上海廳1930 (已結業)

今日（8/5/2020）限聚令放寛至八人，是晚到“上海廳1930”食晚飯，提早慶祝母親節。前兩日無咩人堂食，多等外賣，今日好多人等位，“上海廳1930”無訂枱服務，是晚選擇六點來攞位，實是明智，遲來半小時，就要等位，特別是等大枱。醉雞是我至愛，但今晚碟醉雞，麻麻地，唔夠酒香；菠蘿黑醋排骨，好味，酸酸哋，好啱送飯，洋蔥索晒味，正；麵筋素雞燒豆腐，豆腐及麵筋好滑，好入味，小籠包包內夠肉汁，但上菜時，包唔夠熱。除上面講，再叫咗生煎鍋貼、擔擔麵、酸辣湯雲吞、牛肉絲炒拉麵及雪菜肉絲炒年糕，均是無咩驚喜。

今日和朋友往黃大仙上海廳食晚餐, 我們點了排骨湯拉面, 嫩雞煨面、上海小籠包、三絲春卷、生煎鍋貼、豆漿和酒釀湯丸。排骨湯拉面賣相吸引, 排骨炸得金黃, 食落啖啖肉,好惹味,職員好細心, 應我們的要求剪面, 拉面食落爽口, 湯底有雞湯鮮味, 配上爽口的荷蘭豆, 蘿蔔絲和蔥花, 整碗排骨湯拉面口感十足, 食落惹味；上海小籠包肉質鮮甜, 皮薄餡靚, 湯汁鮮甜味美；三絲春卷炸得金黃香脆, 食落口感鬆脆而不會感到油膩；生煎鍋貼煎得乾身, 外皮晶瑩通透, 肉質鮮甜, 食落肉質鮮甜口感十足；豆漿甜度適中, 豆香味濃；最後酒釀湯丸有濃香酒味, 食落香醇, 桂花帶出淡淡清香, 湯丸份量十足, 食落香甜。餐廳座位舒適, 食物美味又夠熱, 而且上菜速度甚快, 我和朋友食了一頓美味抵食上海菜。

今日天氣太熱, 熱到完全打消出街買送煮飯既念頭, 所以夜晚就係屋企附近搵食醫肚。經過上海廳, 諗起好耐之前幫襯過, 印象中食物質素唔差, 所以我地就決定入去食Dinner~平日晚人流很旺, 似乎吸引唔少街坊客幫襯。我地Order左幾款小食share一齊食~【話梅花雕醉雞】HK$72其實唔太食得出話梅味, 反而陣陣既香醇酒味更為突出, 雞肉嫩滑入味, 凍食岩哂解悶熱。  【紅油抄手】HK$43抄手皮薄滑身, 內裡有鮮甜肉汁, 加上炸蒜, 個汁帶少少辣, 幾惹味 【紅袍辣子雞】HK$73每件炸雞件表面都包上一層薄薄既辣汁, 亦冇影響到炸皮既脆感, 入口辣味慢慢滲出, 刺激一下味蕾, 正!【生煎鍋貼】HK$35鍋貼中有豐富湯汁, 一咬之下, 湯汁四濺, 肉汁豐富, 如果鍋貼底部再煎香一點會更好~【高力豆沙香蕉】HK$46表面鬆軟, 灑上糖粉增加少少甜味, 內裡有豆沙同埋一小片香蕉, 整體唔會太甜。晚上茶位每位$4, 待應們都很主動加茶, 收碟, 服務質素唔錯, 而且上菜速度幾快, bookmark成為我家飯堂之一!