和氣食堂 (黃大仙中心南館)

营业中

休息中

今日難得有空閒時間可以出去食餐飯傾下計🤣雖然咁啱撞正今日掛八號風球🙈但好彩最後都俾我喺附近搵到間唔錯嘅平民日本餐廳🍱一入到去就俾佢嘅裝飾小酒櫃吸引咗，雖然係掛緊8號風球，但店內仍然有好多嘅街坊顧客🥰首先，有樣值得讚賞嘅嘢就係佢嘅上菜速度都幾快🤣基本上我落單後5分鐘內已經上咗兩樣🤔叫咗一個溫泉玉子牛油果凱撒沙律🥗同埋三點刺身盛，沙律嘅份量好大😂而且牛油果都係足夠熟，夠軟身，同蛋黃醬係一個好嘅配搭❣️另外，佢嘅刺身係相當新鮮嘅🤤上菜嘅時候有冰鎮住，以保持佢嘅鮮味，呢樣嘢唔係間間餐廳都做到🤫所以都推薦各位去嘗試佢哋嘅刺身盛🙌🏻其次，又試咗佢嘅招牌菜—電擊雞翼🍗佢嘅口味都幾特別，有種食緊冰糖嘅感覺😂啱啱放落口到會覺得涼涼地，然後又食到甜甜地嘅感覺，同平時食嘅雞翼幾唔一樣🤣而且佢嘅炸薯條上面有落芝士粉🧀所以都幾香口～～跟住下一道菜係蒜燒日本廣島蠔🦪同埋芝士厚燒玉子，蠔嘅味道都唔會太腥🙈都算係正常水準🤔一定要趁熱食佢嘅玉子燒🤣芝士味都唔會太濃，食上去都容易入口，而且佢嘅玉子都較為厚實，咬落去幾有口感💘接下來嘅主食係白咖喱烏冬🥢上菜嘅時候店員有貼心提醒要撈勻烏冬進食同埋小心熱，因為下面仲有咖喱😆烏冬比

如果要講到黃大仙比較特別少少既餐廳 一直係呢間 因為款式多既日本野係呢區真係唔算多呢間餐廳假日是需要排隊 雖然唔可以話佢價位平 但係佢既質素係唔錯 算係cp值不錯的一間餐廳講返今日 我哋三個人食左下面甘多野食 唔算好多 但係好夠飽 平均一個人200蚊我比較推薦大家試吓白咖喱烏冬配炸雞 呢個真係次次去都會叫另外 我都比較推介軟殼蟹壽司 其他既壽司都唔錯既 款式都好多 總有一款岩你既 呢間野食除左有不同壽司 另外有各式小食同主食仲會有甜品 大家行開呢邊而價位又岩既可以試吓

餐廳嘅食物選擇好多，基本上你講得出嘅日本料理，魚生、壽司、牛肉鍋、各種各樣嘅熟食等，呢間都有供應，應有盡有。晚餐時段，始終近民居，個場好旺，客似雲來，整體食物質素同價錢都好滿意好吸引🥰火焰左口魚邊牛油果沙律 $72 8/10微微燒過嘅左口魚邊好肥美，碗中嘅牛油果同沙律菜都好新鮮，撈埋黑松露醬一齊食，整個味道嘅層次提升左4點刺身盛 $178 8.5/10刺身有三文魚、海膽、牡丹蝦、謎之魚。全部都好新鮮，特別係謎之魚，食落幾鮮甜，海膽就毫無腥味，入口即溶，好滿足😋鯛魚湯泡飯 $108 8/10餐廳好貼心，避免有客人唔食，飯素、香蔥及炸蒜都另上。湯中放有2扎菠菜卷，湯底非常濃郁鮮甜，連埋飯一齊食，完全中和鯛魚嘅魚腥味，當我撈埋所有配料一齊食，個飯嘅香味更加突出，食落無咩味精，幾岩鐘意食魚嘅客人白咖喱烏冬 $88 8/10軟綿綿嘅忌廉配上熱辣辣嘅日式辛口咖喱汁烏冬，烏冬口感食落好滑身，另配有兩件炸雞，炸得好香脆，雞嘅肉質幾嫩，不錯😋電擊雞翼配炸薯條雞翼炸得好似韓國炸雞，帶微微蜜糖味同幾重嘅辣味，幾岩食得辣嘅客人牛油果芒果三文魚班戟2件 $48 7.5/10睇到個名就知係好新穎嘅配搭，呢份甜品幾

四點刺身盛 $178
包括：3塊厚切三文魚＋超鮮甜的海膽＋牡丹蝦 2隻 ＋ 謎之魚2件。謎之魚嘅肉地結實過三文魚，但都一樣鮮甜，係其他地方無見過嘅。見佢特登加左兩塊檸檬🍋小片，味道加上來就refreshing 基本上比得呢個價錢就一定好食，抵唔抵就——慶祝都要嘅 包括：3塊厚切三文魚
白咖喱烏冬 $88
第一眼以為係梳乎厘🍄 但係白色咖喱嘅下面，其實都蘊藏黃色啡色嘅咖喱撈烏冬——稻庭煙韌彈牙版本😍 咖喱唔會太油膩，太濃烈，係可以食到嘴舐舐。烏冬仲配埋兩件炸雞，都係外脆內嫩滑嘅靚雞～ 不過我都係怕熱氣，將佢拆皮先食😹
安格斯牛扒他他沙律 $78
用手機測量過，成個碟係33cm 😂 視覺上好足料，同埋每塊嘅牛肩扒都幫你劃分每次食幾多肉同埋菜，感覺幾體貼😂 唔使摷到亂晒。黑醋汁就一啲都唔肥膩，食完冇罪疚咁。
宇治抹茶芭菲 $72
最鍾意呢個，作為一個抹茶控🍵 因為茶味本身足夠而唔會過分，亦都平衡到雪糕嘅幼滑 almost a perfect fusion , to me personally. 配料唔會喧賓奪主，主要係帶嚟口感，就唔係帶嚟甜味，所以夾得好！
牛油果🥑芒果🥭三文魚班戟🍣 $7

之前食過一次和氣食堂, 對呢道印象好好, 食物出色, 服務態度良好, 不禁激起我再次光顧嘅衝動烏冬本身已經好滑, 加咗綿滑嘅忌廉更加係不得了, 咖喱亦唔馬虎, 唔係稀Liao Liao, 除咗咖喱汁之外, 仲有些少肉絲在內, 少少辣, 唔食辣嘅都可以一試!上次食完呢個電擊雞翼之後一直念念不忘, 今次一於再encore雞翼依舊外面用糖包住，脆脆甜甜，薯條都有驚喜! 今次應該都加咗幾多蒜粉, 蒜味好重, 仲有少少辣, 唔鐘意食蒜嘅, 啲薯條就未必適合啦~個飯成座山咁, 上枱嗰陣真係嚇一嚇🙈最上層係木魚絲同高麗菜, 以少量沙律醬作點綴, 中層就係葱, 滑蛋同埋炸豬排, 除咗沙律醬之外, 仲有燒汁, 十足十食緊章魚燒, 再加上底層嘅珍珠米, 非常有日本嘅感覺🇯🇵刺身新鮮, 兼大件夾抵食, 果然係平民飯堂

#和氣食堂 #黃大仙今日同媽咪黎到黃大仙中心行街買新枕頭，晚餐都喺南館度揀咗間餐廳食。我揀咗和氣食堂。🍜 白咖喱烏冬 （$88）白咖喱烏冬上枱嘅時候只見一碗cream狀物體，夾開先知原來就係咖喱烏冬，都幾特別！佢另外仲內兩舊有返咁上下大嘅炸雞添，好味！香芒燻鴨胸沙律（$68）沙律比想像中大份，而且芒果同鴨胸都各有五舊咁多，沙律有加啲黑醋，特別香☺️一口炸芝士 （$42）炸芝士超級邪惡但勁勁勁好食，好推薦！甘粟薯餅 （$28）廿八蚊嘅呢個紫薯薯餅都算抵食，入面嘅紫薯好多！培茶芭菲 （$72）芭菲入面好多材料！有麻糬、小丸子、紅豆、粟米片... 仲有最重要同最好味嘅培茶雪糕，好清新好fresh，唔會好甜，好鍾意💛

今日喺黃大仙呢頭做完嘢，諗住食埋嘢先至返去，見呢個商場都幾多嘢食，就揀咗呢間和氣試吓。一入到去都好闊落，間舖都幾大間咁店舖嘅裝修同配設都好日式，睇得出喺細節位上都幾有心思無諗到一上前菜嘅時候碗沙律原來可以咁大碗，而且好好味。牛油果亦都係大大片咁上，如果可以落多幾塊牛油果就可以再滿足啲啦之後就到主食白咖喱烏冬，一睇個樣已經見到落料好足，有種軟綿綿嘅感覺夾起仲見到啲咖喱！黃黃啡啡嘅就係啲薯仔嘅粉，成碗都好重咖喱味！烏冬亦都好煙韌，呢個滿分💯另外，呢個白咖喱烏冬仲會配上兩塊炸雞🍗，啲炸雞好嫩滑，唔會炸到太老，幾Juicy!!之後仲有呢個鰻魚牛油果班戟🥑！牛油果愛好者表示好鍾意呢個！成個卷落料好足，個卷咁大個但係都捲得好好唔會太易食到散哂。啲鰻魚亦都好出色，食完呢個之後飽腹感大增然後仲有呢個刺身呢，食材好新鮮，啖啖鮮甜，生虎蝦可以見到廚師整得乾乾淨淨先至送上比大家食。另外，仲會送上秘製漿汁㗎最後就梗係唔少得甜品啦。我哋叫咗呢個宇治抺茶芭菲，雪糕嘅抺茶味好濃，真材實料入到嚟食呢間和氣完全無後悔，下次會再嚟食！！

難得出去食飯，之前朋友介紹過呢間餐廳唔錯，今日就約埋個fd黎呢到食個飯7點幾8點黎到都幾多人，睇黎真係幾受歡迎～我地叫左個沙律，d汁多到遮住哂沙律，唔洗驚有d沙律冇汁好齋沙律有d牛油果同埋麵包脆脆，菜既種類都有幾款，口感好豐富蛋係流心呢個電擊雞翼個名好得意，原來係凍食既，個皮出面甜甜地硬硬地，有d芝麻幾香口口感好得意，味道好好味！薯條一d都唔油，好脆白咖喱烏冬最好味上面有一層白色唔知係咪忌廉既綿密泡泡，下面係咖喱烏冬。烏冬味道好濃郁，而且有d薯仔蓉咁既口感同d咖喱撈埋一齊，超好味仲配左兩舊炸雞，浸落啲咖喱度食超夾呢個pancake勁足料，入面有牛油果、蟹柳同埋鰻魚，上面仲有好多蟹子個皮好薄，但味道好好，如果可以加少少鰻魚汁可能再好食d!最後甜品叫左個抹茶雪糕，抹茶味都幾濃，如果鍾意抹茶既應該會覺得好好食兩條友叫左勁多野都係500蚊到，但其實3個人食都得，因為真係食到好飽好飽，超抵食

嚟到黃大仙中心，好多舖頭都有位，見到呢間好多人等，反正唔肚餓拎咗飛行陣街等menu超級多刺身壽司，種類同選擇令人眼花花，叫咗個前菜過口癮先一上到嚟，隻顏色已經好搶眼，令我胃口大開薄薄嘅pancake皮包住滿滿嘅餡料，有厚切三文魚，芒果，牛油果同蟹柳，最後上面有蛋黃醬同埋多到瀉嘅蟹籽每種配料都有種新鮮感，夾埋一齊甜蜜肥美但唔油膩，食到好滿足安格斯牛扒黑醋沙律同樣好開胃，下面墊底有沙律菜，粟米粒同番茄仔，上面係牛扒切塊，再淋上酸甜嘅黑醋汁牛扒本身簡單嘅黑椒調味，煮得剛好又夠粉嫩，加埋生菜一齊食好fresh鯛魚湯泡飯用咗刺身級鯛魚，中間插住有菠菜卷同烤過嘅白芝麻店員詢問我哋使唔使幫我哋落，之後就逐一加入好似飯素嘅玄米脆脆，蔥花最後倒入奶白色嘅鯛魚湯當個湯同石鍋撞擊嘅時候，不斷冒起好多滾燙嘅泡泡，感覺到整個泡飯熱辣辣刺身鯛魚片本身帶微粉，淥熟後呈白色魚肉望落白滑，食落鮮甜，整體感覺好濃郁，鍾意食魚嘅朋友仔唔好錯過千回火鳥係雞中翼同雞尖痴住嘅部位，烤到金黃色嘅雞皮咬落焦脆，入面嘅雞肉都幾滑，亦可以加上檸檬汁白咖喱烏冬上面有一層厚厚嘅薯仔忌廉，撒上黑芝麻，另外上嘅係炸雞件烏冬質地幼滑彈牙，入面嘅咖

由於近排去多左黃大仙，先發覺黃大仙中心作了一個大裝修的舉動，裝演光鮮又光猛，開左唔少新既餐廳。與同行既朋友心累了，淨係想今晚想食日本野，安慰下自己近期既負面心情，見到除左集團式既壽司店，宜家仲多左間較多選擇既日式餐廳，南館地下G12A號鋪【和氣食堂】門口好似好多人等緊，我地見咁多人有興趣應該唔錯就拎飛等下。剛入座的時候入面既客人已經好多，餐廳都好大咩方位都座無虛席。看來這食店也頗受周圍居民的歡迎。日本餐廳都係鍾意用木製嘅野多，座椅、牆身、牌仔等等，喜歡凳有軟墊，坐得舒服，環境都非常簡潔，係有少少同隔黎有點近，有D話題性既都唔太方面講。店員好快遞上餐牌，呢個餐牌份量十足呀，全部食物都係圖文並茂，立即食慾大增。不過真係好厚，厚到睇到有點累。入面每樣食物的價錢非常親民，唔怪得咁多人黎食。呢度有多款壽司、手卷、軍艦、刺身飯、鍋物等等...款式多多。 今晚同朋友order左前菜、刺身、烏冬、飯類同埋甜品, 當中既刺身同埋豬扒丼突為出眾~令我地一試愛上!.💕最先出場的係四點刺身盛A $168「有：三文魚刺身、甜蝦刺身、薄切鱆紅魚刺身，廣島蠔」師傅精湛手藝品，每樣賣相都好得！力求呈現原汁原味的傳統美

日本野周街都有 唔想食迴轉壽司放題單點叫野食 都係不錯選擇分分鐘食到其他味美野一出地鐵站行遠少少就見到餐廳門外可以攞飛外 仲可以用手機攞飛我去到係晚上8 點幾 都等左大半小時不過有商場行下 時間好快就過一開始叫左個芒果三文魚蟹子沙律好多料 芒果好好味 夠甜唔酸叫左兩款唔同既卷物 牛油果炸蝦（無影相）同 芝士軟殼蟹兩個都包得唔夠實 一夾同點wasabi就散了仲有的是咖哩火灸三文魚 我覺得火灸三文魚一般 但友人就話唔錯特別之後就黎左個驚喜 一眼望到嚇一嚇 咩事純白色其實咖哩係底 好香好滑 一定要試下最後又想過一過口引 所以叫多個雞軟骨 分量唔少 炸得唔錯埋單都多差不多500不過食物真係幾好 對得著個價錢

第一次食和氣食堂已經覺得唔錯，係值得再嚟嘅餐廳。難得今日又嚟黃大仙食晚飯，仲唔畀我揾到機會再食？店入面差唔多坐滿曬，好彩去到啱啱好有位～朋友拍版嗌咗呢個沖繩風沙律。一嚟到見到啲綠色 一條條唔知乜嚟覺得好奇怪，朋友介紹之下先知道原來係沖繩特產海葡萄～係好有益嘅食物，真係恕小妹無知啦。咬落脆卜卜噉又鹹鹹地幾易入口，真係長知識了。呢個黑松露鵝肝卷係幾特別，但口感就唔算太好，唔知係煎得太熟定點。白咖喱烏冬係呢度必試嘅食物！好大份又creamy ，忌廉同薯仔一齊打到起泡，翻開佢原來入面仲有好多咖喱！雖然冇乜配菜，但豐富嘅口感都搭夠。呢個泡飯都幾過癮，魚湯好鮮甜，但啲配料就有啲乾。如果可以落多少少油去煮啲料會更好。食飽唔夠候要填飽埋個甜品胃，所以嗌咗個抹茶雪糕。不過唔係一般嘅雪糕，而係阿法奇朵 (affogato) 雪糕。本身係意式甜品嘅阿法奇朵係用熱咖啡淋上雪糕，但呢個竟然用咗抹茶!! 抹茶淋上抹茶雪糕簡直就係雙重享受，實在夠晒創新又好食。試過兩次呢度嘅嘢食都冇令我失望，希望嚟緊有機會再試埋其他～

已經不是第一次光顧，想食平靚正日料，和氣食堂是我的首選。刺身 烏冬 丼 沙律 壽司 樣樣嘢都做得專業好味，隨便叫都唔會失望店內是經典的日式裝飾，四人位可以坐得好闊落先點了開胃的【溫泉玉子牛油果沙律】份量十足，有洋蔥提味，溫泉蛋攪勻，啲菜包裹住蛋液，麵包片香脆，車厘茄多汁，再配搭牛油果的溫和口感同青瓜的爽口，好快食晒！【白咖喱烏冬】唔知係咪新menu（都可能一直都有不過冇留意）上面的忌廉雪白，幾粒芝麻錦上添花，白雪雪的下面是咖喱烏冬，烏冬彈牙，咖喱唔辣。仲叫左一個丼同4點刺身。來一張全家福先【黑豚肩燒丼】超大份，黑豚肉好大片，鮮嫩唔塞牙，每一片豚肉都有燒烤網格嘅痕跡，配返特製醬料，每一啖都係滿足。保留了黑豚肉嘅肉香，加埋香蔥嘅提味，真係最佳拍檔。【四點刺身盛】好新鮮，好足料，好抵食！個生蠔真係超大隻，食落仲有新鮮海水味。蝦肉都好嫩滑，仲有小小甜味。三文魚厚切，食材真係好靓，呢份刺身好滿意！【黑松露鵝肝帆立貝卷】經典！推介！必食！帆立貝新鮮又厚，黑松露味道非常純正豐富，滿口濃郁。壽司卷包得好實，鵝肝包喺入面，既有青瓜綜合太rich嘅口感，又同黑松露相輔相成。【白玉宇治抹茶牛奶雪糕】飯後甜點

2018.5.17今日同妹出開黃大仙！行開黃大仙中心，見到呢間食堂好似好好味好受歡迎，於是決定一試！餐廳環境好舒適，服務態度亦非常好，員工好有禮貌。首先，叫左個芒果三文魚蟹籽沙律$75，份量都好大盤下，沙律醬不會水稀稀的，而是平均分佈沙律間，蟹籽份量給得很足又脆卜卜的，青瓜絲亦夠爽脆，芒果亦十份甜，再配合三文魚同蟹柳，口感夠十分好味，值得再encore同推介然後點左個三點刺身盛B，有虎蝦4塊，三文魚3塊，章紅魚2塊，虎蝦仲特別配以越式醬汁，酸酸辣辣，好惹味。三文魚同章紅魚亦好厚切，好新鮮。再點左個珍寶赤蝦海鮮丼同妹妹share! 份量好夠，個赤蝦好鮮甜，帶子亦好大粒甜滿！性價比好高！再點左個白咖喱烏冬，一上枱同我想像食開的有些出入，亦好有驚喜。開初不知係咩東東，原來這個白咖喱烏冬，係將舖面的cream撈匀下面的咖哩去食，咖哩本身好惹味少辣，烏冬亦好彈滑，好正！炸雞就略嫌不夠脆嫩，但都好味作為一個新嘗試可以一試。我十分喜愛牛油果，於是點左呢個牛油果炸蝦卷，有四件大大件，呢個好好味，超推薦，炸蝦夠脆，蟹籽足，口感超好超夾。由於妹妹係超級抹茶控，所以最後點左個嶡餅白玉宇治抹茶雪糕作結。個綠茶