天園餃子

营业中

休息中

天園餃子行街坊舖頭路線，平靚正。個人覺得可以一試，但未必會再去食。*湯餃餃子皮似雲吞皮多啲，非常薄、魚尾收口，差在冇用蛋開皮。餡料份量唔多，菜肉比例1:1，用料新鮮，唔會有奇怪腥味。白胡椒雜菌豬肉餃 (餃子套餐$40)白胡椒非常強烈好攻鼻，去到最後先食到豬肉同隱約菇菌味。皇帝菜豬肉餃 (餃子套餐$40)我覺得皇帝菜其實冇乜人鍾意食，明顯我完全係非主流。菜味冇想像中咁強。韭菜豬肉餃 (餃子套餐$35)經典組合，正常發揮！麻醬雞絲粉皮 (套餐小食 +$20)我敢講麻醬份量比粉皮多好多，粉皮滑捋捋，每條都好短，俾好多麻醬包住，好濃芝麻味，雞絲得四五條。

💛天園餃子·白胡椒雜菌豬肉餃$46 l 西洋菜豬肉餃$50 l 韭黃冬菇豬肉餃$54 l 芹菜木耳豬肉餃$54上面寫既係10隻既價錢黎既 雙拼就再加多$2🤣🤣佢D餃子幾好味既 好足料 不過佢個皮係似雲吞皮多過餃子皮既 我自己個人無咁中意 我覺得佢食落無咁juicy🤔而且佢呢度個湯係淡味D既 不過佢個白胡椒雜菌豬肉餃幾有驚喜 佢個白胡椒味真係好出 幾特別🤩🤩📍土瓜灣北帝街41號地下B號舖📍觀塘宜安街19號地舖📍旺角通菜街1號華發大廈地舖

武漢肺炎搞到仲有限聚令， 同d fd而家唔可以一班人出街食，唯有上friend屋企整嘢食啦~ 我地上去玩之前， 食個light lunch先~ 我地揀咗食餃子， 就係呢間天園餃子喇估唔到呢間鋪仔細細，都唔少人嚟食喎， 仲要有好多外賣， 我地等咗一陣就入到去坐卡位， 佢係用qr code自己落單， 好方便 我地一行3 人， 叫咗一份十只香茜豬肉餃， 同兩份set, 揀咗白胡椒雜菌豬肉餃同韭黃冬菇豬肉餃， 麻醬雞絲粉皮同麻辣雲耳海哲， 估唔到個麻辣雲耳海哲又幾好食喎， 少辣， 有好香嘅麻味， 雲耳海哲都好爽口入味~ 個白胡椒雜菌豬肉餃都好surprise, 估唔到咁夠胡椒味， 真心正~ 佢個香茜豬肉餃同韭黃冬菇豬肉餃都好好食， 只係個白胡椒雜菌豬肉餃surprise us a lot, 下次嚟一定要叫~