IS Café (已結業)

經濟唔好公司都叫我地得閒放下假，閒日最好就緊係去下啲閒日會平啲既地方，自助餐就係其中一個。我食完都急不及待同朋友share真係好抵食呀！原價$438，平日六五折，星期五六日同假期都有七折，再加原價加一，我平日去食埋單一人$330都唔使！咁話說朋友就問我疫情下點解咁勇去食buffet，我緊係醒目一早問左啦，呢度為保衛生，疫情期間不設自助，食環球美食用放題形式好嘆呀！好就好在佢幫你擺埋盤好靚，影相打卡一流，但唔好就係份量有機會多過自己想食既，所以大家最好拎少少試下份量先haha另外呢間Lis Cafe位置好多，我地有間private room岩晒傾密計！好，講下食物先。中式老火湯今日係蟲草花雞湯:冇味精 材料足 唔油膩 可按口味自行加鹽 冰鎮海鮮大蝦: 爽口 大隻 鮮甜阿拉斯加蟹腳: 有海水味 厚肉 沙律美國番茄水牛芝士陳年黑醋: 有我最愛既火箭菜墊底，好新鮮好夾，同落左少少岩鹽吊味Palma ham配密瓜: 比較乾身唔油，應是前腿部份，襯起多汁哈密瓜又ok，味道甘香。雜錦芝士拼盤: 芝士我冇咩研究，菜單寫雜錦芝士都冇特別講明。但個人好鐘意有香草鋪面果隻酸酸地既芝士，好開胃!風味小食香脆雞

之前喺一個訂位兼優惠券網站見到LIS CAFE 做緊特價，週末自助餐，買一位成人，送一位長者或小童。除番開都係每人$150，呢間酒店又新新地，未食過。即刻同老豆過去食先！我地真係少去南區，本司機過去都有少少難搵。車的入口喺條冷清的後街，門口仲有好多咪錶位，正～環境都好舒服，冷氣夠力，枱唔會放得好埋，活動空間夠，唔怕拎住啲食物時撞到人。我次次食自助餐都最鐘意食沙律，平時屋企唔會買，又可以食多啲菜。難得佢有雨衣甘藍，呢隻成日被人話係超級食物的菜，仲賣到好貴！有機會試下啦！食完都明白，太健康的食物都係唔太好食，不過唔關餐廳事的。其他沙律菜都好新鮮爽脆，有唔同的汁揀，食多啲都係咁正！熱食方面，選擇都幾多，樣樣食少少就岩岩好，味道也很不錯。食物太多，不能逐樣介紹。到女生最愛的甜品。雪櫃裡有十幾種唔同的蛋糕甜品，已經分開細細份，由服務員幫你夾，唔會好似出面的自助餐咁，撩到啲蛋糕好核突咁。總括來講，今次的自助餐體驗很不錯，老豆同我都食得好開心，兩個人$300埋單。原來食夠$300就有免費泊車。但提提大家，呢個自助餐平日係無的，只限週末～

暑假雖然仍要工作，但始終感覺上是悠閒一點，似乎有多一點心情出外走走。得知這個酒店的cafe有信用卡優惠，成人折了也是百六左右已能吃一個4小時的假日早午餐，沒有不吃的道理吧! 故帶家人來這裡試一試，看看百多完的Brunch有什麼好吃的!我們準時一家未到11時半已到達，餐廳也未正式開始用餐，只見侍應們忙著擺放食物，人也未算多；我們被安排坐在一個十分舒服的sofa位置，過不久職員亦表示自助餐已開始，我們也出去看看有什麼好吃的。基本人食物都是大路款式，最基本要有的都會有，如想有更矜貴的食物，這裡絕不是你杯茶，如給予更高的價錢，相信會有適合你的選擇。食物大概有前菜冷盤，如沙律菜，蕃茄粟米，芝士，凍肉類，冷麵；海鮮只有凍蝦和青口；刺生亦有數款提供如三文魚，吞拿魚，希靈魚等；熟食區選擇不太多，有一些炸物如薯玨，春卷，炸雞肉，蛋批等；熱盤有一些菜，魚肉，茄汁豆；不夠飽肚的亦有麵食和粥可提供，；另亦有麵包類和穀物類，適合要吃早餐的人；更有一些點心飽點選擇! 而我最重視的甜品區是在入門處，一排已顯然而見，但選擇亦不算太多，有點小失望。但其實cafe是次的假日brunch的賣點，是香港特式茶餐區，我知道有某

又嚟到香港仔附近開會, 要係呢頭揾個環境好又比較靜0既地方同客食飯, 首選當然係酒店餐廳。LIS Cafe 午市時段提供套餐包括自助沙律+甜品+主菜; 亦可以單選自助沙律+甜品; 天口咁熱其實無乜胃口, 加上目測沙律+甜品都有好多款, 所以就飛走主菜lu~ (始終就快到夏天, 女孩子要體重管理一下)沙律吧內的小驚喜是以上果款酸椰菜~ 係出面食0既大多數都係綠色菜加紅蘿蔔絲咁; 呢款係用咗紫色椰菜絲, 紫洋蔥, 紅蘿蔔絲; 仲有香蕉乾同埋提子乾. 酸酸地又甜甜地, 清新美味!最新奇是發現沙律配料當中竟然亞麻籽食0左2﹣3轉沙律吧後飽飽地，就開始食甜品～花多眼亂就係咁。。。到最後攞咗一小格Waffle加芝麻雪糕同埋芝士蛋糕~ 呢個午餐0既份量可以自己控制, 唔會浪費同時選擇亦頗多, 是一個不錯的選擇。

上個星期约左班識左好耐中學同學去LIS Café食buffet。到左餐廳門口已有staff招呼我地, staff都幾有禮貌… 一坐低己即刻出去buffet木台, 冷盤選擇都幾多(超過10款), 不過我比較鍾意mixed fruit salad, 生果同sauce好夾 !!雜錦壽司味道尚可, 刺身新鮮肥美 (三文魚,吞拿魚)熱盤選擇都多, 就試左西湯-南瓜湯, 南瓜蓉好夠 又試左咖哩雞 (有雜莱,羊等..), 咖哩夠辣 燒排骨好入味!!!!甜品好吸引我, 款款甜品都合我胃口… 試左黑森林蛋糕、熱情果蛋糕、蘆薈Jelly、焦糖Pudding!! 全部都好食, 又唔太甜。熱情果蛋糕sauce帶少少酸，食完再想食。蘆薈Jelly味道清新, 想食多杯，但已經好飽!!今餐Buffet我覺得值80分, 一定會推介比我朋友…..

見D食評都幾好, 第一次黎E度試下先~~ 去到見到D食物唔算太多款, 但有D食物食完都有D驚喜, 睇下我食左乜野先: 剌身: 一般,但切得唔夠厚身,無乜魚味, 但估唔到日式小食有帶子裙邊同中華沙律, 因為帶子裙邊出面批發價都比起螺肉/八爪魚貴, 所以好多酒店自助餐都只係選螺肉或者八爪魚, 個帶子裙邊都OK, 味道唔錯。 凍盤: 琵琶蝦-D肉質正常,OK收貨; 翡翠螺-食左幾隻, 無沙, 肉質味道OK, 最奇就係個隻隻尾部好乾淨, 但無理由佢地咁好心機隻隻都拎粒螺肉出黎切左個尾部,然後放埋入去掛, 蟹腳-好似好新鮮咁, 隻隻蟹腳D肉都痴住個殼, 肉質好結實, 唔鹹兼且味道幾鮮; 青口/熟蝦-無食。 即開生蠔: 超細隻, 但蠔肉飽滿, 好鮮味。 熟食 - 有豉椒炒聖子, 但可能炒得過火少少,有D韌, 但味道都OK, 牛扒-無食, 因為當時已經飽飽地, 其它熱盤都OK, 但款式唔多, 但起碼D熱盤唔會凍。 甜品 - 呢個要讚下, D甜品放晒入凍櫃內, 有侍應幫你拎出黎, 變左D蛋糕唔會整到好樣衰, 件件都好靚, 甜品有好多款都好好食, 最好味既係即焗梳夫里, 仲好食過太平館, 佢能