樂天皇朝 (青衣城1)

营业中

休息中

今日同老公去咗青衣城，去咗樂天皇朝食lunch ,因為我好想食小籠包，同埋佢哋嘅餐牌都有好多選擇，也有無肉餐單啱食素嘅老公。我哋叫咗呢啲：💛招牌原味小籠包💛皇朝擔擔拉麵🍜💛上海媽媽烤麩💛竹炭流沙包甜點：💜宮廷驢打滾💜香煎豆沙窩餅佢哋嘅小籠包真係必叫，每個都皮薄多汁，夾起上嚟又唔會穿，好食到我可以一個人食曬成籠都得😂老公就特別鍾意個擔擔面，麻醬花生醬味濃郁又帶點少辣，越食越滋味。仲有個甜品驢打滾都係我地好鍾意，好似糯米糍質地嘅皮有好多豆沙餡卷成，跟住外面就有啲好似黃豆粉包住。其他食物都唔錯，其實仲有好多嘢食都想試但係兩個人肚皮有限，唯有等下次有機會再試吓其他。

今日去左樂天皇朝食上海野青衣分店超大, 到夜晚八點仍然非常多人仲可以睇住廚師製作🤣一坐低, 每枱都會送上滷栗子花生,花生非常軟綿, 滷水香濃入味我就叫咗佢哋嘅招牌原味小籠包, 真係皮薄餡靚, 夾起唔會容易穿, 但係入邊又充滿湯汁, 湯汁唔油膩, 真係幾出色😋另外食上海野必食上海生煎包, 生煎包底部煎得香脆, 包鬆軟, 同樣包住滿滿湯汁嘅餡🤣👍另外都叫左皇朝擔擔拉麵同雪菜鹹肉炒年糕擔擔麵口味偏辣, 麻醬味濃郁😆麵質彈牙, 每一條麵都索滿湯汁年糕非常煙靭, 雪菜切得非常幼細雪菜分怖非常平均, 每一塊年糕上都有, 每一啖都帶點鹹香

心思思想食小籠包，附近又有樂天皇朝就梗係唔放過啦，馬上拉埋友人黎陪下我。小食 $15入座後店員送上，係烚栗子花生，質地偏向稔林，甜甜地好好味，愛吃可加$15續添。無錫鮮肉鍋貼 $38一客三隻，外皮煎得金黃香脆，小食之選。芝士小籠包（6隻） $88想試八色小籠包，但芝士控友人獨愛芝士味，唯有配合一下，八色留待下次吧。外皮厚薄適中，芝士味並沒有蓋過鮮肉香味，宜趁熱辣辣趕快食。糖醋魚片 $98色彩鮮豔奪目，配菜紅椒、青椒及洋蔥應記一功，魚片外脆內軟，甜酸汁非常開胃，配飯很不錯。皇朝擔擔拉麵 $65麵質稍為淋身，面上舖上蔥花及花碎，花生味同辣味互補下啖啖辣得滋味，份量都幾多，2人食完抱住個肚。

今日我請屋企人食飯🤭 佢哋最中意食上海嘢，梗係嚟呢到食😋 呢到裝修靚，坐得舒服，佢仲俾咗望住成嗰青衣城嘅靚境俾我坐🤭 上海風味醬鴨 $63 - 見廚師推薦就試下，的確係有味覺上的衝擊，我完全未係其他地方食過‼️口感似臘鴨，但無咁咸，加埋啲秘製醬汁，絕對值得一試😋招牌原味小籠包 $68/6粒 - 必叫小籠包是常識吧😂 小籠包有八種味，除咗原味，我最中意食蟹粉、鵝肝或者黑松露😋 好足料，但同媽咪爸爸食都係叫返正常口味😂 無錫鮮肉鍋貼 $38/3粒 - 外脆內軟，肉汁多😋刀切小饅頭 (炸) $30/3個 - 呢嗰係技巧錢，佢做到外脆內軟，加埋煉奶就100分😋 李白醉雞 $88/例 - 從來無令我失望嘅醉雞，好濃烈嘅酒味，啲肉好嫩口😋皇朝擔擔拉麵🍜 $65/例 - 我叫咗少辣，絕對有理到顧客嘅要求🤭 因為好多餐廳叫咗小辣，都辣到飛起🥴 佢啲花生味好香🥹 3個人加埋一連埋茶位埋單$413.6，因為我唔會就咁食花生🥜所以免咗小食，人均消費係有啲貴，但食物質素絕對有保證😝

之前同朋友去過銅鑼灣分店，一試就愛上，價錢合理之餘環境舒適中而且裝修富麗堂皇，所以今次就大屋企人嚟青衣分店試一試。今次我哋係晚餐過嚟，但發現原來星期一至五下午茶時段佢哋係有五折優惠㗎 。宣傳卡嘅另一邊當然係呢間店嘅鎮店之寶皇朝小籠包啦，食用嘅時候要跟返佢哋建議嘅次序。由於菜式嘅選擇實在太多，menu太大本喇，所以都冇辦法一一影低，就影低呢張點餐紙啦，所有餐品都可以喺呢度點，非常方便。雖然青衣店嘅裝修冇銅鑼灣店咁高檔次，但環境亦非常舒適，所有座位都好寬闊，即使餐廳即使餐廳當晚坐滿客人但係都毫無嘈雜感，食得好舒服。香辣蒜泥白肉 $65香辣蒜泥白肉，淨係外觀都已經好有誠意，唔係純粹將幾片白肉上面鋪滿蒜泥，而係每一片白肉入面都會包住好多青瓜絲，在係上面鋪住香辣味嘅蒜泥。雖然蒜味係冇譚仔嗰啲咁濃烈，但呢個食落去有一種清新嘅感覺，青瓜絲中和蒜泥嘅膩感，口感爽脆，非常開胃。成都口水雞 $78家人愛吃辣嘢，但又唔想食水煮魚或者水煮雞咁油膩嘅食物，所以就叫咗呢味口水雞。重口味人士必愛，醬汁沾滿著雞肉，雞肉又非常嫩滑，真係會食到流口水。特色皇朝小籠包(八色) $98主角到，八色小籠包係此店必點嘅。 八種味