ROYAL INN

营业中

休息中

非常值得推薦的一間浪漫情調滿分的餐廳，絕對可以滿足情侶或者閨蜜聚會。從遠處看到這間法式風格的餐廳,就感受到一股溫馨雅致的氛圍。柔和的燈光下,白色環境上點綴著淡藍色的繡球花和其他配搭美麗嘅花花，深深令人着迷。炭燒安格斯裙柳牛扒:這道主菜的肉質非常鮮嫩多汁,肉汁在口中化開,帶有一絲微妙的煙燻香氣,讓人回味無窮。烹調得當,既不會過於生硬,也不至於乾柴。搭配上精心調製的酱汁,完美融合,令人賞心悅目。白松露薯條:薯條外皮酥脆,內裡綿軟,鹹香味中又不失香醇濃郁的白松露風味。口感層次豐富,讓人忍不住一根接一根地品嚐。這道配菜無疑為整個用餐體驗增添了不少亮點。蟹肉忌廉汁扁意粉:扁意粉的質地軟滑,完全沒有半點生澀感。濃郁的蟹肉忌廉醬汁包裹其中,與意粉恰到好處地融為一體,回甘有致,令人胃口大開。這道菜式完美地詮釋了法式料理的精髓所在。今晚同朋友仔𣈱談和細細品嚐佳餚，在優雅花園的氛圍中共同分享這份法式浪漫，享受浪漫的二人時光！

今日終於約到閨密出嚟行街shopping,喺尖沙咀行完街，好耐之前就已經好想試呢間裝修風格好宮廷式嘅餐廳，原本諗住下午茶時段過嚟，但係shopping得太過投入唔記得咗，咁真係試吓晚餐啦。白松露薯條 $78基本上薯條對於我哋嚟講都係開胃菜，喺美食正餐之前有啲小食咬下傾吓偈，白松露醬味道都好唔錯，薯條好似仲有少少芝士定洋蔥喺面，所以影相影落都好精緻。法式大蒜蘑菇忌廉烤雞 $238呢個真係要大贊，估唔到真係咁好味，配上考得剛剛好嘅麵包多士，點醬真係好好味。但係麵包真係要趁熱食，喺脆卜卜嘅時候加香濃嘅忌廉大蒜醬汁，真係好想食多幾塊。蘑菇同雞都好入味，所以都好夾。蟹肉忌廉汁扁意粉$168其實就冇乜特別，口味比較清淡少少，可能比起一般忌廉意粉嚟講冇咁濃郁。焗蘋果金寶配雲呢拿醬$78呢個係熱辣辣焗出嚟嘅AppleCrumble，真係超鍾意佢酸酸甜甜熱辣辣嘅感覺，其實呢道菜我成日都覺得唔係甜，每次食完都覺得好開胃。10分推薦熱式甜品～呢度嘅環境打卡真係好，真係好適合女仔喺度坐低傾偈，去到就嚟收舖嘅時候特登等啲人走晒，終於可以影到呢個冇人嘅環境，係咪有少少嗰種返返去維多利亞時期嘅感覺？

這間西餐廳位於尖沙咀The ONE，主打傳統糅合摩登風格的創新法國fusion菜，同時提供多款酒精飲品。門面以純白色為主，擺放多款五顏六色的花束，以巴黎凱旋門為裝修主題，營造浪漫的法國氣息。紅酒牛肋肉全蛋闊面 - $168香濃的紅酒汁燉煮得很入味，富含油脂的牛肋肉變得軟腍多汁，全蛋的意大利闊面富蛋香且更好掛汁，酸酸甜甜的鮮蕃茄醬好開胃，更有少少巴馬臣芝士碎。香煎原隻美國野雞仔 - $218原隻無骨春雞啖啖肉方便進食，雞皮煎得脆香而不膩，咬開雪白的雞肉流出濃濃肉汁好嫩滑，更有些焗薯角、蘆筍、香菇片及車厘茄。白松露薯條 - $78即叫即炸的粗薯仔金黃酥脆，咬開薯肉軟糯鬆化，撒滿白松露，有明顯的蒜香，更可蘸上茄汁或黑松露忌廉醬。Melon Kakigori - $108新推出三款熱日刨品之一，圍繞著一粒粒圓潤的新鮮哈蜜瓜及蜜瓜粒，香甜又多汁，更有香滑的鮮忌廉，以食用花為點綴；綿密的雪花冰用牛奶製成，帶淡淡的奶香，毫無冰塊顆粒感，更可淋上煉乳更惹味。

之前行The One都有見過呢間餐廳，裝修好法國風，一直好想搵機會黎，所以今晚同朋友決定黎呢度食晚飯餐廳入口😍😍見餐牌有cocktails有wine,但今晚唔想飲酒，所以無叫到，齋飲水😆😆前菜叫左個煎牛油蟹餅配沙律菜（跟黑醋），沙律菜新鮮青脆，蟹餅唔會好油，乾身另外叫左個煎北海道帶子番紅花意大利飯（帶子無overcook，個飯同啲汁都收得剛剛好👍🏽👍🏽）我地口痕，所以加配左呢個白松露薯條！平時黑松露薯條就食得多，難得呢度有白松露薯條，就叫黎試下，果然無失望！薯條粗身、真係有白松露薄片，真係無揸流攤👍🏽👍🏽，仲份量好多添！醬有茄汁同黑松露醬任點❤️最後叫埋呢個裙柳扒，裙柳係比較少聽見的牛部位，所以想試下，食落唔算韌，配埋個肉汁，再加埋呢個（跟酸忌廉）蒜香風琴薯仔，好夾！今晚食得好飽好飽，係薯條真係多到食唔曬😆其實仲有其他嘢想試，但真係太飽，下次再黎幫襯過！

餐廳近門口位置有個好靚既打卡位，有好多粉紅色既花藝擺設，牆身用咗浮雕裝飾，地面用上黑白地磚，經過拱門行進室內，會見到天花有幾盞水晶燈，充滿法國浪漫氣氛。炭燒12oz安格斯西冷扒Order咗五成熟嘅牛扒，貼心地預先為客人切件。西冷扒入面保持到粉嫩色，肉質軟腍。蒜香風琴焗薯焗薯表面掃咗層牛油🥔，食落好香口，配埋酸忌廉同煙肉脆片，味道好夾好滋味。紅酒牛肋肉全蛋闊面牛肉既肉汁同紅酒既香氣融合埋一齊，加埋全蛋闊面的口感Q彈有嚼勁，整體味道十分美味👍🏻。白松露薯條薯條啱啱新鮮炸起🍟，熱辣辣，好酥脆～ 聞到白松露既香氣，真係令人食慾大開😍！刨咗啲白松露片係炸到金黃色嘅薯條上面，沾埋松露醬食，令人食到停唔到口🤤Chocolate banana smoothie 沙冰打得好細滑，朱古力味濃郁，香蕉味突出唔會俾朱古力味掩蓋！甜度仲岩岩好，好飲！📍 Royal INN (尖沙咀)尖沙咀彌敦道100號The ONE1樓L121號舖

Royal Inn 位於尖沙咀The One，於2022年開業，是一間法國宮廷風餐廳，主打傳統法國菜，以摩登風格製作菜式。 餐廳的裝潢以純白色為主，門口設有小型巴黎凱旋門打卡位，經典黑白格紋地板及浮雕裝飾，並搭配古典水晶燈，讓人有置身於巴黎的感覺。 我們選擇了兩款前菜「牛油果吞拿魚他他」及「香草牛油焗田螺」，粉紅色的吞拿魚他他放在牛油果醬及沙律上，旁邊伴著粟米脆片，清新開胃！「香草牛油焗田螺」一上枱面香氣撲鼻，田螺鮮嫩，有滿滿的香草味道，而薯蓉很香滑，牛油香味突出，配上薄脆法包，是完美配搭。店員上菜時，會同時送上田螺夾及專用叉，方便食用又衛生。招牌菜「威靈頓羊架 」Lamb Wellington，平時常常聽「威靈頓牛扒」，「威靈頓羊架」真的第一次吃。外層的酥皮脆脆的，裹著羊架在中間，羊肉的調味也不錯，羊的臊味不重，怕羊臊味的朋友也可以接受的。配上原個烤蒜頭、薯仔及沙律菜。「紅酒牛肋扁意粉」是幼身的扁意粉，蕃茄味濃郁，牛肋肉淋身入味。「白松露薯條」長形粗身的薯條，非常香脆，加上一片片的白松露片及少少黑松露粉，味道香濃，更配上松露及蕃茄兩款醬，吃不停口。

bookmark左呢間餐廳好耐，前排終於約到朋友一齊去打卡食野！❤️門面係凱旋門佈置，感覺真係好grand，餐廳每一個小角落都可以打卡✨係入面食野真係好似皇室進餐～食物方面，見網上好多唔同comment，本身都有d 保留，不過食過發現，原來都有水準！🦪fresh  oyster（$42/$58）- 有兩款的，西班牙同法國，兩款都超級fresh😍😋😋- 西班牙蠔比較鮮甜，配上海水淡香，好夠鮮😋😋😋- 法國蠔好肥美，食落去滿口海水味🌸白松露薯條- 薯條好夠脆香，配上片片白松露，味道濃香🦀️牛油香煎蟹餅- 入面粒粒蟹肉，配上麵粒粒椒+mango salsa，味道好refreshing🦞鮮波士頓龍蝦意大利飯- 龍蝦湯好濃，令到粒粒意大利飯都超好香口，texture夠rich。- 店員好細心夾好龍蝦，方便到食。龍蝦肉質彈口、鮮甜，特別鍾意大大隻蟹鉗嘅鮮甜味道有機會再來打卡食野☺️

The One真係好多野食，今日收工黎左The One既Royal INN試試，係一間法國餐廳。呢度裝修非常之有法國特色，有一道大大巴黎凱旋門，而且仲放滿鮮花。晚市有全日餐牌，有主菜，意粉，意大利飯，牛扒，海鮮，湯，開胃菜，甜品，飲品。呢度都有酒飲同有水煙食。今日第一次黎，叫左個招牌菜威靈頓羊架試試。威靈頓羊架 $268 另加一呢道菜式要等15至20分鐘。慢工出細貨，擺盤唔錯。威靈頓羊架一支骨，外面包住酥皮，一切開就見到熱氣騰騰，叫左5成熟，入面中間粉嫩，食落好嫩口，味道少少羶，塊酥皮都酥脆，原來入面包住塊Parma ham，所以食落鹹香十足。伴有甜甜地既肉汁，味道更好。配菜有炸薯角6塊，烤蒜同沙律菜配車厘茄。香煎芝士波菜雞肉卷 $198 另加一香煎芝士波菜雞肉卷一客4件，係好瘦既雞胸肉包住薄薄一塊Parma ham，最入面有菠菜同芝士。食落瘦中帶鹹香，感覺健康。醬汁清淡又夠濕潤。伴有新鮮法國長豆，酸甜車厘茄，紅黃蘿蔔仔同滑溜薯蓉。呢道菜式非常健康。白松露薯條 $78 另加一白松露薯條大大兜，薯條係粗身，炸得熱辣辣，外脆內starchy，食落啖啖澱粉質，上面加少少黑松露粉，香草同芝士片

話說丫妹係網上見到朋友嘅打卡相, 得知係The ONE新開一間以法國做主題嘅打卡餐廳, 就即刻book定位今晚去食dinner打卡。雖餐廳營業時間冇分時段, 但依然做了分段入座, 六點正才正式開始比dinner section入座。門外同內都設有座位, 門外仲有一個角落放著乾花佈置, 供食客打卡。注意, 座位安排方面, 二人/攜有寵物人士均會被安排坐門外, 而餐廳內只供應二人以上嘅檯, 而門外內氣氛都大有分別, 內為暗淡燈光, 較有浪漫氣氛。點了兩款小食、主食、甜品share, 每款食物上檯擺盤都好靚, 怪不得食物上檯時間較長。牛油果吞拿魚他他: 粉紅色吞拿魚放於牛油果醬同沙律菜之上, 伴有脆片、蕃茄仔、甜酸醋, 味道清新開胃。白松露薯條: 粗薯條香脆, 灑上黑松露同埋白松露片, 配上蕃茄同埋黑松露兩款醬汁, 提升味道。法國藍龍蝦意大利飯: 有半隻龍蝦份量, 肉質爽, 鮮味鹹鹹地, 意大利飯很正宗, 粒粒質感有層次, 偏有口感, 平均沾上濃郁鮮香creamy汁。Apple Crumble:熱辣辣焗起, 鬆化, 蘋果林中帶爽甜又多汁, 加入雲呢拿醬平衡甜度。