蔡瀾越南粉 (已結業)

同朋友係中環睇完展覽，順便去潮聖下蔡瀾開嘅越南粉店，夜晚9:30去到，冇人排隊 即刻入得我點了生牛肉湯河 ($88)，朋友就點了香茅烤豬頸肉春卷撈檬 ($68)，再加了兩個小菜落單等左5分鐘就有得食一黎就試下佢個湯先，個湯的確非常清甜，飲落有好香嘅牛味，一啲都唔覺得油膩，好好味好好味！牛肉唔會太肥，很軟很腍有牛味；河粉很滑，麵量都不少 (不過如果你唔夠食，河粉係可以免費續加的)黃金蝦扒 ($78)好大塊嘅蝦餅，外皮炸得金黃香脆，食落都有蝦嘅鮮味，但嫌佢簿身左d… 如果做厚身d，相信食落會更彈牙蝦醬炒通心菜 ($48)通菜炒得夠嫩，蝦醬惹味，呢個價錢吃到一盤炒菜，真係幾抵係中環呢個地段，仲要打住蔡瀾的名氣，其實真係唔算貴食物味道絕對對得住價錢，去開中環 見到唔洗點排隊，可以去朝聖下!

身為生牛肉湯河既粉絲,點可以唔試下蔡瀾既越南河粉。其實越南河粉個靈魂係個湯底，佢呢個湯底飲落唔算咸，不過個人認為唔夠鮮味。不過我佞同同行朋友食完後,成個晏就都好口渴  咁其實向中環區$88一碗生牛河又唔係貴,河粉仲可以免費任添,加上蔡瀾既名氣又唔係好使排隊,係可以試試, 不過我建議大家之後要飲返D解渴飲品

今日係2018 年最後一個週末，當然要好好渡過，要食好野，睇靚嘢啦。同事推介位於中環的蔡澜越南粉，話超好味，一於到此一遊。😋中午1點半去到，不用排隊，店內已有不少食客，我點了生牛肉湯河和越南滴漏咖啡， 我跟住蔡瀾店回應某個食評的方法食牛肉湯河，的確別有風味，牛肉嫩滑，鮮甜，加入九層塔芽菜等配料，令湯底更濃更香，最後我連湯都飲埋，我嘗到齒頰留香的真感覺。咖啡亦是推介之選，不同於UCC的滴漏，越南咖啡無那種苦味，取而代之是一種酸甜味，無UCC的香噴喷，但有又滑又醇的感覺，不是文字可形容。客服亦不錯，我坐下不久，見一食客點了128 元的牛肉湯河，店员sara 送到時食客問店員為何有牛丸，店員耐心的向他解釋此款式是包含幾種牛類的，食客話自已點錯了，他不吃牛丸的，要求退回已整好的湯河，怎能啦，店員拿了碗仔來提議夾起牛丸，食客突然取袋走，單都未埋就拔足而閃，那有這樣的食客啦！明明自己點錯，竟將责任歸店員，我聽到店員sara同店長報告，店長也明白不是sara 的錯，我欣賞店長體諒員工，希望不要怪罪於她。飽嘗美食後，埋單走人，看見店員sara在門口向等位的食客推介餐牌食物，她見我離開，還送上一盆薄荷给

看到新聞知道蔡瀾開了一間越南粉餐廳，就想著要來試試，但聽聞要排隊等候就打算遲些日子再來。可是今天晚上因為傾滂大雨的關係，看到門口沒有人排隊，就立刻進去試試。餐廳有兩層的，侍應安排我們坐在一樓，廚房是採開放式設計所以可以看到廚師的烹調過程。餐牌比較簡單，只有兩頁紙，選好後交給侍應就可以。而且食物很快就上來了。裡面包著芒果、炸魚及沙律菜，很清新，十分好吃。飲品很特別，除了話梅味喝起來也有薄荷的味道。整個份量挺大，牛肉嫩滑，湯底鮮甜，上來時也附帶新鮮的香茅及芽菜，吃的時候加進去會更增加湯的味道。豬頸肉並不會很肥膩，燒烤得剛好，肉也是非常嫩口，吃一口就愛上了😍這個吃起來有點中國式的感覺，吃起來並沒有外表所想像的辣，可是香辣味卻很濃烈👍🏻

唔知係咪未運作純屬，又勁多人排長龍，所以廚房好趕，個生牛肉湯河（HKD88）嘅肉幾乎熟透，嚡咗啲。但河粉係要讚吓嘅，勁係超級幼！自家出品係唔同啲。湯清味甜，唔係重口味，正！小食之中我最鍾意香芒炸魚米紙卷（HKD48），味道香味又唔油膩，蔬菜都好新鮮。最正係米紙卷夠薄，唔似平時食嘅有啲硬，唯一缺點係放得耐易散。跟係就係炸春卷（HKD48）同香茅烤豬頸肉（HKD58，但影漏相……）！春卷好香脆，餡料豐富。豬頸肉面焦焦哋，口感幾爽彈，酸辣汁都調得好到位！下次一個人要食豬頸肉春卷撈檬（HKD68）先得！炸蝦扒（HKD78）就貴咗啲喇，蝦味唔算突出，但以扒嘅厚度計都算彈牙嘅。越式三多冰（HKD28）都俾到驚喜我，唔單止啫喱軟滑，最鍾意係佢落咗炒香嘅花生，配淡淡嘅椰奶味好夾，又唔會甜死人，好正！美咪指數：7.510抵食指數：7/10