漁道樂 (已結業)

今日突然想食日本嘢，就係OpenRice 是但篤咗一間。食完之後睇返負評，中肯，完全反映事實。唔明點解會有咁多好評。埋單兩個人$8xx, 壽司拼盤，甲羅燒，鰻魚，和牛炒飯。相都唔想影。食物無咩問題，但性價比唔高。環境都無咩問題，好日系，有啲磯丸feel。不過service就勁差⋯⋯老實講，天生黑面嘅人真係唔適合做服務行業，令到個客好唔舒服。其實全場得兩枱，水又唔加。未燒嘅甲羅燒黎到，咩都無講就咁放低⋯又唔講係咪要自己燒，爐又無開，同老公望住個蟹蓋唔知點好，過咗陣先埋黎幫我地燒，仲話生食都得因為OpenRice 訂位，佢寫可以用OpenRice Pay, 但埋單果時又話唔可以用。唔會再去。唔推薦去。試餐廳記得睇負評。

四個人，限聚令放寛即刻相約朋友一聚！尖沙咀久違了，走上一間叫漁道樂日本菜！門口裝修有特色，入邊裝修更富日本色彩！朋友訂咗7:00 ，準時到達，侍應相當之有禮貌叫我哋登記安心出行及量體溫，聽完佢哋一輪介紹推介之後，急不及待叫咗推介嘅金目鯛！正到痺，➕7點盛刺身，刺身相當新鮮，極上壽司盛！要用beautiful形容 😘😘再加日本生蠔，超美味，再嚟一夜干，什錦天婦羅超水準，美味甲羅燒必定一試👍🏼👍🏼👍🏼！牡勵和牛舔舔脷！海鮮活貝盛！美麗的一餐。真係要一提呢度啲服務，相當令人滿意！價錢公道！必定再嚟👍🏼👍🏼💪🏼💪🏼！下次坐佢哋間榻榻米VIP房😉

日本餐廳值得去既好似愈來愈少，因為大部分都無乜心機做。上次有朋友推介尖沙咀呢間漁道樂，話值得一試！所以今日收工就過左來吃。位置在諾士佛臺旁邊，好就腳。一入門口已經深深感到日本氣息，所有裝潢都充滿日式居酒屋味道，包括背景音樂。店員安排左四人座俾我地，坐得好舒服，闊落舒適。野食叫左好快上－牛油果軟穀蟹沙律 / 原隻軟穀蟹!! 加埋好清新既牛油果，配搭新唔新鮮唔在講，但重點－　蒜燒牛舌 / 厚實質感，多汁，燒得好嫩，係我最愛既感覺！－油甘魚三文魚帆立貝刺身 / 新鮮，師傅每件都切得好厚，帆立貝好新鮮彈牙，真係用左靚料新鮮食材，擺盤又精緻，好值得加分－　漁道樂軍艦 / 店員推介話幾特別可以一試，可以一款菜式試幾款軍艦壽司，於是叫了一份試試。－　燒甲羅蟹及燒蠔 / 店員好貼心會係你面前幫你燒埋，絕對燒到剛剛好，甲羅燒既蟹膏、肉以及蟹子混埋一齊，絕對係愛蟹之人首選。蠔新鮮大隻，鮮甜，新鮮到以為佢係店入面既大魚缸到養住，好正!－什錦天婦羅 / 即炸，不油膩，有蝦有瓜有魚，好豐盛。我幾鐘意佢後尾應該同米粉炸過既擺設，食得又睇得，不錯。總括而言，高質食材日本菜，環境氣氛好，來慶祝以及同客食飯絕對唔錯！有