禮賓傅 (已結業)

身為一個食得之人有時要豪啲嘅, 唔係點食到好野今次老公帶我黎到呢間高級嘅禮賓傅聽個名都知勁! 而且選址中環, 附近都係高級嘅食店, 真係有番咁上下級數先會開喺呢度.之前好期待, 總算一入場真係無失望! 場入面擺設布置充滿氣魄, 禮賓傅果然無改錯名! 頭頂嘅水晶燈提升左個場嘅層次, 椅背嘅花紋加上白色嘅枱布, 添加左唔少古典美嚟到咁高級嘅地方當然唔少得影下相啦!見到呢個獎狀又令我充滿期待啦! 快啲上菜!呢一味真係開胃前菜! 湯底有適當份量嘅胡椒味, 加上鹹酸菜本身嘅濃郁味道, 連埋白滑嘅大白鱔, 胃口立即大開之後有羊城鴿鬆, 我一向好鍾意食生菜包. 今次呢個羊城鴿鬆就口感十足! 新鮮生菜加上惹味嘅肉粒, 係一個高級嘅生菜包蒸蛋白最緊要夠滑, 但呢味真係唔至蛋白滑, 連石班都滑! 一啖食入口, 好似石班同蛋白一齊溶入口中, 果種感覺而家都仲記得加上有淡淡嘅松露香, 令到口感加味覺同時豐富!百花釀蟹鉗唔會整得太油, 入面蟹肉非常豐富, 啲肉夠厚又多鮮汁, 真係咬完一啖又一啖呢個炸子雞都算炸得香! 聞到已經好想食! 加上有不同醬料配搭, 令到咁大隻雞都唔會乏味, 反而覺得唔夠. 雞皮鬆脆唔會甩

同屋企人嚟咗中環安蘭街18號嘅禮賓傅。lift門一打開，就見到中式佈置嘅玄關。入面嘅裝修貴氣又新潮，水晶吊燈令個環境更錦上添花。另一邊牆身就用咗香港嘅懷舊照片做裝飾。餐牌第一頁係餐廳嘅簡介，指出大廚鍾建良先生曾經晌禮賓府工作，餐廳名為禮賓傅除取其諧音，亦有「細意款待」同「廚師」之意。而家就算係我等平凡人，都能夠晌呢度試試大廚精心炮製嘅菜式。羊城鴿鬆，用咗櫻桃蘿蔔、菊花同辣粉襯托。鴿鬆即係切粒鴿肉，仲加咗花菇、馬蹄等等炒香而成，用生菜包住，再淋少少甜醬一齊食，口感爽脆惹味。百花釀蟹鉗，碟上灑咗啲花蕊，賣相滿分。吉列外皮炸得酥脆，咬開後打成起膠嘅部份好彈牙，中間仲清楚見到幾完整嘅蟹肉，蘸少少紅醋嘅話好似減咗啲油炸帶嚟嘅熱氣感。蟲草花冬瓜燉水鴨湯，呢款係當日嘅師傅精選燉湯。燉湯色澤濃郁，同埋比一般嘅老火湯仲能夠保留食材原味。燉盅造型好似樹幹咁，入面除咗蟲草花同冬瓜，仲有花菇提味，水鴨就幾羶香討好，湯味鮮甜，同埋有滋補潤肺嘅功效。香煎石斑配雙色蒸蛋白，器皿係半圓玻璃樽，再加幾朵食用花點綴，起初我仲以為係甜品嚟。黑松露醬令香煎石斑更顯馥郁，蒸蛋白分咗兩層，上層嘅紅色嚟自紅菜頭汁，下層就係原味蛋白