島中坊研

营业中

休息中

專程去到長洲, 指定要來試的餐廳, 味道唔錯, 下次再來就要試下甜品 食物 : All Day Breakfast $108 ~ 色彩繽紛的全日早餐, 味道唔錯, 食完好飽好滿足, 而且包飲品, 整體都算唔錯 自選薄餅 $78~ 自選三款配料, 當然選最喜歡的煙三文魚/蟹柳/辣肉腸, 因為是即刻焗, 而且有很多單, 所以等咗20分鐘以上, 好在味道都唔錯, 等都是值得的, 而且配有沙律及飲品, 唔錯 環境 : 小店舖面比較細, 可以選擇坐戶外, 木系裝修, 乾淨舒服 服務 : 職員有禮貌 價錢 : HK$186

考完midterm終於有時間放鬆一下，同學們齊齊出發去長洲行街放鬆。行到攰攰地，見到間好靚嘅cafe，一行五六人就話不如入去飲杯嘢坐低抖下。呢間cafe裝潢簡約舒服，真係好啱休息。見到佢個menu真係好豐富，甜品、咖啡、麵食應有盡有，我哋睇到口水直流。最後叫咗個甜品拼盤，真係好多嘢食，包括tiramisu、布甸等等。啲甜品唔係淨係得個樣，真係幾好食，大家都食到好開心。tiramisu鬆軟香甜，布甸滑溜入口即化，仲有其他各式各樣嘅甜品，齊齊分享，好滿足！坐喺cafe入面，大家一邊食甜品一邊吹水，分享呢段時間嘅點滴，真係好開心。有得好嘢食又有得傾偈，真係一個完美嘅下午。等不及下次再同朋友一齊出嚟玩，希望下一次仲有咁好嘅發現！

上一次去長洲都有食呢間,今次就試埋佢嘅甜品🍮餐廳嘅裝修係木系文青風為主,平日下午都全full🙌🏻🔸椒香封門柳拌烏冬 $80烏冬有3款醬汁選擇有湯,芝麻醬同花椒汁🤗就揀咗芝麻醬,芝麻味都好濃郁撈烏冬岩哂🥰而烏冬配料有粟米,青瓜,魚榚,蟹柳,溏心蛋同車厘茄🥒🌽可惜係牛肉較老有點難咬但整體都好夾同清新!!🔸All day breakfast $98包括有煙三文魚,炒蛋,粟米,煙肉,牛角包豬肉腸同沙律🥗所有食物質素都正正常常~特別一提牛角包係超脆牛油味都頗重🥐🔸自家製比利時列日窩夫🧇 $52大推窩夫!!分別有朱古力同原味可以自行選擇👅窩夫係即叫即整,表面好脆蛋味都幾濃🤤而糖漿揀咗焦糖都好夾!! 雪糕就係曲奇🍪🔸開心果泡芺 $20泡芺係菠蘿皮泡芙會有點微脆🤭中間開心果醬超爆多係爆漿要小心啲食🤲🏻開心果冇想像中咁濃,開心果控可能少失望但勝在係甜度剛好🎈🔸凍鮮奶焙茶 +$28真心有點失望,焙茶味都淡接近係0🥲🤤好味度 : 8/10 🔙回頭率 : 7/10

餐廳室內座位唔算好多，當日大概下午一點黎到，等左大概五分鐘就可以坐入室內，呢個天氣如果坐外面真係太熱了。奄列套餐可以自選兩個配料，本身係跟奶油多士，我加左$11要牛角包。奄列配料揀咗芝士同煙肉，一切開個奄列啲芝士係拉絲，煙肉大大片，好好食，好滿足，牛角包都有烘一烘，脆脆地。👍👍椒香封門牛柳伴烏冬好香黑椒味，牛肉都燒得幾香，烏冬就正常。兩個餐都有包飲品，加$3飲凍的蜜桃紅茶，入面有一塊蜜桃喺入面。👍👍仲叫左個焦糖吉士布丁好香焦糖味，但唔會過甜，好食。大推佢的奄列好食。

睇openrice長洲吸引嘅甜品鋪真係好多。過左端午節平日到長洲一遊，食完lunch都忍唔住要搵間甜品鋪食下。呢間鋪頭平日室內都坐滿人，今日陰天所以坐係鋪頭出面都唔覺得熱，仲有少少海風吹過都幾舒服。叫左個焦糖脆脆豆腐蛋卷同自家制鬆餅(開心果)套餐包飲品。甜品一上就令人心心眼，豆腐蛋卷cream好新鮮，慢慢品嚐就食得出豆腐味，焦糖脆脆食落都覺得係即日整起。開心果鬆餅味道好濃厚，上面鋪左粒粒開心果，外脆內濕潤，再加上配左濃濃開心果芝士醬，$45連凍飲一杯性價比高，食落有驚喜，開心果控應該幾鍾意。

来了三次长洲终于有机会试下这家cafe menu选择还是比较多的 有简餐/brunch/甜品/饮品因为不太饿试了奄列套餐和推荐最多的豆腐蛋糕卷🥚奄列套餐很清淡 可以自选配菜 适合当个简餐🍰去的那天只有焦糖脆脆豆腐蛋糕卷 它家豆腐卷蛮特别的 不是豆腐的cream 而是最里面有一块豆腐慕斯 甜度适中 很清爽 配上饮品更美味了

喺大街見到呢張相嘅大banner好吸引！下午茶就入咗餐廳叫呢個拼盤分別揀咗tiramisu、布丁燒、曲奇雪糕、new york cheese cake首先當然食雪糕，唔知點解佢係少少紫色但味道都係一樣，好有心思加咗少少朱古力醬同脆片tiramisu大大杯好正，酒味重，手指餅浸得夠淋布丁燒就遜色啲，比較淡味唔夠香最後cheese cake 質感好實淨，芝士味濃，餅底夠厚夠脆

長洲越開越多文青日系cafe💖真係好chill好舒服～仲提供各類正餐同甜品🤤🍰焦糖脆脆豆腐蛋糕 $52純白色好夢幻～配合焦糖同奶蓋一齊食 真係好幸福💓裡面嘅豆腐充滿芝士嘅鹹香 真係好驚喜‼️如果蛋糕嘅質感再鬆軟啲就perfect🫶🏻🍳奄列套餐 $50 轉抹茶厚多士+$11原本係配普通多士但我哋做咗個非常正確嘅決定就係轉厚多士‼️抹茶味嘅多士再配合紅豆蓉唔會太甜太膩 簡直係配合得天衣無縫🤩奄列就偏薄 鹹鹹地幾好味😋但貪心的我希望可以再綿密啲🤣🧇自家製比利時列日窩夫 $52大大塊又有雪糕又有香蕉 真係好抵‼️窩夫口感偏向硬同脆同焦糖醬 雪糕 香蕉 cream一齊食簡直係天堂😍而且雪糕仲有好多口味可以揀有曲奇 豆腐 綠茶 玄米茶etc…選擇困難症嘅人真係唔知點算好🙈

我今日去左長洲行山，順道去位於長洲中學路16號地舖的島中坊研樹下店食餐，環境舒適。我點左滑蛋蒲燒鰻魚便當$82，餐飲係檸檬柚子茶（跟餐＋$3）。蒲燒鰻魚好味，檸檬柚子茶好飲。

本身一心想食甜品拼盤 最主要想食tiramisu同巴斯克蛋糕 點知兩點到 落完單 隔左一陣通知Tiramisu賣晒 所就轉散叫一件焙茶巴斯克蛋糕+ recommend 的自家製比利時窩夫 + iced Cappuccino 自家製比利時窩夫配豆腐雪糕 - 窩夫底可以揀原味或朱古力味 我哋揀咗各一 點知嚟到個窩夫質地好乾同好硬身 完全無蛋香味 無朱古力味，亦都無甜味 好似食緊麵粉咁 真係從來未食過咁既waffle 唔好話係香港 係比利時食過嘅窩夫都唔係咁 食左兩啖就真係食唔落去巴斯克蛋糕 - 合格正常既咖啡 - 夠香濃但餐牌唯獨呢個自家製比利時窩夫有寫Recommend 真係理解唔到 好失望

【長洲排長龍Cafe｜寫意休閒打卡下午茶🧇】🐨自家製比利時列日窩夫 $50推薦度：⭐️⭐️⭐️窩夫可以自己揀原味或朱古力味，小編當然兩款都試晒，係外面比較脆嘅款式，原味就食到蛋味但唔算好濃，朱古力味就加埋朱古力醬喺面令到口感層次同味道都有所提升，比較推介🫡.🐨All Day Breakfast $95推薦度：⭐️⭐️包含牛角包、豬肉腸、煙三文魚、炒蛋、粟米等，款式多份量豐富，但味道一般無驚喜...比較好嘅就係豬肉腸同埋煙肉都唔會好鹹～但呢個價錢係哩間餐廳我認為就唔值得試啦！.🐨自家製糖漬檸檬梳打 跟餐+26推薦度：⭐️⭐️⭐️⭐️⭐️糖漬都會配多一杯梳打水，所以其實係可以飲到大約兩至三杯～性價比高！糖漬甜甜地中和到檸檬嘅酸味加埋梳打水刺激喉嚨嘅感覺，清涼好飲👍🏻👍🏻.🐨自家製糖漬草莓梳打 跟餐+26推薦度：⭐️⭐️⭐️⭐️同糖漬檸檬梳打相若，由於所提供嘅士多啤梨唔算好酸，所以杯飲品比起檸檬梳打偏甜，都唔會有喧賓奪主嘅感覺，期望飲甜味嘅話就可以揀呢一杯啦！.⌫小編平日去排咗15分鐘就有位——☼——☼——☼——☼——☼——島中坊研 📍地址：長洲中學路16號地舖🐨推薦度：😋😋😋😋/5 💰人均價格：$100-150🪸環境

講到長洲，吾再系局限於大大粒魚蛋同芒果糯米糍，仲有甜品拼盤！食完已經飽到癲😂每人除番開先$70，咁抵得吾得㗎🤩✿ 甜品拼盤 $138有四個範疇，四個範疇入面都系各選一款甜品，同朋友揀咗提拉米蘇、伯爵茶焦糖燉蛋、玄米茶雪糕、是日蛋糕。⭐️提拉米蘇朱古力粉同咖啡味道濃厚🍫忌廉細滑🤍⭐️伯爵茶焦糖燉蛋吾系想像中戈個樣🫠不過味道都算彌補番賣相嘅不足，焦糖味香脆，焦糖燉蛋伯爵茶味ok，蛋味濃郁🥚⭐️玄米茶雪糕不俗，喺出面少食到💚⭐️焙茶burnt cheesecake真系好驚艷🤩啖啖都食到好出嘅焙茶味☕️芝士部分系好cheesy🧀最難得系食完又吾會好膩，絕對可以媲美其他cafe!

週末唸緊去邊度玩🤤，去到長洲又熱又曬🥵，所以搵咗間cafe 食吓甜品抖下🤣！最多人叫嘅甜品拼盤好啱打卡，又可以幾個人share 食！⭐️甜品拼盤 $128Tiramisu - 咖啡味濃，濕潤！焦糖吉士布甸 -正常發揮！綠茶雪糕🍵是日蛋糕：芝士豆腐蛋糕卷❤️呢個唔係日日都有，但係係最好食！蛋糕卷鬆軟綿綿，豆腐味本身就較清淡，但係依然食到豆腐嘅味道，加上芝士忌廉同焦糖脆脆，味道更豐富！⭐️自家製比利時列日窩夫 $48可以各選一件原味同朱古力味，即叫即整，熱辣辣🔥嘅窩夫好香蛋味，亦都鐘意上面嘅杏仁脆片，不過覺得窩夫可以再脆啲。呢個揀咗玄米茶雪糕，比綠荼雪糕更好食！🤤茶味更濃！

去長洲又點可以唔嚟「島中坊研 」🤩 唔止買手袋，食物亦一樣出色，睇得又食得！適逢每星期六都有甜品之夜，我哋當然唔會錯過宵夜時間😏🍰我揀咗 #焙茶芝士蛋糕 😋 有香濃嘅焙茶同芝士味，個人覺得好好味之餘，亦比我想像中大件，旁邊嗰舊Cream又唔會太膩。有朋友就叫咗 #紐約芝士蛋糕，都係好好食，Size亦比焙茶味大少少～🧇朋友們叫咗 #自家製比利時列日窩夫，餅底可以揀原味同朱古力味，同埋揀一款雪糕。窩夫好香好脆，朱古力味濃得嚟又唔會太甜，我下次都會叫呢個🤭🥞亦有朋友叫咗件自家製嘅開心果味鬆餅，配埋開心果味嘅芝士醬（Menu寫，但朋友話似綠茶味😹），佢話舊鬆餅做到外脆內軟嘅感覺，下次嚟都想試吓🤤另外仲有朋友叫咗 #雪糕心太軟，個人試咗一啖覺得朱古力味可以再濃啲，而玄米茶味嘅雪糕就好夠茶味☺️其實仲有好多款甜品想試，包括今次賣晒嘅蛋卷，同埋好適合打咭嘅甜品拼盤，所以一定會再嚟😹

每次到長洲都一定幫襯，每次都好多人等位，今次亦不例外由於今次一行十人，等了45分鐘才有位入座。叫了一個牛角包餐加出前一丁，牛角包非常鬆脆，一丁不知為何他們煮得比自己煮的好味。另外叫了甜品拼盤，可以試齊4款不同款型甜品，份外滿足！略嫌不妥的地方，係室外位有數隻烏蠅飛舞，相當滋擾！