船長意法日餐廳 (已結業)

都有一排冇食火鍋放題，元朗有一間唔算開咗好耐嘅火鍋放題店，次次經過都見到入邊滿座，見到價錢又唔算太貴，就一於試吓。餐廳內外餐廳嘅設計以左邊為座位，右邊就係自助區，位於位之間都冇隔板，所以一眼就望晒所有嘅座位，同一般食任食嘅餐廳設計格局有少許分別，建議可以加多少少排風口。食物選擇原來唔止食火鍋放題，佢係有晚市Menu，可以食普通晚餐，又或者雞煲放題，但我同女朋友就當然係食佢嘅火鍋放題啦，揀左$198可任食肥牛、豚肉及雞。自助區有前菜、炸物、數款熱食、火鍋配料區、甜品及飲品。前菜都係正路嘅中華沙律、螺肉等等，炸物有香芋球、炸蟹鉗，火鍋配料正路嘅都有超過10款丸類，有麵有響鈴等等，每款丸都試勻哂，當中有一款入面係年糕，幾特別。而甜品飲品數量款式都夠，唔少得有Häagen-Dazs雪糕任食。火鍋可選豚骨、番茄或麻辣湯底，或者加錢升級做花膠雞湯底、麻辣魚頭湯底等等，我哋就揀咗蕃茄湯，鍋底十分之大一煲，入邊亦足料，味道清甜，我就慣咗會再加南瓜落去一齊煮令湯底更加清甜。我哋揀咗$198為包任食美國肥牛、豚肉及雞。肥牛唔算肥，似牛肉片；臀肉就比較薄身；雞就係雞柳，由於蕃茄湯底夠濃郁，肉類都索汁，食落去

較早前經過見到船長意法日餐廳剛裝修完，夜晚改左做打邊爐，於是同老公黎試試。新裝修比以前光猛乾淨，座位舒適，而且甚有韓國燒肉餐廳感覺。我地揀左$178上級美國肥牛🐂，可以任食豚肉，雞肉同美國肥牛。湯底種類都有唔同口味，一般嘅皮蛋芫荽湯，麻辣湯，沙嗲湯當然唔少得，特別d嘅有豆乳湯，花膠雞湯同特級麻辣豬肚湯，最後我地揀左壽喜燒。落完order後，我地就出去睇下有咩好野食。熟食選擇都幾多，有湯，沙律，炸物（炸雞翼好食，脆卜卜的），豬手，雙菇西蘭花等等，其中豉椒炒蜆好有鑊氣，味濃但唔會太鹹，辣辣地好惹味。丸物，蔬菜同海鮮都可以自己夾。蔬菜好新鮮，粟米唔會乾爭爭。丸物除左常見嘅牛丸，魚蛋，墨魚丸之外，仲有新出嘅冬蔭功蝦球同薑心皮蛋貢丸，冬蔭功味道突出，唔會太辣，不過唔係好食得出係蝦丸。薑心皮蛋貢丸就好似食緊子薑皮蛋，有薑嘅香味但唔辣，好好食😋自助調味區飲品種類以汽水為主，亦可自己沖茶。唔駛五分鐘，返埋位已經發現湯底同所有嘅肉類已經到齊。頭四盤當然係好靚，預料之內。但冇諗過encore嘅都好正，雪花嘅紋路好靚，油脂分布非常之平均，輕輕燙一燙，入口嫩滑有牛味，唔洗點豉油已經好好味，質素相當有水準。豚肉