豚豚食堂

营业中

休息中

夜晚經過北角，就入咗北角匯行下睇下有咩食。見呢間個menu好似ok，就入去試下啦😋。我地嗌左個自選二人套餐🍜。主食我地揀左白豚拉麵，赤豚拉麵(+$5)。小食嗌左雜錦串燒🍢，自家製餃子(6隻)🥟，天婦羅魷魚🍤。拉麵口感都正正常常嘅，白豚拉麵個湯底好淡，啲豚肉偏靭😢，整體水準麻麻👎🏻。小食方面就ok嘅。餃子夠熱🥟♨️，好味👍🏻。炸魷魚都好食，可以叫嘅。總結：食物都叫做食得落肚嘅，但餐廳有個女服務員態度完全唔掂，其他同事出錯餐，安排入座等等，佢都講野超級大聲，成餐飯都要一路聽住佢鬧一路食，真心好影響客人用餐👎🏻👎🏻👎🏻，冇下次。

有時睇見d人食拉麵就眼火爆，好地地一碗拉麵，你走去慢慢卷慢慢食，咁樣邊有體驗咖？計我拉麵一黎就成注夾，獅子撲兔，君臨天下！一啖過咬得幾多得幾多，係可能你會覺得我無manner，但食野係對自己交代，對自己個胃交代！我食故我在！👇🏻📌自 選 二 人 套 餐 - $242▪️ 滑 蛋 豬 扒 丼 - ▫️ 二人餐可以揀兩個主食，三個小食，主食我就揀左「滑蛋豬扒丼」，豬扒份量都幾多，肉質腍滑唔會好老，加埋蛋夠滑溜，蛋香十足，撈飯一流呀。▪️ 白 豚 拉 麵 -▫️ 而我朋友揀左「白豚拉麵」，湯底濃得黎唔會太鹹，麵條好夠彈性，煙煙韌韌幾有咬口；本身豚肉都好夠味，筍亦好新鮮，整體有驚喜。▪️ 天 婦 羅 魷 魚 - ▫️ 小食方面先黎個「天婦羅魷魚」，食得出係即叫即炸，外層相當酥脆，魷魚肉爽彈，好食。▪️ 自 家 製 餃 子 - ▫️ 第二道「自家製餃子」呢個SET有6隻，上枱夠哂熱辣辣，皮薄得黎餡料又多，呢個一定要嗌！▪️ 燒 牛 舌 -▫️ 最後呢個小食「燒牛舌」賣相幾吸引，表面好光滑，食落油香十足，而且唔韌，好爽口，正！

經過呢間食堂好多次，今日就正式黎個食評。餐牌上嘅lunch set係最抵食。落單係用電話落單。如果午餐時間可以早啲到仲唔使排隊。白豚拉麵+吉列流心蛋豬肉餅：豬骨湯味唔算濃郁，但配菜充足。兩塊叉燒特別大，算係煮得比較熟冧。成碗面雖然冇靈魂流心蛋，但係勝在野菜充足蔬菜多到每一啖麵都會有。至於吉列留心蛋豬肉餅，其實入面係比較多麵粉。所以食落去感覺更加熱氣。豬肉餅整體非常厚實。加埋隻蛋喺入面更加飽肚。招牌牛油拉麵+自家製餃子：牛油其實放喺面上邊未完全溶化。但我都幾肯定湯入面都有少少牛油。因為湯入面有比較多嘅油鏡。呢間舖頭嘅叉燒都係一樣大塊。配菜來講招牌牛油拉麵係更加多。將個牛油撳落去拉麵度睇住佢慢慢溶化係有種治愈感。餃子同出面嘅拉麵店差唔多。都係有肉有菜配上佢嘅餃子醬汁。餃子煎得啱啱好。脆得來入面係軟淋淋嘅肉。呢間拉麵店嘅麵，全部都係一樣嘅軟硬度。整體食上去比較軟。lunch set唔貴，值得回頭再食。

今日晏晝經過北角匯，見到豚豚食堂內有個吉咗嘅卡位，於是我哋就決定入去食午餐啦，因為佢入面嘅卡位都幾好坐，夠哂闊，我哋睇完餐牌後，三個都決定食拉麵，叫咗兩個輕盈套餐白豚拉麵＋自家製餃子（3隻），另一個叫自選拉麵套餐赤豚拉麵＋串燒雞軟骨，大約等8至10分鐘就有得食啦，拉麵豬骨湯底，豚肉亦唔會太肥，都幾厚肉，成碗拉麵食完都唔覺油膩，自家製餃子皮薄餡多，好食，最主要餃子皮唔會煎得太硬，仲有雞軟骨加上檸汁，又軟又香唔會太鹹，算係抵食！整體環境及服務都唔錯。

今次食左屋企附近嘅餐廳，開左一年今日先第一次食。佢有拉麵，有咖哩飯，有便當，好多選擇。兩點去食冇咩人，唔洗等直接入去，餐廳環境乾淨，員工態度友善。叫左個白豚肉拉麵，朋友叫左個鯖魚豚肉便當。等左5分鐘就有，上餐速度好快。白豚拉麵，$69包含一碗拉麵同埋一份小食，份量適中。拉麵麵質有啲似即食麵，有啲淋。但係都可以接受。個湯好濃郁，有豬骨味。豬肉有三塊，好厚好大塊，但係稍微有點硬。拉麵仲有甘荀同木耳，正！雞軟骨好有咬口，配合檸檬汁，味道唔錯。朋友叫左鯖魚豚肉便當，魚冇腥味，豚肉甜甜地，幾好食。粟米淋上麻醬，好夾。

星期三約咗個朋友去北角買嘢，行到北角匯見到有間豚豚食堂，門口到企咗啲人等緊位，於是我哋就行多陣商場，等無咁多人至攞飛，未入去之前都已經睇咗門口個餐牌，所以當一入去座低，就已經可以點餐啦，我哋兩個都係揀咗拉麵套餐。包括每人一大碗白豚拉麵，配嘅小食就揀咗一個鰻魚飯，一個係燒肉飯，$69一份，加一後，2份總共係$152。總結：食店環境乾淨，我哋兩個座係卡位，所以都座得好舒服，點餐後，好快就有得食。職員態度都唔錯，食物水準都唔可以，食慣清淡嘅我，就覺得拉麵湯底略為鹹咗啲，麵質幼滑，而且份量都唔少，至於燒肉就一般，鰻魚比較薄，如果比較細食嘅人，真係可以叫輕量版。

經過北角匯，試一間裝修光亮的拉麵店，整體店內整潔，餐牌上亦有較多選擇，有定食、拉麵及小食，同時亦會顧及小食量的食客需要，居然有輕量麵食選擇，不過湯底味不夠，帶有一點味精！在普通飲方面凍飲加$8，覺得有點貴，但係亦睇得出師傳都算用心，在一片片少少檸檬上已經睇到，最後就要留意調味樽的整潔，今日用麻油時，樽外已沾上麻油，作為食客的我，一攞上手就中招，同時麻油開口較細，雖然明白依個開口，亦請採購留意，同埋依隻麻油完全無麻油香味，亦係最敗北的配搭！總結嚟講未達水準，算是不過不失

這裡環境不錯，空間舒服，店內坐位不多，但勝在地方少，但空間感大，食物水平唔錯，拉麵湯頭香濃郁，麵條爽脆幼滑，讚！咖喱奄列飯，炸豬扒厚身香脆，但日式咖喱偏甜，炸雞塊水準好，兩款的炸物都沒有油膩感，不錯