燒鳥 Tsukada

营业中

休息中

如果夜蘭人靜，唔想獨自歸家，想靜靜地，同朋友邊食邊傾，但又發現一街都係串燒居酒屋，你又要打開個openrice慢慢睇，可以考慮尖沙咀新開既「Yakitori Tsukada」，以日本走地雞為主題，運用備長炭將香味帶哂出黎，所以話呢，一間高質既串燒料理，係無須開口去說明，心聲聽到我來和應。👇🏻📌串きの8本コース - $498  ♦️スープ - ▪️ 鶏出汁スープ特製つくね - ▫️ 同朋友每人一個8course，第一道「濃香雞湯配免治雞肉」，雞肉用左4至6個鐘慢煮，口感軟腍爽彈，雞濃飲落濃郁入味，正。♦️串きの - ▪️ ささみ - ▪️ せせり -▪️ 帆立いくら - ▫️ 先黎一串「雞柳」，面頭放上wasabi，帶少少辣勁，肉質腍滑；而「雞頸」比雞柳更爽滑，第三道「帆立貝三文魚籽」師傅將佢分成兩邊，一邊比你試原味，另一邊配上wasabi，份外惹味。♦️溫 物 - ▪️ 風呂吹き大根 - ▫️ 再黎就係「味噌白蘿蔔」間一間埸，白蘿蔔中間夾雜住蝦味噌，連埋生麩一齊食，雙重口感；而面頭仲有d白菜仔，特別鮮甜。♦️串きの -▪️ 地鶏モモ - ▪️ 生麩チーズ磯辺焼き -▪️ 旬野菜 -▪️ 三元豚ヒレ -▪️ 自家製月見つ

同吃貨朋友約定每月一聚，食好西，好好慰勞一下自己(⁎⁍̴̛ᴗ⁍̴̛⁎)呢間新開嘅串燒omakase價錢唔太貴，而且地點方便。設有套餐及單點，能同時滿足到有選擇困難症及有主見的食客～點了10串set。十串分別為：雞柳、雞胸、雞腎、雞腿、雞尾、自家製免治雞肉、帆立貝三文魚籽、和牛西冷、生麩磯邊燒及時令蔬菜。打頭陣的雞柳串燒，燒至八成熟但口感不會過生，肉質結實，且保留肉汁，配上魚子醬、wasabi，味道好刺激！雞胸外皮燒得香脆且實肉，口感滿滿！帆立貝三文魚籽，味道鮮甜，加上三文魚籽淡淡嘅醬油香味，口感一流。味噌白蘿蔔，蘿蔔煮得非常入味，很不錯。沖繩酸拌海藻，大推，配在中段食可一解燒物的油膩感～雞腿串燒，燒得剛好，有肉汁亦口感十足。生麩磯邊燒，類似年糕般嘅質感配上燒汁、芝士及紫菜，這個組合無得輸呢～和牛串燒油脂豐富，很和味！最後嘅甜品都很好有驚喜，夾餡雪糕，係威士忌酒口味，雪糕有淡淡酒香，很不錯～整體而言，餐廳食物質素高，而且價錢較大眾化，侍應服務周到，會再光顧的(*¯︶¯*)

同事提議嚟食，打電話預約巳經預上麻煩，電話打極都唔通！過咗幾日，我一打就通，順利訂到位。準時出席，場內得14個坐位，只做晚市，呢份堅持值得關注。服務員好好咁解説個菜牌。既然第一次，食十本啦。呢度用備長炭去燒，抽風開始時客人少，都足以應付，但係客人多嘅時候，見到啲煙抽得好辛苦！濃雞湯免治雞，湯頭香甜，免治雞肉我就覺得淡口咗。雞柳就梗梗熟，同事就話好似有少少生添，但就真係嫩滑。每一串都細細件，分開晒，係可以食到原味啦，加七味粉啦，同埋山椒粉配搭嚟食。雞胸皮薄脆而且嫩。帆立貝就外溫內涼，唔知係唔係有意咁燒出嚟比客人。味噌大根好入味，清甜爽脆。雞心唔係成日有得燒嚟食，要係對食物有選擇性，就唔好喺職人面前失禮，一係就唔好點嚟食。生麩我都唔知是什麼。沖繩海蘊入口就好似海葡萄嘅質地，爽脆。雞尾係我至愛，甘香油滑。燒冬菇好多汁，又夠香。和牛西冷喺呢餐就變得平淡咗啲喇，或者可以改燒第二樣蔬菜減去之前啲油膩仲好。免治雞肉捧加上生雞蛋，成家一齊一口食落去，聽到都知道係好正啦。雞白湯拉麵，雞湯同第一份濃湯唔同，呢個清香好多，拉麵就比較硬。雲呢拿雪糕配上脆餅作最後終結。咁多樣嘢對我已經好飽，友人亦都係一樣，大滿

同男朋友叫咗兩個set，分別有十串同八串串燒，價錢相差$200，不過整體感覺分別唔大因為大部分嘅食物都一樣的～同一般omakase餐廳一樣，可以一路食飯一路欣賞日本師傅製作串燒嘅過程，而且每道餸都有店員介紹，服務好好！雞肉肉質結實，而且保留到肉汁生麩磯邊燒，一開頭無概念係咩嚟，後來聽店員介紹先知係紫菜包住無麩質嘅日式年糕加埋燒過嘅，好感好多變化。燒汁雞尾串燒，後來先知道原來係雞屁股😳😳，不過食落一啲都唔腥臭，仲好香脆。食完咁多串燒都想清下味蕾，之後上菜嘅沖繩酸拌海蘊真係非常夾！食落酸酸甜甜好開胃，可以再戰下一道菜～燒冬菇烤完都依然好多水份～雞白湯拉麵嘅湯底濃厚，食埋麵食剛剛好。男朋友都好滿意呢間餐廳，下次大時大節都會介紹朋友過嚟，性價比高！讚！

一直想試Omakase好耐，有返咁上下質素嘅普遍都需要千元以上。呢間串燒Omakase價錢合理，所以嚟試試😋Menu有2個set, $698同$498，因為係慶祝媽媽生日所以今日食豪小小，揀咗$698 SET🙌🏻濃香雞湯配免治雞肉，雞湯香濃又唔會油膩雞胸，皮燒得脆卜卜，而肉都仲係滑身帆立貝三文魚籽，帆立貝鮮甜配上三文魚籽更加鮮味用日本蘿蔔用上湯煮至軟腍，食落清甜軟諗雞腎燒得剛剛好～類似年糕，中間夾芝士，配上醬油再用紫菜包住食一絲絲嘅海蘊食落好似蒟蒻絲咁，加埋醋一齊食夠晒開胃冬菇好juicy！和牛西冷嘅油脂分布平均，入口香軟～肉質嫩滑配搭蛋黃同醬汁，香甜美味白雞湯濃郁，拉麵彈牙～媽媽點嘅鶏肉茶泡飯，濃郁白雞湯配上雞絲，唔錯唔錯。甜品方面都好特別，威士忌雪糕有淡淡酒香，食多幾啖都唔會醉 ;D布甸蛋味濃，而且十分香滑～餐廳細細，但氣氛好好，連媽咪都好滿意嘅一餐生日飯！！