一鳴燒 (已結業)

今晚屋企冇人煮飯， 放咗工自己一個人食完飯先返屋企， 經過銅鑼灣的一鳴燒餐廳望落店內整潔乾淨， 看見餐牌上的食物價錢唔太貴， 日式食物種類都算幾多， 賣相精緻，一個人只點了兩款菜式～甲羅燒和鰻魚飯燒。甲羅燒～ 賣相很美，味道不錯，入口很新鮮。鰻魚飯燒～ 一入口味道超驚喜，滿口都是鰻魚汁的甜，唔會有腥味，用料新鮮， 食到停唔到口。飲品方面我點了最鍾意的巨峰提子梳打， 帶微甜飲完好解渴， 可是我忘記影相，其實我仲有很多菜式想試， 不過一個人食唔到太多，下次要同朋友再來啊！

「一鳴燒」這間日式串燒店，鄰近銅鑼灣地鐵站。幸好預早訂位，因店面不算太大，而且食客也很多。食了很多很多不同的串燒，現精選一些較特出：「原條鰻魚泡菜石鍋飯」嘩！真的是原條鰻魚鰻魚佈滿燒汁，配飯一流！泡菜飯味道剛好，而且熱熱的，帶出泡菜香氣，飯量小小的，每人兩口就剛剛好。吃下去有點泡菜的辣味，再加上鰻魚帶甜的燒汁，溶左口中是甜中帶點微辣，感覺新鮮「香草燒羊架」用香草燒出來的羊架，香草味濃，沒有很濃羊騷味。而且火候控制得好，吃下去羊肉的肉汁沒有流失，肉質鮮嫩，整個羊架都非常好吃「甲羅燒」溫熱的蟹殻上，盛著滿滿的蟹膏，蟹膏上有一隻生的鵪鶉蛋。看到已經流口水了吃時用紫菜，包著蟹子、香蔥、暖暖的日本米，再加上蟹膏。真是大滿足想不到蟹膏內還有切片的蟹柳！而且，日本米是有調味的！「餃子雞翼」其實就是壤雞翼，店主非常貼心，把壤好的雞翼切開了，方便吃！壤入雞翼的料帶點微辣，挺惹味！

今晚同老公諗住搵間日本野試下，見openrice book 檯有7折優惠。就試下啦上到去環境都ok, 坐得舒服，唔算好多人我地第一次食叫左唔係好多野，等我逐一講下1) 明太子玉子燒 (無明太子味，無蛋味，煮得太實）2)黑松露炒烏冬 (只得甜豉油味）3)金菇牛肉卷 （都幾好味，份量都大，抵食）4) 燒牛舌芯 (有少少鹽，不過燒得啱啱好）5） 甲羅燒 (成晚覺得最好既一道菜，雖然白飯都係差d,不過蟹味精都夠味）如果唔係有7折，應該唔會去～又唔係好難食不過又唔係好食，真係麻麻地

早前都到銅鑼灣澳門逸園中心不少餐廳用饍，今晚來到位於10樓的一鳴燒食串燒。店內裝潢簡單，燈光偏暗，環境感覺令人放鬆另外一經詢問之下，原來店家現在只做晚市因為有點頭痛所以沒喝酒，只點了杯熱柚子茶幸好頭痛不影響食慾，先點麻辣牛舌及芥末辣章魚牛舌像骰仔般大細，肉質稍腍有口感 ; 芥末辣章魚份量比想像中多，非常爽口，味道平均一向注重米氣的我，還是要食點澱粉質才覺飽暖。點了份黑松露野菌炒烏冬，非常大大碟，兩個人分享都還覺太多，好抵食！味道方面輕輕黑松露味，偏甜一點，但有很多汁及爽口的菌類，所以個人認為Okay (可惜忘了拍照)朋友不吃海鮮，所以點了一隻蒜蓉焗扇貝來獨食，除蒜香還有牛油香味，肉質軟嫩，燒得剛剛好另外甲羅燒也是海鮮類所以又要獨食啊呵呵以蟹蓋的脆弱度及溫度可知已經燒過，食前把所有食材葱粒、蟹籽、鵪鶉蛋、蟹肉、蟹膏攪勻，口感極佳，不過味道感偏咸，但配白飯食就岩岩好最後用冰菠蘿作句號，凍冰冰又甜蜜蜜，好味好味

好耐冇試過食一餐係咁叫好味...第一次食冇叫太多野，試試質數先～結果叫左三道餸都覺得好好味呀😍.自從係日本食過蟹膏之後念念不忘個種味，見到甲羅燒即叫！侍應都會解釋下要點食，雖然同日本個隻味唔同...但都可以止住我嘅痕><好味呀...唔臭呀...dra一聲撈晒啲飯想lam埋個殼.為左想飽啲而叫嘅烏冬，冇諗住有咩驚喜，但食左一下真係好驚喜...我好鐘意啲汁嘅味呀！個汁甜甜地架..炒得好均暈，熱到辣咀添呀..不過！我食唔到有黑松露味，可能佢啲甜汁蓋過晒。之後又極速ko左碟烏冬.最愛鰻魚嘅我一定要叫呢個卷卷蛋鰻魚！放左係度咁耐以為凍晒，一切又標晒煙！個蛋熟得黎又滑，滑得黎又唔硬，軟得黎又唔易散，中間件鰻魚可以去到尾，唔會得中段先開始有🤣軟林林嘅鰻魚，加埋滑滑嘅蛋，夾埋一齊放入口，好軟滑好好味呀🤤我暈喇..🤤光速咁結束左鰻魚玉子燒嘅一生😂.好滿足呀~~初頭都覺得小貴，但有咁嘅質數，值得！I will be back🤤仲有好多野想試呀😆

來到銅鑼灣，日式食店直如雨後春筍一般遍地皆是，要在區內分得一杯羹，沒有一定的實力是很難站穩陣腳的。最近到了Sogo隔鄰的澳門逸園中心覓食，來到地下不其然被一間新開張的日式串燒店所吸引，全因見到樓下宣傳單張標榜新張期間全日免加一，全單九折，有那麼吸引的優惠當然要試一下，遂跟家人上到十樓一試究竟。餐廳以木系裝飾為主調，門外大大塊木刻招牌配上數個日式紅燈籠裝飾，很濃厚日式感覺啊。店內以木條裝飾的牆身配上米白色的餐椅和梳化，加上泛黃光猛的燈光，整個設計予人一種日式潔淨無菌的舒適感覺。小店打著日式居酒屋的旗號，主力提供多款不同的燒物海鮮和佐酒小食，當然也不乏其他炸物、主食和玉子燒。枱面放著一疊疊的點餐紙，全部菜式分類列明，明碼實價，亦較餐牌輕盈，方便傳閱，自己填上選好的菜式，帶點港式地道感覺。值得一讚的是，雖然餐廳主打串燒燒物，但店內通風做得很好，一點燒烤味也沒有，完全不用擔心吃完會一身油煙味。先來一些前菜小食和串燒，芥辣八爪魚份量十足，以八爪魚小粒撈上芥辣汁醃製，入口鮮甜Q彈，開胃刺激。鹽燒雞軟骨，烤得剛好，外脆內彈牙，鹹香爽脆。豚肉露筍卷，薄薄的豬肉片捲著去皮鮮嫩的露荀，豬肉片燒得香脆帶點油