米走雞Deluxe (已搬遷) 新店位置

📍 米走雞Deluxe | Running Chicken Deluxe 🎗📍 銅鑼灣 𝗖𝗮𝘂𝘀𝗲𝘄𝗮𝘆 𝗕𝗮𝘆 • 渣甸街50號渣甸中心3樓 (also in mong kok & kwun tong)〔 follow me on instagram @sikbaobaola ! ^^ 〕-< Running Chicken > is where you wanna visit if you're craving a chicken hotpot, especially one with CHEESE! 🧀Their cheesy chicken hotpot features five kinds of cheese so you could really taste the intense cheese flavor. If you are an extra cheesy person, remember to have EXTRA shredded cheese!Their chicken pot uses chicken thigh which is both

之前係太子食過米走雞，覺得芝士雞煲好正，今日行開銅鑼灣亦有分店，就決定再去吃。一坐下，我們便即點了一個雞煲。睇住芝士在煲內慢慢溶化，口水快要滴下來了。芝士濃郁，每一件雞都沾滿了芝士，非常邪惡。煲內有大量洋蔥，店家選用的全是雞髀🍗肉，食起上嚟啖啖肉，正！水餃大大粒，脹卜卜，新鮮豬肉，彈牙鮮蝦，再有木耳絲，餡料豐富，食落爽口彈牙，鮮味十足。牛柏葉大大塊，再蘸上䜴油和鮮磨蒜蓉，唔係蒜粒，蒜味特香特濃，好滋味蔬菜翠綠新鮮，爽口清甜。這個挺特別，墨魚滑釀竹笙，口感又爽又彈，好食。魚片份量足，新鮮，魚肉爽脆。打邊爐熱辣辣，又點少得了一枝冰凍啤酒呢🍻

今日約咗朋友去銅鑼灣食飯，朋友提議去米走雞，因為我哋兩個都好耐冇去嗰度食嘞，所以我哋就去嗰度打邊爐。因為之前兩次幫襯都係食佢哋最出名嘅芝士雞煲，所以今次決定試其他湯底。以前我會鍾意食鴛鴦鍋，不過有得揀美人鍋的話，我一定會揀，因為食咗哩個鍋會變美人🤣🤣。我哋叫咗：手切新鮮牛頸脊 - 打邊爐我真係好鍾意食牛頸脊，因為佢真係好重牛味，又唔會好似肥牛咁肥🥰🥰響鈴 - 即叫即炸，好新鮮同埋好脆竹笙墨魚滑 - 見咁特別就叫嚟試吓，又真係幾好食喎，竹笙口感爽，墨魚滑亦都有爽脆嘅口感，所以佢哋好夾!白鱔片 - 白鱔新鮮，如果唔想食鯇魚片，哩個都係一個好嘅選擇烏冬&生菜 - 用美人鍋做湯底的話，呢兩樣咁普通嘅食物都可以食到舔舔脷😋😋總結就係，米走雞嘅打邊爐真係冇得輸！

已經是第三次來米走雞叮火鍋了！這樣的欲罷不能當然是因為他們的食物質素高，所以今晚專程過海，來到他們的銅鑼灣Deluxe。今次沒有吃他們的招牌芝士雞煲，要了惹味沙爹湯底，沙爹味道濃郁，不錯不錯！吃火鍋真的要喝點冰凍的，我們先要了兩杯咸檸七，下下火，解解渴，然後開始點菜！很想吃菜，所以一口氣點了很多蔬菜：油麥菜、翡翠苗、鮮冬菇、豆腐。但因為我們只有兩個人，也吃不下太多東西。蔬菜新鮮，浸在沙爹湯內，滲滿了沙爹汁，十分惹味好吃，推介！海鮮類我們要了虎蝦和美國桶蠔。兩者都份量足夠而且體積超大，味道同樣是鮮甜多汁。如果你和我們一樣喜歡吃海鮮的，一定要點這兩樣，物超所值之選！至於肉類，我們只點了久違的午餐肉─這款從小就是打邊爐的首選食物。雖然肉類不多，但也可說是精選吧！好味！今晚雖然沒有吃芝士雞煲，但仍是吃得心滿意足！

環境4分：雞鍋店好多卡位，唔會坐得過迫，Ｄ櫈厚得都幾好坐，可以畀四分。衛生4分：地方都叫整齊，獨立電爐最安全，有齊乾濕紙巾都幾衛生，四分。服務5分：樓面伙計熟手又爽手，態度好又會教路點食芝士雞煲，仲不時會添加紙巾，畀硬滿分。味道5分：1)      個黃金芝士雞煲呢可以自選芝士碎份量，多少同價就梗係要激量。睇住Ｄ芝士滾到溶曬就食得。入面Ｄ洋蔥又爽又多汁，Ｄ雞件有白肉同黑肉，Ｄ肉大大舊都好滑好嫩，有兩款芝士互相配合，食起上嚟同啲雞好夾，真係濃郁而不膩！2)      食完Ｄ雞加湯就變做打邊爐，個芝士湯底真係幾得。3)      打邊爐Ｄ生菜同油麥菜又爽又脆。4)      慢慢食個芝士雞煲結果隊左八支青島。抵食5分：一個細芝士雞煲可以食到三四個人，二百蚊唔使已經夠飽肚，打邊爐嚟講呢廿幾蚊支大啤唔算貴，抵食可以畀五分。

週日晚約好其中一位入住銅鑼灣富豪酒店o既靚女舞友一齊去老蘭參加新開張o既阿根廷探戈舞會，舞前兩口子就喺附近一家火鍋店「米走雞Deluxe」度快速打咗個邊爐醫醫肚。踏出升降機門，即可望到「藍妹啤酒」鮮黃色o既廣告，身為小粉絲o既XO仔當然亦立心要啤一啤佢啦！點知舞伴話想試試中國代表，所以就叫咗枝「青島啤酒」，嘻嘻，各有各啤仲過癮。因飯後有意勁歌熱舞，二人最終決定棄選芝士雞煲，簡單點咗個「滋潤養顏湯」，加配幾款蔬菜、豆腐、餃子、丸物作輕膳晚餐。寫好餸，哥哥仔隨即送上豉油及配料俾我地自己混醬（醬料費$12/位）。滋潤養顏湯（$68）：如果唔係外籍女伴講起真係唔會留意到，佢形容個湯底好清甜潤喉，但就好意外入面原來有咁多材料，即木耳、木瓜、紅蘿蔔、杞子、紅棗，用上木瓜配中國藥材，個組合好新穎咁話。生菜（$22/半份）：生菜鮮綠爽脆，食落仲索索聲添。蜂巢冰豆腐（$22/半份）：靚女話想食豆腐，細佬見到依味「蜂巢冰豆腐」嗰名咁搞野，所以就叫咗半份黎試。原來冰凍o既豆腐外表呈蜂巢o既色澤及形態，煮熟咗其口感則鬆腍帶爽，都幾得意。手打五寶拼盤（$88）：手打五寶拼盤內含五款手打丸物，每款有兩粒，相片左起