑎𝑘𝑓𝑎𝑠𝑡◇$92賣相很吸引☺️看到繽紛的色彩就很開胃🥗食物種類很豐富～性價比可以說是不錯👌🏻雖然沒有拍到🙈但其實還有兩片厚厚的煙三文魚🐟牛角包🥐口感特別，比起一般的更加脆❣️中間切開有經烘過，有點像餅乾的口感😆配上草

某個星期六嘅晏晝去食，walk-in 要等位但係都唔係等咗好耐。戶外嘅位比較涼爽～ 同同行友人嗌咗兩份甜品拼盤。布丁係我每次黎都必嗌嘅，懶得自己喺屋企整，佢哋又整得軟軟滑滑；tiramisu都好味，鍾意佢個層次感；佢哋嘅是日蛋糕我通常都麻麻地，覺得佢哋出嘅蛋糕質地偏實，唔係我鍾意嘅鬆軟類型，但同行嘅有人就話佢哋嘅朱古力香蕉蛋糕做得好出色，仲特登買多咗一個送俾朋友；令人驚喜嘅係海鹽雪糕，鹹鹹甜甜咁好清爽，love it ~基本上係每一次去長洲都會去嘅餐廳。

🍳沙律蛋三文魚牛角包套餐🥐$40+$4 （8.5/10）⁣牛頭包脆脆地帶微微牛油香🥐⁣佢地個沙律蛋超好味🥰！蛋超多連埋sauce勁爆creamy🥸加埋三文魚嘅鹹香 ，超正超夾！⁣⁣🍧甜品拼盤$118 ⁣依個真係一次過滿足晒4個願望😆食完超開心❤️⁣1.🍵綠茶雪糕（7.5/10）⁣食落好creamy的，唔會好甜但唔濃茶味～⁣⁣2.🍮焦糖吉士布丁（8/10）⁣布丁食落有雞蛋香同少少雲呢拿味🖤質地幾軟滑～⁣焦糖唔會好甜，但少少overcook左，食到少少苦味！🖖🏻⁣⁣3.☕️提拉米蘇（8/10）⁣Tiramisu整體所有野都好balance！食到有酒香而且甜度、Mascarpone cheese同手指餅比例都岩岩好😆⁣⁣4.🍌是日蛋糕—朱古力香蕉卷蛋（8.5/10）⁣蛋糕質地好厚實而且好濕潤🤩⁣蛋糕連埋入面嘅朱古力cream食🍫，好濃朱古力味🥰再加埋甜甜嘅香蕉，依個好好味呢💛⁣⁣

去咗幾次長洲，因為太多人等位都冇去食到，今次平日入嚟，見小人啲就去咗等位，不過都要等咗半個鐘。今次叫咗甜品拼盤，同鹹牛肉芝士奄列配奶油多士。甜品拼盤分別有Tiramisu，士多啤梨奶凍卷蛋，玄米茶雪糕，伯爵茶焦糖燉蛋。Tiramisu嘅咖啡味同酒味分配都岩岩好，而伯爵茶焦糖燉蛋嘅茶味非常香濃。玄米茶雪糕亦都較特別，平時通常都係食到綠茶同焙茶，玄米茶味道較為清新。至於士多啤梨卷蛋略為失色，士多啤梨味較淡，海綿卷蛋嘅質感亦都不鬆軟。但都係性價比高，四個甜品都係$118。至於鹹牛肉芝士奄列配奶油多士真係好好味，煎得啱啱好，芝士味鹹香，而餡料亦都非常多。奄列有八款了可供選擇，另外，多士都可轉牛角包或法包。總括來說，性價比高!

🍰ᴅᴇssᴇʀᴛ· 甜品拼盤 $118﹟依個拼盤就西利啦, 可以一次食四款唔同既甜品, 唔叫都對唔住自己啦🤣同朋友分別叫左2個拼盤, 大家都簡左tiramisu, 伯爵茶焦糖燉蛋, 豆腐雪糕, 唯一不同係個蛋卷🙊﹟Tiramisu咖啡味同酒味都取得平衡, 但如果口感再幼滑啲會更好☺️燉蛋既earl grey味都夠出同埋食落都creamy😛豆腐味雪糕都夠味, 唔會淡茂茂🍦2款蛋卷都好高質‼️都係好鬆軟, 濕潤度啱啱好, 中間仲有奶凍, 增更口感層次😍焙茶味就當然好味道, 但個人認為士多啤梨果款更有驚喜, 中間酸酸地既乳酪奶凍同草莓嘅甜味balance得很好👍唔會一味死甜🙆🏻‍♀️🥤ᴅʀɪɴᴋ· 糖漬草莓梳打 $36🥤ᴅʀɪɴᴋ· 特濃朱古力 $34﹟杯士多啤梨梳打賣相有層次, 幾igable🥰飲落好岩我口味,自家製嘅底層sugaring唔會過份甜, 整體酸酸甜甜帶點草莓香味🍓仲會比埋剩低嘅樽裝梳打水俾你refill🙊而另外果杯朱古力就勝在夠邪惡, 味道正正常常🤣