皇帝雞 (已結業)

皇帝雞係西九food court好似開左好多年了，一早已經想試，但係唔知點解次次黎親都撞啱佢冇開🙈今次終於見到佢有開！有得食la🤩小店由韓國人經營，只係賣三種口味既炸雞同埋年糕。價錢黎講唔算特別平，但係份量都幾多，啱曬同朋友share當小食😋  1⃣️甜辣味炸雞（細）（$40）三款口味既炸雞有韓辣、甜辣同埋醬油味揀。大細都有三個選擇。我今次就揀左甜辣味最細既size。外賣包裝好貼心，用個盒仔裝住，再用錫紙包好炸雞，咁啲醬汁就唔會咁易流到周圍都係。見到佢呢度既炸雞係即叫即炸既，然後再係個鑊到同啲醬汁炒勻，每件雞件都沾滿醬汁🤤  雞件粒粒啖啖肉無骨無皮，醬汁夠抽身，甜味比較重，另外仲有啲花生碎🥜增加口感同味道👍炸雞份量比我想像中多，我諗都有差唔多10件或者再多啲😍仲有附送多兩條年糕，年糕夠咬口，有啲後悔冇加錢要多幾條🤭  

深水埗真係好多嘢食有時唔想諗就會去西九龍中心打個轉呢間韓式炸雞店十次有八次嚟到都會忍唔住買嚟食🤤不過營業時間好飄忽有時未必準時開門開咗提早賣晒都未必有得食🤭老闆係韓國人嚟非常親切炸雞有韓辣 醫油 甜辣亦分大 中 小 三個size想過口癮或食到飽都得🤪🍗甜辣味炸雞 HKD$45其實三款我都試過但最啱我口味都係甜辣🥰韓辣味似韓式辣醬味道好似韓國街頭食個種醬油味就偏鹹 重醬油香甜辣就味道甜啲 有微辣呢度嘅炸雞就標榜無皮 無骨🤤落單之後就會即撈返啲醬汁炒比個號碼你等叫號所以拎上手都係熱辣辣🤤中杯份量絕對唔少都有十多舊左右！每杯炸雞都會搭幾條年糕上面再灑啲花生碎炸雞冇皮但炸粉亦唔會好厚外面脆脆地有少少黏牙食落去啖啖肉肉質算幾嫩滑甜辣口味食落好惹味每一舊雞都包裹住醬汁 好好味🥰

呢間炸雞店位於深水埗西九龍中心既food court度，位置方便，行街經過可以醫下肚仔。店內只賣炸雞，同埋都唔係成日開，想去食真係要咁岩佢開，要靠運氣。個老板似係韓國人呢，講既廣東話唔太正，但都幾nice，服務態度好。我就點左個甜辣味炸雞，都只係38蚊，但都好足料，份量多到就快滿瀉咁。佢每碗炸雞都會有三舊年糕，呢隻味既炸雞甜甜地，但唔太辣，唔食得辣既朋友都可以試下。不過因為佢個份量好多，食食下好易口乾，建議配埋野飲，一路食一路飲

呢間店想試好耐，但真係好難夾到時間佢開門😳。因為7:00前已賣完關門，我放工後已太晚，星期六、日又好少特登出深水埗😅店舖位於西九龍中心頂層美食中心，方便易搵，但我覺得西九龍中心座位不舒服，所以選擇外賣邊行邊食😌餐牌甜辣味炸雞(小)$35表面有花生碎，附送了2條年糕，幾有咬口煙韌。雖然係小碗，但炸雞份量很足，有成8-10件。味道方面，甜辣味不算辣，醬汁沾滿雞件，很夠味，味道果然和韓國吃的相似。我一個女仔午餐買來吃，食到尾已經飽，建議2個人分享。

大前日(2-10-2014 Thur)同男友拎o野出深水埗後食晏,去邊o度食?佢提議西九,啊,又上去.我o地旱有地行去角落搵o野食,因為我見到越南風味o個間,行到o黎又見到有間賣菠蘿蟹柳炒飯好吸引咁,於是定o係呢o度食呢兩間.由男友買.點知男友都o係呢o度買去骨去皮o既韓國炸雞,佢買o左$28.00細,甜辣o既.等o左唔係好耐,主理人就叫我o地o既No.,我就去拎,睇到顏色好靚,上面重有兩件年糕.食得,味道o岩o岩好唔太辣,外表脆脆地,雞肉仍保留到肉汁同滑,有驚喜,不過年糕就麻麻地,開始有啲乾硬.而份量可以做我o地返工帶飯o既飯盒其中一個餸.由於呢o度係food court,所以環境分唔計.

吃過隔鄰的用心窩夫後，另一吸引我們注意的是韓式炸雞。店外的炸雞燈箱宣傳照非常搶眼，看似十分美味，那就試試看吧！味道分別醬油, 甜辣，韓辣，大蒜味，我們選了$20小杯的甜辣味小嚐一下。。。。。。。。。。。。。。。。。。。。。。。。。。甜辣味炸雞炸雞外層光亮亮的，以花生碎作點綴，甜辣醬滿滿的包裹著雞塊，但不會沾上過多的醬汁，有點像拔絲咕嚕肉，吃光後杯底並沒有多餘醬汁。甜辣醬味道香濃，甜味適中加上少許醬油味，提升了味道層次。炸雞炸得非常香脆，不喜歡雞皮的我略嫌雞皮太多，肉質嫩滑不乾身，咬下時肉汁流出與混和在一起，滋味極了。伴著的有兩條年糕，年糕外皮有點酥脆，質感特別，而且口感煙韌，真想多吃幾條呢！欣賞老闆娘遞上食物時那充滿著誠意的微笑，這正是很多店舖可模仿的好例子。