嵐山日本料理

营业中

休息中

又是和太太食好野的日子，今次揀左呢間日本料理入到來已差不多座無虛席，好彩有訂位先來吃一個刺身盛每款刺身都是厚切而且很新鮮，超正！最喜歡的還是油甘魚和鮮帶子然後叫左一個特式的壽司來試試估唔到係壽司加入了芒果口感原來係咁match，整個壽司更鮮甜，還配上了牛油果，令到口感更豐富，呢個壽司真的很健康先黎3款串燒燒黑豚肉很好吃，食落時還有很多肉汁，肉味很濃，又不會太油膩。銀杏太太說是很健康的食物，我第一次食，很有咬口，味道就是沒有什麼特別。明太子雞翼和平時食到的差不多牛肉裡面還有夾著一些蔥和蒜，很香蒜味雖然只是簿牛肉，但肉味也很濃，配上炸蒜片，好吃！呢個炒飯好好食，每一啖都有鰻魚肉，配上鰻魚汁炒，好惹味，有些甜味，會想食多幾碗飯喔！最種要是飯真的很好，不會太濕，夠乾身。

講開又講，喺日本返來之後，都一段時間冇食過日本嘢。今晚友人提議，我們選了位於棉登徑的這家日本料理——嵐山日本料理。由入座率看來，我們的選擇應該沒有錯，7點左右已經滿座。👍🏼一坐低就即刻嗌咗嗰刺身拼盤。件件厚切，鮮甜味美，啖啖甘香！跟住送上嘅係赤鯥刺身。據聞赤鯥肉質鮮甜無比，被日本人視為刺身中的極品，與喜之次並列為日本兩大頂級食材。果不其然，燒起後肉質超級嫩滑，油份豐腴。同樣喜歡甜蝦的你，這款甜蝦香芒卷將會是不二之選。雖然搭配並不是創新的組合，但勝在品質有保證。香芒甜得來夠嫩，唔會有渣。面層有魚子，豐富了口感。無論在哪裡，我基本都會點銀鱈魚西京燒。略嫌炙燒控制得不夠好，魚皮過焦了😟味道嘛，不過不失，該有的魚油甘香還是有的。一旁的牛蒡，過鹹。最初還擔心日本銀杏會帶甘澀，明顯是多慮了經燒烤後，面層略帶焦香，但水分鎖在裡面，內嫩帶甘甜味。豬頸肉食得多，但雞頸肉就眞係第一次試。顧名思義，雞頸肉是雞頭周邊的肉，因為這部分是經常轉動的部位，肉質更具彈性，富有嚼勁，簡單的鹽燒，足見美味。燒鮑魚，火候掌握最重要，剛收水要及時夾起，否則太乾會破壞口感。lee兩隻燒鮑魚軟腍入味，師傅仲好細心咁將每隻鎅開花，

放工時間同朋友同事喺K11附近行下街, 去到呢條街棉登徑都幾多野食, 經過門口見到嵐山裝修都幾靚幾日式咁再睇睇門口果D推介美食, 價錢都算合理丫, 就入去食飯喇一入到去就見到門口位置有張吧台, 鍾意望住人地煮野食既可以坐呢度座位都幾寬敞企理電子餐牌比傳統餐牌好佢唔會因為太多選擇單而令到本菜單過厚壽司盛同刺身盛會抵食過散叫, 不過如果有D款式唔鍾意食既話再睇番散叫MENU黎揀都OK既叫左幾款刺身, 有北寄貝, 赤貝, 大拖羅同埋港人至愛既三文魚, 塊拖羅入口即溶架北寄貝新鮮即開, 顏色鮮豔之餘, 肉質極具彈性汁燒鮑魚都燒得好正架, 燒到剛剛好有脆邊口感, 但唔會太乾身, 仍然保留住鮑魚汁既鮮甜味再黎個甜蝦蓉香芒卷, 中間放一小塊芒果, 配上爽口生菜, 卷面先放甜蝦同蟹籽, 個感覺好refreshing, 大家都唔會搶晒浸味, 你會分辨到芒果同蝦味蒜片安格斯薄燒, 一小塊香脆蒜片, 加上少量香蔥, 令安格斯牛既肉味更加濃郁手打海鮮石頭鍋烏冬, 好豐富種類既海鮮, 食到最後連個湯都飲埋, 蘊含住多種海鮮既精華, 實在太鮮味喇最後食埋個一口芝士作ending甜品, d芝士好熱小心燙咀, 拉絲拉

今晚來尖沙咀的日本餐廳"嵐山"吃了好滿意的一餐餐廳燈光偏暗，空間感頗大，喜歡這裡令人放鬆的感覺！我和朋友是魚生迷！點了好多魚生！見到呢一大盆刺身！即刻落晒口水了！開動了！！(油甘魚腩 $78+ 金目鯛$96+三文魚 $58+ 左口魚 $88 + 半板加拿大海膽 $168 )油甘魚腩厚切啖啖肉❤好肥美 細細咀嚼，滲出的魚脂在口中感到好滿足！金目鯛：食到絲絲魚肉纖維，頗有咬口沾些蔥花和醬油更能帶出魚鮮味！三文魚是這盆刺身中最油亦最滑嫰的 咬下去每啖都滲出魚香味～好正！到海膽了！好滑~ 滑到可以一啖咕嚕吞進去味蕾感受著海膽在口中濃郁的鮮味!好正!食完之後，海膽既油香味仍在喉嚨洋溢著 令人回味!亦可用奉送的紫菜包住海膽來食～甜蝦蓉香芒卷 $118好喜歡這個香芒卷~賣相好靚！整體都保持凍的，食落去口感豐富～芒果鮮甜，上層甜蝦新鮮，配合魚子和芽菜，好清新！都好飽肚牛油帶子焗雜菇 $68一來到就聞到好香牛油味！用牛油和黑椒焗～帶出菇的香味！雜菇保留到好多汁！食到牛油香味！仲有滲入了菌香的帶子，滑得似蛋白😻好正！串烤黑豚蘆筍 $32好有豬肉味的薄切黑豚肉!! 夠肥美 覺得用黑豚肉比平時用肥牛，更好食！

今日夜晚經過見到呢間新舖，見裝修幾靚啲價錢又唔係太貴，即管同3個朋友入去試下，可能因為係新舖所以唔洗等位就入到去。環境黎講都ok，檯之間唔算迫，又有梳化櫈，都坐得舒服。啲刺身都好新鮮。三文魚嫩滑鮮甜，肉質緊緻，唔會一層層分開唒。埋單每人盛惠$160，尖沙咀區嚟講絕對抵食