Brass Spoon (已結業)

Brass Spoon嘅越南粉，港島區相信都無人不曉，話哂都係上過米芝蓮嘅食店。以同類菜比較，呢碗粉定價絕對唔平，但由早到晚人潮不斷，精萃在於真材實料、用心製作嘅湯底。無添加味精，加入百斤牛骨長時間燉煮，湯底鮮甜，肉味香濃，清而不油膩。河粉充分吸收湯汁，粉條細滑，一嗦一吸，每一啖都嚐到肉鮮。芽菜、香菜另上，等客人可以自由控制生熟程度。生熟牛肉各有千秋，前者油花較多，口感較滑；熟牛肉應該係近牛腩部位，肥瘦參半，肉質嫩中帶油香。餐廳流動性高，無論攞位、上菜，都唔需要點等，正合香港人追求效率嘅生活模式。

一到lunch hour 呢間一定大排長龍，好多OL同西裝友都鍾意食如果唔想等，可能12noon就要黎食啦，又或者2點幾黎都唔駛等日日都咁多人排隊係真係有原因，因為唔只環境坐得舒服，裝潢簡約清新，同埋食物真係好高質，完勝中環區附近既pho我叫左生熟牛肉粉，亦可以根據自己喜好揀要唔要洋蔥、蔥、芫茜或牛湯油湯底好鮮甜，食得出有好濃烈、熬左好耐既牛肉味，齋飲湯都唔覺得好油膩；河粉有咬口，唔會話好薄，一夾就爛；牛肉唔會好肥，肥瘦比例剛剛好整體就係好好食