魚鱻魚湯專門店

营业中

休息中

值得推介的一間小店，雖然做街坊生意，而且店舖不大，又無乜點樣去裝修。但食物質素十分高，湯底鮮甜，感覺絕無味精成份，食材新鮮。呢啲咁用心經營既地道小店，真係買少見少。

七點左右去到門口已經有人等位, 細心觀察, 原來仲要攞飛排隊, 真係巴閉! 不過好快就有位。我揀咗原條黃花魚湯米線 ($39), 男友揀咗生炸豬扒米線加滑牛, 男友碗米線嚟先, 等好耐我嗰碗都未嚟。同枱有個女人最遲坐低落單, 佢同我一樣叫黃花魚米線, 一樣都要等好耐。跟住見到有喇, 個阿姐竟然比個女人先, 我同男友即刻話 “係我哋叫先喎!” 阿姐竟然答我 “因為呢個係我落單, 所以比佢。” 我即話 “你落單就比佢先, 唔係你落單嗰啲唔洗食啦!” 男友問佢 “咁我哋嗰碗呢?” 阿姐支吾以對, 其他阿姐見我兩個鼓譟, 即刻出聲話 “仲有一碗嚟緊”, 咁我哋先收聲, 火火地食麵, 冇哂Mood。火之中只食到淡淡魚湯味, 條魚好滑, 但未係最新鮮。男友唔食魚嘅都話魚湯唔係好腥, 豬扒都好好味, ok la。